Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Malakai 3: ʻOku Fakaava ʻe he Totongi Vahehongofulú ʻa e Ngaahi Matapā ʻo e Langí

“Malakai 3: ʻOku Fakaava ʻe he Totongi Vahehongofulú ʻa e Ngaahi Matapā ʻo e Langí,” Fuakava Motuʻá – Tohi Lēsoni ʻa e Faiako Seminelí (2026)

“Malakai 3: ʻOku Fakaava ʻe he Totongi Vahehongofulú ʻa e Ngaahi Matapā ʻo e Langí,” Fuakava Motuʻá – Tohi Lēsoni ʻa e Faiako Seminelí

Malakai: Lēsoni 158

Malakai 3

ʻOku Fakaava ʻe he Totongi Vahehongofulú ʻa e Ngaahi Matapā ʻo e Langí

Talu mei he kuonga muʻá mo hono tāpuekina ʻe he Tamai Hēvaní ʻEne fānaú ʻi heʻenau loto-fiemālie ke talangofua ki Heʻene fono ʻo e vahehongofulú. ʻOku tokoniʻi kitautolu ʻe he folofola ʻa e ʻEikí ʻo fakafou ʻi he palōfita ko Malakaí ke tau ʻiloʻi ʻa e founga te Ne tāpuakiʻi ai kitautolu koeʻuhí ko ʻetau talangofua ki Heʻene fonó. ʻE lava ke tokoni ʻa e lēsoni ko ʻení ke ongoʻi ʻe he kau akó ha loto-holi ke talangofua ki he fono ʻa e ʻEikí ki he vahehongofulú.

Teuteu ʻa e tokotaha akó: Fakaafeʻi e kau akó ke nau teuteu ke vahevahe ha talanoa naʻe tāpuakiʻi ai ha taha ʻi heʻene talangofua ki he fekau ʻa e ʻEikí ke totongi vahehongofulú. Kapau ʻe tokoni, ʻe lava ke ʻeke ʻe he kau akó ki heʻenau mātuʻá pe kau taki ʻo e Siasí pe kumi ha ngaahi talanoa ʻi he Gospel Library.

Ngaahi ʻEkitivitī Ako ʻOku Ala Fakahokó

Totongi vahehongofulú

Ke kamata e lēsoní, mahalo te ke fie vahevahe ha konga ʻo ha talanoa ʻokú ne fakatātaaʻi ha ngaahi tūkunga ʻe ala faingataʻa ai ke totongi vahehongofulu. Te ke lava ʻo vahevahe e aʻusia ʻa ʻEletā Kōtoní pe ha aʻusia pē ʻaʻau.

Kapau ʻe fiemaʻu, fakamatalaʻi ange ko e vahehongofulú ko hano foaki ia ʻo e “vahe hongofulu ʻe taha ʻo ʻetau paʻanga hū maí ki he Siasí” (Malanga ʻAki ʻEku Ongoongoleleí: Ko ha Fakahinohino Ki Hono Vahevahe ʻo e Ongoongolelei ʻo Sīsū Kalaisí [2023], 96; vakai foki, Tokāteline mo e Ngaahi Fuakava 119:3–4).

Lau ʻa e aʻusia ko ʻeni meia ʻEletā Valeli V. Kōtoni ʻo e Kau Fitungofulú, ʻo kumi e ʻuhinga naʻe faingataʻa ai ki heʻene ongomātuʻá ke na talangofua ki he fono ʻa e ʻEikí ki he vahehongofulú.

12:28

Hili ha ngaahi meʻa ne hoko fekauʻaki mo ha tau fakalotofonua ʻi ʻAmelika Lotoloto, naʻe mole kotoa e paʻanga ʻo e pisinisi ʻeku tamaí. Ne holo mei he kau ngāue taimi kakato ʻe toko 200, ki ha kau ngāue ʻe toko nima naʻe kei fiemaʻu ke ngāue he tauʻanga meʻalele homau ʻapí. ʻI ha ʻaho ʻe taha, lolotonga e taimi faingataʻa ko ʻení, ne u fanongo ki ha fepōtalanoaʻaki ʻeku ongomātuʻá pe te na totongi e vahehongofulú pe kumi ha meʻakai maʻá e fānaú. (“Ko e Lea Fakafonua ʻo e Ongoongoleleí,” Liahona, Mē 2017, 56)

Ko e hā ha ngaahi tūkunga kehe te tau ala fehangahangai mo ia ʻa ia ʻe ala faingataʻa ai hono totongi ʻo e vahehongofulú?

