Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Эхлэл 29–33: “Бурхан ялах болтугай”

“Эхлэл 29–33: ‘Бурхан ялах болтугай,’” Хуучин Гэрээний семинарын багшийн гарын авлага (2026)

“Эхлэл 29–33: ‘Бурхан ялах болтугай,’” Хуучин Гэрээний семинарын багшийн гарын авлага

Эхлэл 24–33: 32-р хичээл

Эхлэл 29–33

“Бурхан ялах болтугай”

The Old Testament characters Jacob and Esau embracing one another. A desert landscape is portrayed in the background.

Амьдралдаа Бурханыг ялуулсан нэгэн жишээ бол бошиглогч Иаков юм. Гэрээнд гэрлэх, өдөр тутмын ажил хөдөлмөртөө Их Эзэний адислалуудыг хүртэх, гэр бүлийн харилцаагаа эдгээхийн тулд Бурханы хүссэн зүйлийг хийхийн төлөө тэрээр маш их хүчин чармайлт гаргажээ. Энэ хичээл нь Бурханыг амьдралдаа ялуулах илүү их хүсэлтэй болоход суралцагчдад тусална.

Суралцагчийн бэлтгэл: Бурханы тэдний амьдралд нөлөөлдөг арга замуудыг жагсаан бичихэд суралцагчдыг урих талаар бодож үз. Хэрэв суралцагчид энэ сэдвээр илүү ихийг мэдэхийг хүсвэл ерөнхийлөгч Рассэлл М.Нэлсоны “Бурхан ялах болтугай” (18:51) хэлсэн үгийн зарим хэсгийг сонсож, үзэж, уншиж болно.

Видео: “Бурхан ялах болтугай” (18:51) цагийн код 12:18-аас 13:02, “Jacob and His Family” (3:00)

Боломжит суралцах үйл ажиллагаа

Бидний амьдрал дахь нөлөөлөл

Судлах тэмдэглэлдээ өөрсдийн амьдрал дахь зарим нөлөөллийн жагсаалтыг гаргахад суралцагчдыг урих талаар бодож үз. Үүнд тэд найз, багш, зөвлөх, хэвлэл мэдээллийн ажилтнууд болон эцэг эх, бошиглогч, Их Эзэн, тэр ч байтугай өөрсдийн бодол санаа, хүсэл эрмэлзэл зэргийг багтааж болно.

Дараа нь жагсаалт дээрх зүйлсийн нөлөөг сайтар эрэмбэлэхэд тэднийг урь. Суралцагчид хамгийн хүчтэй нөлөөллийг 1-ийн тоогоор, дараагийнхыг 2-ын тоогоор гэх мэтчилэн үргэлжлүүлж, үнэлж болно. Эсвэл суралцагчид “их,” “дунд”, “бага” гэх мэт үгсийг бичиж, зүйл тус бүрийн нөлөөллийн хэмжээг зааж өгч болно.

Тэднийг дараах мэдэгдлийг уншихаас өмнө, Бурханыг ялуулна гэдэг нь Түүнийг өөрсдийн амьдралд хамгийн хүчтэй нөлөөлүүлэх боломжийг олгож байгаа гэдгийг тайлбарлах нь тустай байж болно.

Ерөнхийлөгч Рассэлл М.Нэлсоны дараах бурханлагаар нөлөөлсөн асуултуудыг унш. Энэ асуултуудад хэрхэн хариулахаа тунгаан бод.

18:51

Та амьдралдаа Бурханыг ялуулахад бэлэн үү? Та Бурханыг амьдралынхаа хамгийн хүчтэй нөлөөллөө болгоход бэлэн үү? Та Түүний үгс, зарлиг, гэрээнүүдэд өдөр бүр үйлддэг зүйлдээ нөлөөлөх боломж олгох уу? Түүний дуу хоолойг бусдаас чухалд тавихыг та хүлээн зөвшөөрөх үү? Түүний танаар хийлгэх гэсэн зүйлийг бусад бүх хувийн хүсэл сонирхлоосоо дээгүүр тавихад та бэлэн үү? Та өөрийн хүслийг Түүний таалалд нийцүүлэхэд бэлэн үү? (“Бурхан ялах болтугай,” 2020 оны 10-р сарын Ерөнхий чуулган, 94).

Эдгээр асуултад өгөх хариултаа судлах тэмдэглэлдээ бичихэд суралцагчдыг урь. Эдгээр нь Бурханыг ялуулах эсвэл өөрсдийн амьдралд хамгийн хүчтэй нөлөөлөл болгоход бэлэн байгаа арга замуудыг багтааж болно. Мөн тэд бэлэн биш байдаг болон яагаад хэцүү байдаг талаараа оруулж болно.

