Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko Hono Tokangaʻi Fakapotopoto ʻo e Ngaahi Maʻuʻanga Tokoni Fakapaʻangá: Ko Hono Fakaʻaongaʻi e Ngaahi Tefitoʻi Moʻoni ʻa e ʻEikí ke Fakahoko ʻaki ha Ngaahi Fili Fakapaʻanga

“Ko Hono Tokangaʻi Fakapotopoto ʻo e Ngaahi Maʻuʻanga Tokoni Fakapaʻangá: Ko Hono Fakaʻaongaʻi e Ngaahi Tefitoʻi Moʻoni ʻa e ʻEikí ke Fakahoko ʻaki ha Ngaahi Fili Fakapaʻanga,” Fuakava Motuʻá – Tohi Lēsoni ʻa e Faiako Seminelí (2026)

Ko Hono Tanumaki ʻo e Moʻui Fakafalala Pē Kiate Kitá: Lēsoni 179

Ko Hono Tokangaʻi Fakapotopoto ʻo e Ngaahi Maʻuʻanga Tokoni Fakapaʻangá

Ko Hono Fakaʻaongaʻi e Ngaahi Tefitoʻi Moʻoni ʻa e ʻEikí ke Fakahoko ʻaki ha Ngaahi Fili Fakapaʻanga

Naʻe akoʻi ʻe ʻEletā Lānolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku kau ʻa e ʻEikí ʻi he ngaahi meʻa iiki ʻo ʻetau moʻuí” (“ʻI ha Palani Fakalangi,” Liahona, Nōvema 2017, 56). ʻOku kau heni ʻetau ngaahi fili fakapaʻangá. ʻE lava ke tokoni hono ako e founga ke fakakau ai e ʻEikí ʻi heʻetau ngaahi fili fekauʻaki mo e paʻangá ke tau moʻui fakafalala lahi ange ai kiate kitautolu. ʻE lava ke tokoni ʻa e lēsoni ko ʻení ke fakaʻaongaʻi ʻe he kau akó ha ngaahi tefitoʻi moʻoni fakalaumālie ke tokangaʻi ʻaki ʻenau ngaahi fili fakapaʻangá ʻi he founga ʻa e ʻEikí.

Teuteu ʻa e tokotaha akó: Kimuʻa pea akoʻi ʻa e lēsoni ko ʻení, fakakaukau ke fakaʻaliʻali ʻa e “Mape Lavameʻa ʻo e Fatongia Tauhi Paʻangá” ʻi he palakipoé pea fakaafeʻi e kau akó ke nau faitaaʻi ia ʻaki ʻenau telefoní. Te ke lava foki ʻo tufa ha ʻū tatau ʻo e laʻipepá ki he kau akó.

Ngaahi ʻEkitivitī Ako ʻOku Ala Fakahokó

Ngaahi fili fakapaʻangá

(Fakatokangaʻi ange: ʻE lava ke akoʻi fakataha ʻa e lēsoni ko ʻení mo e Lēsoni 158: “Malakai 3,” ʻa ia ʻoku ʻi ai ha ngaahi ʻekitivitī ako ke tokoni ke mahino ki he kau akó e fono ʻa e ʻEikí ki he vahehongofulú.)

Kimuʻa pea kamata e kalasí, te ke lava ʻo tā pe fakaʻaliʻali e saati ko ʻení ʻi he palakipoé.

Ngaahi Fili Fakapaʻanga Mahuʻinga	Ngaahi Hohaʻa ʻi Hono Fakahoko e Ngaahi Fili Ko ʻEní

Fakaafeʻi e kau akó ke nau omi ki he palakipoé pea fakafonu ʻa e sātí ʻi heʻenau fakakaukau ki he ngaahi fili fakapaʻanga te nau fai ʻi he taʻu ʻe 5 ki he 10 ka hoko maí. ʻI hono fai ia ʻe he kau akó, te ke lava ʻo lue takai ʻi he kalasí pea poupouʻi kinautolu ke vahevahe ʻenau ngaahi fakakaukaú ʻi he palakipoé pe vahevahe mo koe.

ʻE lava ke kau ʻi he ngaahi fili ʻe ala lisi ʻe he kau akó ʻa e totongi ʻo e akó mo e ngāue fakafaifekaú, tokonaki maʻá e fāmilí, pe fakatau mai pe totongi ha feituʻu ke nau nofo ai. ʻE lava ke kau ʻi he ngaahi hohaʻá ʻa e siʻisiʻi e paʻangá, ʻikai ʻilo e founga patisetí, liʻaki ha ngāue ke ʻalu ʻo ngāue fakafaifekau, pe ko hono ʻiloʻi e tokotaha ke falala ki ai ʻi hono fakahoko e ngaahi fili fakapaʻangá.

