Ko Hono Tanumaki ʻo e Moʻui Fakafalala Pē Kiate Kitá: Vakai Fakalūkufuá

Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

“Ko Hono Tanumaki ʻo e Moʻui Fakafalala Pē Kiate Kitá: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí (2026)

“Ko Hono Tanumaki ʻo e Moʻui Fakafalala Pē Kiate Kitá: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí

Ko Hono Tanumaki ʻo e Moʻui Fakafalala Pē Kiate Kitá

Vakai Fakalūkufuá

Ko e moʻui fakafalala pē kiate kitá “ko e malava, tukupā, mo e ngāue ke maʻu ʻa e ngaahi fiemaʻu fakalaumālie mo fakatuʻasino ʻo e moʻuí, maʻata pea mo e fāmilí” (Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 22.0, Gospel Library). ʻI heʻetau ngāue ʻaki ʻetau tui kia Sīsū Kalaisí, ʻe tokoniʻi kitautolu ʻe he Tamai Hēvaní mo Sīsū Kalaisi ke tanumaki ʻetau moʻui fakafalala pē kiate kitautolu ʻi he tapa kotoa pē ʻo ʻetau moʻuí pea malava ai ke tau tokangaʻi mo tokoniʻi lelei ange ʻa e niʻihi kehé.

Fokotuʻu ki he vave hono akoʻí: Mahalo naʻa lelei taha ke akoʻi ʻa e ngaahi lēsoni ko ʻení ʻo fakatatau mo ʻenau fakahokohoko ʻi he tohí ni. ʻOku fakafeʻiloaki ʻe he ongo ʻuluaki lēsoní ʻa e kau akó ki he ngaahi tefitoʻi moʻoni ʻo e moʻui fakafalala pē kiate kitá pea ʻe tokoni ke mahino lelei ange kiate kinautolu ʻa e ongo lēsoni fakaʻosí. ʻE lava foki ke tokoni hono akoʻi ʻo e ongo ʻuluaki lēsoni ko ʻení ʻi he konga kimuʻa ʻo e taʻú ke teuteuʻi ai e kau akó ke mahino ʻa e ngaahi tefitoʻi moʻoni te nau ako ʻi he ngaahi ēsoni “Tuʻunga Moʻui Lelei Fakatuʻasinó mo Fakaelotó,” “Ko e Teuteu ki he Ako mo e Ngāue Maʻuʻanga Moʻui ʻi he Kahaʻú,” mo e “Ko e Lavameʻa ʻi he Akó.”

ʻIkai ngata aí, ʻoku fakaʻaongaʻi ʻe ha lēsoni ʻe tolu ʻo e moʻui fakafalala pē kiate kitá ha ngaahi konga ʻo e talanoa ʻo Siosefa ʻo ʻIsipité ʻoku hā ʻi he Sēnesi 37–47. Te ke lava ʻo fili ke akoʻi ha niʻihi ʻo e ngaahi lēsoni ko ʻeni ʻo e moʻui fakafalala pē kiate kitá fakataha mo e ngaahi lēsoni ʻo e Fuakava Motuʻá ʻoku nau akoʻi ʻa e ngaahi talanoa tatau, ʻo fakatatau mo e ngaahi fiemaʻu hoʻo kau akó mo e ngaahi taimi kehe [ʻo e lēsoní] ke fakakaukauʻí. Vakai, “Ako ki he Faʻu ha Fakahinohino ki he Vave Hono Akoʻí” ki ha tokoni lahi ange ki hono fakahoko ʻo e ngaahi fili ki he vave hono akoʻí ki he ngaahi lēsoni Teuteu ki he Moʻuí.

Teuteu ke Akoʻí

ʻOku ʻoatu ʻe he fakamatala ko ʻení ha ngaahi fakakaukau ʻo e meʻa ʻe ala fiemaʻu ke teuteuʻi kimuʻa ‘i he lēsoni takitaha.

Ko Hono Tanumaki ʻo e Moʻui Fakafalala Pē Kiate Kitá ʻi he Founga ʻa e ʻEikí

Taumuʻa ʻo e lēsoní: Ke tokoni ke mahino ki he kau akó ʻa e ʻuhinga ʻoku mahuʻinga ai ke tanumaki ʻo e moʻui fakafalala pē kiate kitá ʻi he palani ʻa e Tamai Hēvaní maʻatautolú.