Түүнийг амьдралдаа ялуулах хүслийг тань илүү ихээр нэмэгдүүлэхэд туслах, танд тулгарч буй ямар нэгэн асуудал, бэрхшээлд туслах, ойлголт өгөх Ариун Сүнсний удирдамжийг эрэлхийл.

Иаковын үлгэр жишээ

Нэг удаа Иаков өөрийнхөө болон гэр бүлийнхээ төлөө “ихэд айн, сэтгэлийн дарамтад оров” (Эхлэл 32:7). Тэрээр өөрт тохиолдсон хүнд сорилтоор Их Эзэний адислалуудыг олж авахаар шийдэн, шөнөжин “барилдсан” (Эхлэл 32:25). (Та хичээлийн дараа энэ нөхцөл байдлын талаар илүү ихийг судлах болно.) Их Эзэн хариуд нь Иаковт тусална гэж амласан ч Иаковын нэрийг мөн өөрчилжээ.

Эхлэл 32:28-ыг уншаад, Их Эзэн Иаковын нэрийг юу гэж мөн яагаад өөрчилснийг олж мэд.

Израил гэдэг нэрийн нэг утга болох “Бурхан ялах болтугай”-г судрууд дээрээ тэмдэглэхэд суралцагчдыг урих талаар бодож үз (зүүлт тайлбар 28 б, Библийн толь бичиг, “Израил”-ыг үзнэ үү)

Энэ хичээл нь Бурханыг ялуулсан Иаковын эсвэл Израилын амьдралын гурван талбарыг онцолсон. Судалж байхдаа дараах зарчмын жишээг хайж ол. Биднийг амьдралдаа Бурханыг ялуулахад бэлэн байх үед Тэр биднийг бүх зүйлд адислах болно.

Дараах тараах материалын хуулбарыг бэлтгээд, дараахаас нэгийг нь хий.

Эдгээр тараах материалыг гурван суралцагчид эсвэл бүлэг суралцагчид урьдчилан өгч, материалын дагуу ангиа удирдан явуулахад тэднийг урь.
Бүх гурван үйл ажиллагааг жижиг бүлгүүдэд хуваарилан гүйцэтгэхэд суралцагчдыг урь.
Гурван тараах материалын үндсэн тоймыг суралцагчдад өгч, нэг юм уу хоёрыг нь сонгон суралцах боломжийг олго. Тойм өгөх нэг арга нь “Jacob and His Family” (3:00) видеог үзэх юм.

3:0

Иаков гэрээнд гэрлэхийн тулд агуу золиослол гаргасан

Хэрэв суралцагчид эдгээр гурван хэсгийг бүлгээрээ судалсан бол сурч мэдсэн зүйл болон энэ нь тэдэнд ямар ач холбогдолтой байж болох талаар хуваалцахад тэднийг урь. Хэрэв тэд өөрсдөө аяндаа дурдаагүй бол Их Эзэний талаар юу сурч мэдсэн талаар нь тэднээс асуу.

Бурханыг амьдралдаа ялуулсан хүмүүсийн тухай харсан бусад жишээнээс хуваалцахыг суралцагчдаас хүс.

Амьдралдаа Бурханыг ялуулах

Энэ хичээлээс юу сурч мэдсэнээ эсвэл юуг санахыг хүсэж байгаагаа тунгаан бод. Хичээлийн эхнээс судлах тэмдэглэлдээ санаа бодлоо нэмэх явцдаа Ариун Сүнсний удирдамжийг эрэлхийл. Та амьдралдаа Бурханыг ялуулахгыг хүсэж буй шалтгаануудаа багтаа. Мөн та амьдралдаа Бурханыг ялуулах илүү их хүсэлтэй болохын тулд хийж чадах зүйлээ оруулж болно.

Хэрэв тэдгээр нь хэт хувийн шинжтэй биш бол бодлоо хуваалцахад суралцагчдыг урь. Мөн та өөрийн бодол, гэрчлэлийг хуваалцахыг бод.

Нэмэлт эх сурвалж

Бурханыг амьдралдаа ялуулах нь бидэнд хэрхэн тусалж болох вэ?

Ерөнхийлөгч Рассэлл М.Нэлсон ийн амласан.