Fakakaukau ki ha niʻihi ʻo e ngaahi fili fakapaʻanga mahuʻinga ʻokú ke fehangahangai mo ia pe ʻe vavé ni pē haʻo fehangahangai mo ia ʻi hoʻo fakalaulauloto ki he ngaahi fehuʻi ko ʻení:

Ko e hā ha ngaahi fehuʻi ʻokú ke maʻu fekauʻaki mo e founga ke maʻu ai e tokoni ʻa e ʻEikí ʻi he ngaahi fili ko ʻení?
Ko e hā ha meʻa kuó ke ʻahiʻahiʻi kimuʻa naʻe tokoni? Ko e hā naʻe ʻikai fuʻu ʻaongá?

ʻI heʻetau ongoʻingofua ʻa e Laumālie Māʻoniʻoní, ʻe lava ke fakahā mai ʻe he Tamai Hēvaní ʻa e founga ke tau fai ai ha ngaahi fili fakapotopoto fakapaʻanga ʻi he kotoa ʻo ʻetau moʻuí. Mateuteu ki he ngaahi ongo ko ʻení ʻi hoʻo ako he ʻaho ní.

Ko hono fakahoko ʻo e ngaahi fili fakapaʻangá ʻi he founga ʻa e ʻEikí

ʻOku finangalo ʻa e Tamai Hēvaní mo Sīsū Kalaisi ke tataki kitautolu ʻi he tapa kotoa pē ʻo ʻetau moʻuí. ʻOku kau heni ʻetau ngaahi fili fakapaʻangá. Kuó Na ʻomi ha fakahinohino ʻi he folofolá ʻe lava ʻo tokoni ke tau fai ha ngaahi fili fakapaʻanga fakapotopoto.

Hiki ʻeni ʻi ʻolunga ʻi ha peesi ʻi hoʻo tohinoa akó: Te u lava ʻo fai ha ngaahi fili fakapaʻanga ʻi he founga ʻa e ʻEikí ʻaki e …

Lau ha potufolofola ‘e tolu mei he ngaahi fakamoʻoni fakafolofola ko ʻení. Fakakakato ʻa e foʻi moʻoní ʻi hoʻo tohinoa akó ʻaki ʻa e meʻa ʻokú ke ako mei he folofolá.

Sēnesi 41:46–49, 53–57 (Naʻe fili ʻe Felo ʻa Siosefa ke ne tokangaʻi hono ngaohi ʻo e kēlení ʻi ʻIsipité lolotonga e ngaahi taʻu mahu ʻo e ututaʻú ke teuteu ki he ngaahi taʻu ʻo e hongé naʻe kikiteʻí.)
Teutalōnome 15:7–8
Saame 24:1
Malakai 3:8–11
Sēkope 2:18–19
Tokāteline mo e Ngaahi Fuakava 104:78

ʻE tokoniʻi fēfē koe ʻe he meʻa ʻokú ke ako mei he folofolá ke ke fakahoko ha ngaahi fili fakapaʻanga ʻi he founga ʻa e ʻEikí?

Ko hono ʻiloʻi ʻo e meʻa ke fakamuʻomuʻa ʻi heʻetau ngaahi fakamolé

Naʻe kamata ngāue ʻa ʻElisapeti, ko ha fefine ʻi ho koló, ʻi ha falekai ʻi hono taʻu 16. ʻI he fakalau ʻa e ngaahi taʻú, naʻá ne ngāue ʻo aʻu ʻo hoko ko e pule ʻo e falekaí. ʻI he ofi ke maʻu hono vāhenga mālōloó, naʻá ne lava ʻo fakatau mo fakalele haʻane falekai pē ʻaʻana.

Fakafika ʻa e “ngaahi fakamolé” ʻo fakatatau mo e fakahokohoko te ke fokotuʻu ange kia ʻElisapeti ke fakamuʻomuʻá.
ʻI he tafaʻaki ʻo ha fakamole kehekehe ʻe ua, hiki ai ha fakamoʻoni fakafolofola naʻá ke ako naʻe tokoni ke tataki koe ʻi he founga naʻá ke ʻilo ai e ngaahi fakamole ke fakamuʻomuʻá.
Teuteu ke fakamatalaʻi ʻa e founga naʻe tokoniʻi ai koe ʻe he ngaahi moʻoni naʻá ke ako ʻi he folofolá ke ke fai ha ngaahi fili ʻi he founga naʻá ke fakahokohoko ai e ngaahi fakamole ke fakamuʻomuʻá.