ʻE lava ke tokoni ʻa e fakatātā ko ʻení ki he kau akó ke fakamāʻopoʻopo ʻenau ngaahi fakakaukaú ʻi he kotoa ʻo e lēsoni ko ʻení. Fakaafeʻi e kau akó ke tā ʻa e fakatātaá, pe ko ha meʻa tatau, ʻi ha peesi ʻoku ʻikai tohi ai ha meʻa ʻi heʻenau tohinoa akó. Te ke lava foki ʻo tā ha meʻa tatau ʻi he palakipoé.

Tuhu ki he siakale “Ko ʻEku Ngaahi Ongó”. Talaange ki he kau akó te nau maʻu ha faingamālie ʻi he fakaʻosinga ʻo e lēsoní ke hiki ʻenau ongo fekauʻaki mo e vahehongofulú. Mahalo te nau fie fakalaulauloto he taimí ni ki ha faʻahinga hohaʻa pe faingataʻa ʻoku nau fehangahangai mo ia ʻi he totongi vahehongofulú. Te nau lava foki ʻo fakalaulauloto ki he founga ʻe ʻaonga ai kiate kinautolu hono ʻiloʻi e ngaahi tāpuaki kuo talaʻofa ʻe he ʻEikí ki he kakai ʻoku totongi vahehongofulú.

ʻI hoʻo ako ʻa e fono ʻa e ʻEikí ki he vahehongofulú, ʻe lava ke tokoniʻi koe ʻe he Laumālie Māʻoniʻoní ke mahino ʻa e ngaahi tāpuaki ʻoku lava ke ke maʻú mo fakamālohia hoʻo holi ke muimui ki he fono ko ʻení.

Ko hono lilingi hifo ʻo e ngaahi tāpuakí

Ke tokoni ke mahino ki he kau akó ʻa e puipuituʻa ʻo e Malakai 3, vahevahe ʻi he lea pē ʻaʻau ʻa e fakamatala fakanounou ko ʻeni ʻo e Malakai 1–2.

Neongo naʻe hokohoko atu hono fai ʻe he kakai ʻi he kuonga ʻo Malakaí ha ngaahi feilaulau ki he ʻEikí, ka naʻa nau taʻe-fakaʻapaʻapaʻi Ia ʻaki ʻenau foaki ha “mā fakalielia” mo ha fanga monumanu kui, ketu mo puke (vakai, Malakai 1:7–8, 13) ko ha ngaahi feilaulau naʻe totonu ke nau fakataipe ʻa Sīsū Kalaisi. Naʻe valokiʻi ʻe he ʻEikí ʻa e kau taulaʻeiki, “kuo [nau] hē mei he hala [ʻo e ʻEikí]” pea mo “fakahumu ʻa e tokolahi” (Malakai 2:8) koeʻuhí ko ʻenau ngaahi sīpinga koví. Naʻe akoʻi ʻe he ʻEikí ʻi he Malakai 3, ha founga ʻe taha te tau lava ai ʻo fai ha feilaulau loto-fiemālie kiate Ia.

Ko e Malakai 3:8–10 ko ha potufolofola fakataukei fakatokāteline ia. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Lau ʻa e Malakai 3:7–12, ʻo kumi e ngaahi tāpuaki kuo talaʻofa mai ʻe he ʻEikí maʻá e kakai ʻoku nau foaki kiate Ia ʻenau vahehongofulú. Hiki takatakai ʻa e ngaahi tāpuaki ʻokú ke maʻú ʻi he “Ko e Ngaahi Tāpuaki ʻa e ʻEikí” ʻi hoʻo fakatātaá.

ʻE ala tokoni ke ʻiloʻi ʻe he kau akó ʻe lava ke ʻuhinga ʻa e kupuʻi lea “mou ʻahiʻahiʻi ai au” ʻoku folofola ʻa e ʻEikí, “ʻAhiʻahiʻi Au ʻi he meʻá ni.”

Ko e hā ha ngaahi moʻoni ʻokú ke ako fekauʻaki mo e vahehongofulú mei he folofola ʻa e ʻEikí ʻi he Malakai 3:7–12?