Teuteu ʻa e tokotaha akó: Fakakaukau ke kole ki he kau akó ke nau fai ha meʻa ʻiate kinautolu pē ʻa ia kuo fai ʻe he niʻihi kehé maʻanautolu ʻi he kuohilí. Hangē ko ʻení, mahalo te nau teuteu ha meʻatokoni, fai e foó, totongi ha meʻa ʻoku faʻa totongi ʻe heʻenau mātuʻá, pe fakaleleiʻi ha meʻa ʻi honau falé.
Naunau maʻá e kau akó: Ongo tatau ʻo e fakamatala ʻa Pīsope Uātoló mo e fakamatala mei he Ngaahi Tefito mo e Ngaahi Fehuʻi ke ʻoange ki ha ongo tamaiki ako
Laʻiʻatá: Fakatātā ʻo ha kiʻi manupuna valevale
Meʻa ke fakaʻaliʻalí: Fakamatala ʻa Pīsope Uātoló mo e fakamatala mei he Ngaahi Tefitó mo e Ngaahi Fehuʻí; ngaahi fakahinohino mo e ngaahi fehuʻi ki he sivi fakaekitá; ngaahi fakahinohino, ngaahi fakamoʻoni fakafolofola, mo e ngaahi fehuʻi ki he ʻekitivitī fakakulupú
Ngaahi vitioó: “All I Needed” (1:44)

Ko Hono Fakaʻaongaʻi ʻo e Tui kia Sīsū Kalaisí ke Tanumaki ʻa e Moʻui Fakafalala Kiate Kitá

Fakatokangaʻi ange: ʻOku fakaʻaongaʻi ʻe he lēsoni ko ʻení ha ngaahi konga ʻo e talanoa ʻo Siosefa ʻo ʻIsipité ʻoku maʻu ʻi he Sēnesi 39–41. Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e Lēsoni 33: “Sēnesi 37–41.” ʻE ako ʻe he kau akó ha konga lahi ʻo e ngaahi veesi folofola tatau ʻi he ongo lēsoni ko ʻení.

Taumuʻa ʻo e lēsoní: Ke tokoni ke fakaʻaongaʻi ʻe he kau akó ʻenau tui ʻe tāpuekina kinautolu ʻe he Tamai Hēvaní mo Sīsū Kalaisi ʻi heʻenau feinga ke tanumaki ʻa e moʻui fakafalala pē kiate kitá.

Teuteu ʻa e tokotaha akó: Fakakaukau ke fakaafeʻi ʻa e kau akó ke nau hiki hifo ʻa e ngaahi fakafeʻātungia ʻokú ne ʻai ke faingataʻa ke moʻui fakafalala pē kiate kita ʻi ha tafaʻaki ʻe taha pe lahi ange ʻo e ngaahi tafaʻaki ko ʻení:
- ʻIlo ki he ongoongoleleí
- Ngaahi fiemaʻu fakapaʻanga lolotongá mo e kahaʻú
- Akó mo e ngāue maʻuʻanga moʻuí
- Ngaahi fiemaʻu fakatuʻasinó
- Ngaahi fiemaʻu fakaelotó mo fakasōsialé
Meʻa ke fakaʻaliʻalí: Sivi fakafoʻituitui ʻa e tokotaha akó, kau ai ʻa e ngaahi fakahinohinó mo e ngaahi kulupú
Ngaahi vitioó: “I Will Provide for My Saints” (3:08) mei he taimi 0:00 ki he 1:52
Laʻipepa tufá: “Ko Hono Fakaʻaongaʻi ʻo e Tuí ke Tanumaki ʻa e Moʻui Fakafalala Pē Kiate Kitá”

Ko Hono Tokangaʻi Fakapotopoto ʻo e Ngaahi Maʻuʻanga Tokoni Fakapaʻangá

Fakatokangaʻi ange: ʻOku fakaʻaongaʻi ʻe he lēsoni ko ʻení ha ngaahi konga ʻo e talanoa ʻo Siosefa ʻo ʻIsipité ʻoku maʻu ʻi he Sēnesi 41 ʻa ia ʻoku ʻikai ako ʻi he Lēsoni 33: “Sēnesi 37–41.” Mahalo te ke fie akoʻi ʻa e lēsoni ko ʻení ʻi he taimi ʻokú ke akoʻi ai ʻa e lēsoni 33 ke ʻoange ha mahino lahi ange ki he kau akó fekauʻaki mo e talanoa ko ʻeni mei he fakafolofolá.