Ko hono fakakau ʻa e ʻEikí ʻi heʻeku ngaahi fili fakapaʻangá

ʻOange ha taimi ki he kau akó ke nau fakakaukau ki ha ngaahi founga te nau lava ai ʻo fakakau ʻa e ʻEikí ʻi hono fai ʻa e ngaahi fili fakapaʻangá. Ko e founga ʻe taha ke tokoniʻi ai kinautolu ke nau fai ʻení ko hono fakaʻaliʻali ʻa e fakamatala ko ʻení kimuʻa pea tali ʻe he kau akó ʻa e ngaahi fehuʻi ʻoku ʻoatu fakataha mo iá.

Naʻe vahevahe ʻa Pīsope L. Toti Patisi ʻo e Kau Pīsopeliki Pulé ʻo pehē:

“Ko e meʻa kuó u ʻilo ʻi heʻeku moʻuí ko e lava ke u lotua foki mo ʻeku ngaahi meʻa fakatuʻasinó. Te u lava ʻo lotua ʻeku ngaahi meʻa fakapaʻangá. Te u lava ʻo lotua pe te u fakatau nai ʻa e fale ko ʻení pe ko e fale ko eé pe ke fai ʻa e ʻinivesi ko ʻení pe ko e ʻinivesi ko eé. ʻOku totonu ke tau fakakau ʻa e ʻEikí ʻo ʻikai ngata pē ʻi he konga fakalaumālie ʻo ʻetau moʻuí ka ʻi he ngaahi meʻa fakatuʻasino ʻi heʻetau moʻuí foki. (“Tefitoʻi Moʻoni ʻe 4 Te Tau Lava ʻo Ako mei he Founga Ngāue ʻa e Kau Pīsopeliki Pulé,” Liahona, Fēpueli 2024, 14)

Fakakaukau ki he ngaahi fili fakapaʻanga ʻoku fiemaʻu ke ke fai he taimí ni pe ʻi he kahaʻu vave maí. Fakaafeʻi ʻa e Laumālie Māʻoniʻoní ke tokoni atu ke tali e ongo fehuʻi ko ʻení ʻi hoʻo tohinoa akó:

Ko e hā ha ngaahi tefitoʻi moʻoni ʻe lava ʻo tokoni atu ke ke fai ʻa e ngaahi fili fakapaʻanga ko ʻení ʻi he founga ʻa e ʻEikí?
ʻE teuteuʻi fēfē koe ʻi hono fakaʻaongaʻi ʻo e ngaahi tefitoʻi moʻoni fakapaʻanga ko ʻení ke ke tauhi ki he ʻOtuá mo e niʻihi kehé?

Fakakaukau ke vahevahe ha sīpinga nounou mei hoʻo moʻuí ʻo e founga naʻá ke fakaʻaongaʻi ai e meʻa naʻe ako ʻe he kau akó he ʻaho ní ke ke fakahoko ai ha fili fakapaʻanga. Te ke lava foki ʻo vahevahe ʻa e meʻa naʻe akoʻi atu ʻe he aʻusia ko iá fekauʻaki mo e Tamai Hēvaní mo Sīsū Kalaisí.

Ngaahi Maʻuʻanga Tokoni Kehé

Ko e hā e founga ʻoku totonu ke fakaʻaongaʻi ai ʻetau paʻangá?

Naʻe akonaki ʻa Palesiteni Pilikihami ʻIongi (1801–1877) ʻo pehē:

Ko e hā hono ‘aonga ‘o e koloá? Ko ha ngaahi tāpuaki ia ke fai ‘aki ha lelei. Pea tā ‘oku tonu ke tau faka‘aonga‘i ‘a e me‘a kuo foaki mai ‘e he ‘Eikí kia kitautolú, ‘i he founga ‘oku lelei tahá ki hono langa hake ‘o hono Pule‘angá, pea mo hono malanga‘i ‘o e mo‘oní ‘i he māmaní, koe‘uhí ke tau lava ‘o mamata mo ma‘u ‘a e ngaahi tāpuaki ‘o e Saione ‘o e ‘Otuá ‘oku ‘i he funga māmaní. (Discourses of Brigham Young, sel. John A. Widtsoe (1954), 307)

Te u levaʻi fēfē ʻeku ngaahi meʻa fakapaʻangá?