Fakaʻatā ʻa e kau akó ke vahevahe ha ngaahi moʻoni ne nau ʻiló. Fakaafeʻi e kau akó ke nau hiki ha foʻi moʻoni hangē ko e ʻI heʻetau talangofua ki he fono ʻa e ʻEikí ki he vahehongofulú, te Ne tāpuakiʻi lahi kitautolu ko ha kiʻi fakamatala ʻi heʻenau folofolá ʻi he tafaʻaki ʻo e ngaahi veesi ko ʻení.

Ke tokoni ke mahino ki he kau akó ʻa e foʻi moʻoni ko ʻení, fakakaukau ke ʻomi ha fakapaku, ipu, mo ha sioki vai ki he kalasí. Faʻo ʻa e ipú ʻi he fakapakú. Fakamatalaʻi ange ʻoku fakafofongaʻi ʻe he vaí ʻa e ngaahi tāpuaki ʻe foaki mai ʻe he ʻEikí ʻi heʻetau totongi vahehongofulú. Fakaafeʻi ha tokotaha ako ke lingi ʻa e vaí mei he siokí ki he ipú kae ʻoua kuo hake ʻa e vaí ki he fakapakú. Fakafekauʻaki ʻeni mo e meʻa naʻe talaʻofa ʻe he ʻEikí ʻi he Malakai 3:10.

Ko e fono ʻa e ʻEikí ki he vahehongofulú

Ko e hā te tau lava ʻo ako fekauʻaki mo e Tamai Hēvaní ʻi Heʻene tāpuakiʻi kitautolu ʻi he totongi vahehongofulú?

Hili hono aleaʻi e ngaahi tāpuaki ʻo e totongi vahehongofulú, mahalo te ke fie fakamahinoʻi ange mahalo he ʻikai maʻu ʻe ha kakai ʻe niʻihi ʻoku totongi vahehongofulu ʻa e ngaahi tāpuaki ʻoku nau ʻamanaki ki aí pea mahalo te nau kei faingataʻaʻia fakapaʻanga pē. Mahalo te nau fifili pe ko e hā ʻoku totonu ai ke hokohoko atu ʻenau totongi vahehongofulú. Te ke lava ʻo lau ʻa e Malakai 3:14, 16–17, ʻo kumi e meʻa naʻe talaʻofa ʻe he ʻEikí ki he kakai ʻoku hokohoko atu ʻenau talangofua faivelenga kiate Iá.

Ko e talangofua ki he fono ʻa e ʻEikí ki he vahehongofulú

ʻI he tafaʻaki ʻo e “Ko ʻEku Ngaahi Ongó” ʻi hoʻo fakatātaá, tohi fekauʻaki mo e:

Ongo ʻokú ke maʻu fekauʻaki mo e talangofua ki he fono ʻa e ʻEikí ki he vahehongofulú.
Ko ha faʻahinga meʻa pē naʻá ke ako pe ongoʻi he ʻahó ni ʻokú ne fakatupulaki hoʻo holi ke totongi vahehongofulú. ʻE lava ke kau heni ʻa e ngaahi tāpuaki kuo talaʻofa mai mei he ʻEikí ʻokú ke loto ke maʻú.

Fakaafeʻi ha niʻihi ʻo e kau akó ʻe loto-fiemālie ke vahevahe ʻenau ngaahi ongo fekauʻaki mo e ʻEikí mo ʻEne fono ʻo e vahehongofulú. Te ke lava foki ʻo vahevahe ha ngaahi tāpuaki kuó ke maʻu ʻi hoʻo talangofua ki he fono ko ʻení.

Ako Ma‘uloto

Mahalo te ke fie tokoni ki he kau akó ke ako maʻuloto ʻa e potufolofola fakataukei fakatokāteliné mo e kupuʻi lea fakafolofola mahuʻingá lolotonga ʻa e lēsoni ko ʻení pea toe fakamanatu ia ʻi he ngaahi lēsoni ʻi he kahaʻú. Ko e kupuʻi lea fakafolofola mahuʻinga ki he Malakai 3:8–10 ko e “Ko e ngaahi tāpuaki ʻo e totongi vahehongofulú.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahí ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

Ko e hā ʻoku totonu ai ke u fakamuʻomuʻa hono totongi ʻeku vahehongofulú ʻi he ngaahi fakamole kehé?