Taumuʻa ʻo e lēsoní: Ke tokoni ke fakaʻaongaʻi ʻe he kau akó ha ngaahi tefitoʻi moʻoni fakalaumālie ke tokangaʻi ʻaki e ngaahi fili fakapaʻangá ʻi he founga ʻa e ʻEikí.

Teuteu ʻa e tokotaha akó: Kimuʻa pea akoʻi ʻa e lēsoni ko ʻení, fakakaukau ke fakaʻaliʻali ʻa e “Mape Lavameʻa ʻo e Fatongia Tauhi Paʻangá” ʻi he palakipoé pea fakaafeʻi e kau akó ke nau faitaaʻi ia ʻaki ʻenau telefoní. Te ke lava foki ʻo tufa ha ʻū tatau ʻo e laʻipepá ki he kau akó.
- Fakaafeʻi ʻa e kau akó ke nau ako ʻa e mapé pea fakakaukau ki he founga ʻe lava ke tokoniʻi ai kinautolu ke fakakau ʻa e ʻEikí ʻi hono tokangaʻi ʻenau ngaahi maʻuʻanga tokoni fakapaʻangá. ʻAi ke nau omi mateuteu ki he kalasí ke vahevahe ʻa e meʻa naʻa nau akó.
Meʻa ke fakaʻaliʻalí: Saati fekauʻaki mo e ngaahi tuʻutuʻuni fakapaʻangá; ko e “Mape Lavameʻa ʻo e Fatongia Tauhi Paʻangá”; fakamatala meia Pīsope L. Toti Patisí
Laʻipepa tufá: “Ko Hono Fakahoko ʻo e Ngaahi Fili Fakapaʻangá ʻi he Founga ʻa e ʻEikí”
Ngaahi vitioó: “The Windows of Heaven” (16:55) mei he taimi 0:39 ki he 2:22

Ko e Tokonaki Maʻatautolu mo Tokangaʻi ʻa Kinautolu ʻOku Faingataʻaʻiá

Fakatokangaʻi ange: ʻOku fakaʻaongaʻi ʻe he lēsoni ko ʻení ha ngaahi konga ʻo e talanoa ʻo Siosefa ʻo ʻIsipité ʻoku maʻu ʻi he Sēnesi 45; 47. Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e Lēsoni 35: “Sēnesi 42–45.”

Taumuʻa ʻo e lēsoní: Ke tokoni ke ʻiloʻi ʻe he kau akó ʻa e ngaahi founga ʻoku malava ai ʻi hono tanumaki ʻo e moʻui fakafalala pē kiate kitá ʻo ʻai ke nau lava ʻo tokoniʻi e niʻihi kehé ʻo hangē ko ia naʻe mei fai ʻe Sīsū Kalaisí.

Teuteu ʻa e tokotaha akó: Fakaafeʻi e kau akó ke nau fanongo pe lau e ngaahi fakalea ʻo e himi “Ko ha Tangata Fononga Fonu he Loto-mamahi” (Ngaahi Himí, fika 17). ʻE lava ke kumi ʻe he kau akó ha ngaahi founga te tau lava ai ʻo tokangaʻi ʻa e niʻihi kehé ʻo hangē ko ia naʻe mei fai ʻe Sīsuú.
Laʻiʻatá: ʻĪmisi ʻo ha meʻa-mānava ʻokisikena ʻi he vakapuná
Ngaahi vitioó: “Siosefa Sāmita” (14:49) mei he taimi 9:38 ki he 10:20
Meʻa ke fakaʻaliʻalí: Ko ha ʻata ʻo ha meʻa-mānava ʻokisikena ke tā ʻe he kau akó; ngaahi fakahinohino ki he ʻekitivitī ʻa e tokotaha akó