Naʻe fakamatala ʻa Pīsope W. Kulisitofā Uātolo ʻo e Kau Pīsopeliki Pulé, ʻo pehē:

ʻOku kau ʻi he ngaahi tefitoʻi moʻoni mahuʻinga ki hono levaʻi lelei hoʻomou ngaahi meʻa fakapaʻangá ʻa hono totongi ʻo e vahehongofulú pea mo e ngaahi foakí, fakangata pea fakaʻehiʻehi mei he fakamoʻuá, tokateu pea moʻui ʻo fakatatau mo ha patiseti, pea tātānaki ki he kahaʻú. (“Naʻe ʻi ai ʻa e Mā,” Liahona, Nōvema 2020, 44)

ʻE faitāpuekina fēfē ʻe he totongi vahehongofulú ʻeku moʻuí?

Naʻe vahevahe ʻe Palesiteni Lāsolo M. Nalesoni ʻo pehē:

19:15

ʻI he taimi naʻá ku hoko ai ko ha taha ako-ngāue kei talavoú, ko ʻeku vāhengá ko e $15 ʻi he māhina. ʻI ha pō ʻe taha, naʻe ʻeke mai ʻe hoku uaifi ko Teniselá pe naʻá ku totongi vahehongofulu ʻi he kiʻi vāhega ko iá. Naʻe ʻikai. Naʻá ku fakavave leva ʻo fakatomala pea kamata totongi ha $1.50 fakalahi ʻi he vahehongofulu fakamāhiná.

Naʻe kehe nai ʻa e Siasí koeʻuhí naʻá ma fakalahi ʻema vahehongofulú? ʻIkai. Neongo ia, naʻe liliu au ʻe heʻeku hoko ko e taha totongi vahehongofulu kakató. Ko e taimi ia naʻá ku ʻilo ai ko e totongi vahehongofulú ʻoku fekauʻaki kotoa ia mo e tuí, kae ʻikai ko e paʻangá. ʻI heʻeku hoko ko ha taha totongi vahehongofulu kakató, naʻe kamata ke fakaava ʻa e ngaahi matapā ʻo e langí kiate au. ʻOku ou ʻilo naʻe toe lahi ange homa ngaahi faingamālie fakapalōfesinale ki mui maí mei heʻema totongi vahehongofulu faivelengá.

Ko e totongi vahehongofulú ʻoku fiemaʻu ʻa e tuí, pea ʻokú ne tanumaki foki ʻa e tui ki he ʻOtuá mo Hono ʻAlo ʻOfaʻangá. (“Fakakaukau Fakasilesitiale,” Liahona, Nōvema 2023, 119)

Ngaahi ʻEkitivitī Fakalahi ki he Akó

Ko hono fakaʻaongaʻi ʻetau paʻangá ke fai leleí

Mahalo ʻe tokoni ki he kau akó ke nau vakai ki heʻenau ngaahi meʻa fakapaʻangá mei ha fakakaukau ʻoku taʻengatá pea mahino ʻa e founga ʻe lava ke tataki ai kinautolu ʻi hono fakapapauʻi ʻa e founga ke fai ha lelei ʻaki ʻenau paʻangá. Ko e founga ʻe taha te ke lava ʻo fai ai ʻení ko hono fakaʻaliʻali ʻa e konga lea ʻa Pilikihami ʻIongi ʻi he Ngaahi Maʻuʻanga Tokoni Kehé. Fakaafeʻi e kau akó ke vahevahe ʻenau ngaahi fakakaukau fekauʻaki mo e lea ʻa Palesiteni ʻIongí.

Hili iá, te ke lava ʻo fakaʻaliʻali ha ngaahi founga ʻoku fakaʻaongaʻi ai ʻa e paʻangá. Fakaafeʻi e kau akó ke fakakaukau pe ko e fē ʻi he ngaahi foungá ʻoku nau pehē ko e sai taha ia ke fakahoko ʻaki ha leleí.

ʻOku kau ʻi he ngaahi foungá ʻa e:

Fakahū ha paʻanga ki he ngaahi fiemaʻu fakaako ʻi he kahaʻú.
Fakaʻaongaʻi ki ha ʻekitivitī fakatupulaki pe fakafiefia.
Fakahū ki ha ngāue fakafaifekau.
Fakaʻaongaʻi ke ʻave ha taha ke kai ʻi ha falekai.