Ийнхүү [Бурханыг ялуулахад] бэлэн байх нь таныг хэрхэн адисалж болохыг бодоод үзээрэй. …

Хэрэв танд сайн мэдээний тухай болон Сүмийн талаар үнэхээр мэдэхийг хүссэн асуулт байвал Бурханыг амьдралдаа ялуулахыг сонгосноор та амьдралын тань замыг зааж, гэрээний зам дээрээ баттай зогсоход туслах өөрчлөгдөшгүй, мөнхийн үнэнийг олж, ойлгоход чиглүүлэгдэх болно.

Та уруу татагдахдаа, тэр бүү хэл туйлдаж, ганцаардаж эсвэл буруугаар ойлгогдсон үед тань уруу таталтууд ирэх үед Бурханыг амьдралдаа ялуулахыг сонгож, Түүнээс өөрийгөө хүчирхэгжүүлэхийг хүсэн гуйхад ямар их зориг шаардагдахыг төсөөлөөрэй.

Хэрвээ та Бурханыг ялуулахыг мөн Израилын нэгэн хэсэг байхыг хамгийн их хүсэж байвал олон шийдвэр гаргахад амар хялбар байх болно. Маш олон асуудал асуудал байхаа болино! Та өөрийгөө хэрхэн хувцаслахаа мэдэх болно. Та юу үзэх, юу унших, чөлөөт цагаа хаана хэнтэй хамт өнгөрүүлэхээ мэднэ. Та юунд хүрэхийг хүсэж байгаагаа ч мэднэ. Та үнэндээ яг ямар хүн болохыг хүсэж байгаагаа мэддэг болно. (“Бурхан ялах болтугай,” 2020 оны 10-р сарын Ерөнхий чуулган, 94).

Аврагч бидний харилцаанд хэрхэн тусалж чадах вэ?

Арван хоёр төлөөлөгчийн чуулгын ахлагч Жэффри Р.Холланд ийн заасан.

Есүс бидэнд “хайранд хамтдаа амьдар” [Сургаал ба Гэрээ 42:45] мөн “та нарын дунд ямар ч сөргөлдөөнүүд байх ёсгүй” [3 Нифай 11:22] гэж хэлсэн. … Үнэндээ, бидний Христтэй харилцах харилцаа бидний нэг нэгэнтэйгээ харилцдаг харилцаагаар тодорхойлогддог буюу ядаж л нөлөөлөгддөг. …

… Бид хөлөө жинхэнэ эдгэрлийн зам дээр тавих юм бол зовлон шаналлаа даван гарч чадна. Энэ бол бидний хүн нэг бүрийг “Ирж, Намайг дага” [Лук 18:22] хэмээн дууддаг Назарын Есүсийн алхсан өршөөлийн зам билээ. …

… Бүх шархыг Эдгээгч, бүх бурууг зөвтгөгч Тэрээр биднээс дэлхийд өөр ямар ч аргаар олдохгүй амар тайвныг бүтээх хэцүү үүрэг даалгаврын төлөө Өөртэй нь хамт хөдөлмөрлөөсэй хэмээн хүсэж байна. (“Эвлэрлийн тохинуулал,” 2018 оны 10-р сарын Ерөнхий чуулган, 78–79)

Нэмэлт суралцах үйл ажиллагаа

Боломжит видео

Амьдралдаа Бурханыг ялуулсан орчин үеийн нэгэн жишээг, номлолд үйлчлэхийн тулд мэргэжлийн рагбигаа хойшлуулахаар шийдсэн залуугийн “Your Day for a Mission” (3:31) түүхээс үзэх талаар бод.

3:32

Их Эзэний адислалуудыг хүлээн авахын тулд барилдсан Иаковын барилдаан.

Хэрэв та хэрэгтэй гэж үзвэл, Эхлэл 32:24–28 дээрх Иаковын барилдааныг Инос 1:2, 10–12 дээрх Иносын туршлагатай харьцуулахад суралцагчдыг урь.

Иаковтой адилаар Инос Их Эзэнийг залбиран эрэлхийлэхийг “барилдаан,” “тэмцэл,” “хичээнгүй хөдөлмөр” гэж тодорхойлдог.

Иаков, Инос хоёрын Их Эзэнийг эрэлхийлэх туршлагын талаар эдгээр үг юуг илэрхийлж байна гэж та нар бодож байна вэ?
Их Эзэн яагаад биднийг гэрээний адислалуудыг олж авахыг эрэлхийлэх үед биднээс ихээхэн хичээл зүтгэл гаргахыг шаарддаг гэж та нар бодож байна вэ?

Энэ түүхээс юу нь чухал санагдсан, энэ нь тэдний амьдралд хэрхэн тустай байж болохыг хуваалцахад суралцагчдыг урь.