Naʻe vahevahe ‘e Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

17:24

Lolotonga ʻa e Tau Lahi ʻa Māmani Hono II, naʻe tauhi ʻe heʻeku faʻē uitoú ʻene fānau iiki ʻe toko tolú ʻaki ha vāhenga fakafaiako naʻe fuʻu siʻisiʻi. ‘I he taimi ne u fakatokangaʻi ai naʻe ʻikai ke mau maʻu ha ngaahi meʻa lelei koeʻuhí naʻe ʻikai ke mau maʻu ha paʻanga feʻungá, ne u ʻeke ki heʻeku faʻeé ʻa e ʻuhinga naʻá ne totongi ai ha paʻanga lahi ʻo hono vāhengá ki he vahehongofulú. He ʻikai pē ke teitei ngalo ʻiate au ʻene fakamatalá: “Tāleni, mahalo ʻoku ʻi ai pē ha kakai ia ʻe niʻihi te nau lava pē kinautolu ʻo taʻe-totongi vahehongofulu, ka he ʻikai ke tau fai pehē kitautolu. Naʻe finangalo ʻa e ʻEikí ke toʻo hoʻo tangataʻeikí kae tuku au ke tokangaʻi moutolu. He ʻikai ke u lava ʻo fai ia taʻe kau ai ʻa e ngaahi tāpuaki ʻa e ʻEikí, pea ʻoku ou maʻu ʻa e ngaahi tāpuaki ko iá ʻi hono totongi totonu ʻo e vahehongofulú. ‘I he taimi ʻoku ou totongi ai ‘eku vahehongofulú, ʻoku ou maʻu ʻa e talaʻofa ʻa e ʻEikí te Ne tāpuakiʻi kitautolu, pea kuo pau ke tau maʻu ʻa e ngaahi tāpuaki ko iá kapau ʻoku tau fakahoko ia.” (“Tithing,” Ensign, May 1994, 33)

Naʻe akonaki ʻa ʻEletā Lini G. Lōpini ʻo e Kau Fitungofulú ʻo pehē:

9:30

ʻI he taimi ʻo ha maʻu meʻatokoni, ʻoku faingofua ange ke teuteuʻi makehe ha peleti ʻe taha ʻi he kamataʻanga ʻo e maʻu meʻatokoní ʻi hano kumi ha meʻatokoni maʻá e kau omi tōmuí ʻi he ʻosi ʻa e maʻu meʻatokoní mo hono tufa ʻo e meʻakaí. Ko e meʻa tatau pē, ʻikai ʻoku faingofua ange ke ʻoange ki he ʻEikí ʻa e ʻuluakí pe ko e ʻuluaki fuá ʻi he ʻamanaki ʻoku ʻi ai ha “toenga” feʻunga Maʻaná? ʻI Heʻene hoko ko e tokotaha naʻá ne kamataʻi ʻetau kātoanga kaí, ʻikai nai ko Ia ʻoku totonu ke fakalāngilangiʻí, ʻa e fuofua tokotaha ke tokangaʻí? (“Tithing—a Commandment Even for the Destitute,” Liahona, May 2005, 36)

ʻOku fakaʻaongaʻi fēfē ʻa e paʻanga vahehongofulú ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní?

Naʻe vahevahe ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

16:56

ʻOku fakaʻaongaʻi ʻa e paʻanga toputapú ʻi ha siasi tupu vave ke tāpuekina fakalaumālie ʻa e fakafoʻituituí mo e ngaahi fāmilí ʻaki hono langa mo tauhi e ngaahi temipalé mo e ngaahi falelotú, tokoni ki he ngāue fakafaifekaú, liliu mo paaki e ngaahi folofolá, poupouʻi e fekumi ki he hisitōlia fakafāmilí, fakapaʻanga e ngaahi ʻapiakó mo e ako fakalotú, mo fakahoko ʻaki e ngaahi taumuʻa lahi kehe ʻa e Siasí ʻo hangē ko e fakahinohino ʻa e kau tamaioʻeiki kuo fakanofo ʻa e ʻEikí. (“Ko e Ngaahi Matapā ʻo e Langí,” Liahona, Nōvema 2013, 19)

Vakai foki, “How the Church of Jesus Christ Uses Tithes and Donations” (newsroom.ChurchofJesusChrist.org) mo e “Meʻa ʻOku Fakaʻaongaʻi Ki Ai e Paʻanga Vahehongofulú” (Liahona, ʻOkatopa 2018, 10–11).