Tokoni ke mahino ki he kau akó ʻe lava ke hoko kotoa e ngaahi sīpinga ko ʻení ko ha ngaahi founga lelei ki hono fakaʻaongaʻi e ngaahi maʻuʻanga tokoni ʻa e ʻEikí. Fakakaukau ke aleaʻi ʻa e taimi ʻe lava ke pehē ai ko e lelei tahá ʻa e sīpinga takitaha. Hangē ko ʻení, ko e tokotaha ʻoku nau ʻave ki ha falekaí ko ha taha ʻoku faingataʻaʻia fakalaumālie pe fakaeloto. ʻE lava ke hoko ʻa e kiʻi saute [kai falekaí] ko ha tāpuaki ia kiate kinautolu. Taimi ʻe niʻihi ko hono fakaʻaongaʻi lelei taha ʻetau paʻangá ko ha meʻa fakatupulaki pe fakafiefia ʻokú ne fakaivia fakaʻatamai kitautolu pea fakatupu ha ngaahi manatumelie mo kinautolu ʻoku tau ʻofa aí.

Moʻui fakafalala fakaepaʻanga pē kiate kitá

Te ke lava ʻo fakaʻaongaʻi ʻeni ko ha ʻekitivitī ʻe taha ʻi he konga fakaʻosi ʻo e lēsoní. Ke tokoni ke faʻu ʻe he kau akó ha palani ke fakakau ʻa e ʻEikí ʻi heʻenau ngaahi fili fakapaʻangá, fakakaukau ke ʻoange kiate kinautolu ha tatau ʻo e fakamatala ʻi he Liahoná ʻoku ui ko e “Ngaahi Fehuʻi ʻe 7 ke ʻEke ke Hoko ʻo Moʻui Fakafalala Fakapaʻanga Ange Kiate Kitá.” Te nau lava foki ʻo maʻu ia ʻi he Gospel Library. ʻE lava ke lau ʻe he kau akó ʻa e fakamatalá pea fili ha ngaahi fehuʻi te nau fie fakaʻaongaʻi ʻi heʻenau feinga ke moʻui fakafalala fakapaʻanga pē kiate kinautolú. ʻE lava foki ke fakaʻaongaʻi ʻe he kau akó ʻa e fakamatala ʻi he talanoá pea mo e ngaahi maʻuʻanga tokoni kehe ʻoku ʻi aí ke hiki ha ngaahi fehuʻi pē ʻanautolu ke nau fakakaukau ki ai.

Ngaahi lēsoni naʻe ako mei he totongi vahehongofulú

Naʻe vahevahe ʻe ʻEletā Kali B. Pālati ʻo e Kau Fitungofulú ha talanoa fekauʻaki mo e founga naʻe tāpuekina ai ʻene ngaahi kuí ʻe he ʻEikí ʻi hono fakamuʻomuʻa ʻo e vahehongofulú. Naʻá ne vahevahe leva ha ngaahi aofangatuku naʻá ne ako mei he meʻa ne nau aʻusiá. Fakakaukau pe ko e aofangatuku fē te ke vahevahé ʻo makatuʻunga ʻi he meʻa ʻe ʻaonga taha ki hoʻo kau akó. ʻOku fakakau atu ʻi lalo ha fakamatala fakanounou ʻo e ngaahi aofangatuku ʻa ʻEletā Pālatí fakataha mo e ngaahi taimi ʻoku maʻu aí:

5:57 ki he 6:49 – ʻUluaki totongi ʻa e vahehongofulú.

10:41

7:50 ki he 8:44 – ʻOku tāpuakiʻi kitautolu ʻe he ʻEikí ʻaki ha poto ʻokú ne ʻai ke tau lava ʻo moʻui pē ʻi he peseti ʻe 90 ʻo ʻetau paʻanga hū maí ʻo laka ange ia ʻi heʻetau moʻui ʻaki e peseti ʻe 100.

10:41

8:44 ki he 9:17 – ʻOku fakalaumālie ʻa e ngaahi tāpuaki fungani taha ʻa e ʻEikí mei he totongi vahehongofulú pea ʻoku fekauʻaki ia mo e fāmilí, kaungāmeʻá, pea mo e ongoongoleleí.

10:41

9:25 ki he 10:12 – ʻOku tokoniʻi kitautolu ʻe he totongi vahehongofulú ke fakatupulaki ha loto-angavaivai, loto-fakatōkilalo, loto-houngaʻia, angaʻofa, faʻa fakamolemole, mo ha loto-ʻofa.

10:41