Ngaahi ʻEkitivitī Fakalahi ki he Akó

Totongi vahehongofulú

Mahalo ʻe ʻi ai ha ngaahi fehuʻi ʻa e kau ako ʻe niʻihi fekauʻaki mo e founga hono fikaʻi ʻo e vahehongofulú, founga ke foaki ai ʻenau vahehongofulú, pe tokotaha ʻoku ʻave ki ai ʻenau vahehongofulú, pe ngaahi meʻa pau kehe fekauʻaki mo e totongi vahehongofulú. Ke tokoní, te ke lava ʻo lau ʻa e fakamatala “Ko e hā ʻOku Fakaʻaongaʻi ki ai ʻa e Vahehongofulú mo e Ngaahi Foaki ʻAukaí?” (Ki Hono Fakamālohia ʻo e Toʻu Tupú, Tīsema 2023, 18–19). ʻE lava leva ke vahevahe ʻe he kau akó ʻa e meʻa ne nau akó.

Ngaahi aʻusia ʻi he fono ʻa e ʻEikí ki he vahehongofulú

ʻI hoʻomou aleaʻi e fono ʻa e ʻEikí ki he vahehongofulú, ʻe ala ʻaonga ki he kau akó ke nau fanongo ki ha ngaahi talanoa mei he kakai kehé fekauʻaki mo e founga naʻe tāpuekina ai kinautolu ʻe he totongi vahehongofulú. ʻI hono aleaʻi ʻe he kau akó ha ngaahi aʻusia kuo nau maʻu ʻi he talangofua ki he fono ʻa e ʻEikí ki he vahehongofulú, te ke lava ʻo vahevahe ha taha ʻo e ngaahi talanoa ko ʻení:

Naʻe vahevahe ʻe ʻEletā Unu Huani Soi ʻo e Kau Fitungofulú ʻa e founga naʻe fakamālohia ai ha taha toki ʻosi ngāue fakafaifekau ʻi hono totongi ʻene vahehongofulú. Mamata ʻi he “ʻOkú Ke Fie Fiefia Nai?” mei he taimi 1:52 ki he 3:12.

10:21

Naʻe vahevahe ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e meʻa naʻe ako ʻe Sisitā Petinā fekauʻaki mo e totongi vahehongofulú mei heʻene faʻeé. Mamata ʻi he “Ko e Ngaahi Matapā ʻo e Langí” mei he taimi 0:39 ki he 2:21.

16:56

Naʻe aʻusia ʻe Tosihiko mo Tokisi ʻIanakaita ha ngaahi tāpuaki mei hono totongi ʻo e vahehongofulú. ʻOku maʻu ʻenau talanoá ʻi he Kau Māʻoniʻoní: Ko e Talanoa ʻo e Siasi ʻo Sīsū Kalaisí ʻi he Ngaahi ʻAho Kimui Ní, voliume 3, Loto-toʻa, Anga Fakaʻeiʻeiki, mo e Tauʻatāina, 1893–1955 (2022), 647–49.

Tuʻu maʻu ʻi he angatonú

Mahalo naʻe mamata ha kau ako ʻe niʻihi ki ha ngaahi kaungāmeʻa pe kau mēmipa ʻo e fāmilí ʻoku nau talangataʻa ki he ngaahi fekau mo e ngaahi tuʻunga moʻui ʻa e ʻEikí ʻoku ngali fiefia mo tuʻumālié. ʻE lava ke lau ʻe he kau akó ʻa e Malakai 3:13–15, ʻo kumi e ongo naʻe maʻu ʻe ha kakai ʻe niʻihi ʻi he kuonga ʻo Malakaí. Te ke lava ʻo fakafehoanaki ʻa e veesi 13–15 mo e Malakai 3:16–18, ʻo kumi e meʻa naʻe talaʻofa ʻe he ʻEikí ki he kakai ʻoku tuʻu maʻu ʻi he angatonú.

Ke tokoni ke ako ʻe he kau akó ʻa e ngaahi veesi ko ʻení mei ha fakakaukau ʻoku taʻengatá, fakakaukau ke hiki ʻa e ngaahi fehuʻi ko ʻení ʻi he palakipoé:

Ko e hā ha ngaahi mahalo hala ʻokú ke vakai ki ai ʻi he Malakai 3:13–15?
Ko e hā ʻokú ke vakai ki ai ʻe lava ʻo tokoni ki he kakai mahalo he ʻikai ke nau lava ʻo sio ki he ngaahi tāpuaki vave ʻo e faivelengá?

Te ke lava ʻo fokotuʻutuʻu ʻa e kau akó ki ha kulupu ʻe ua ke nau aleaʻi e ongo fehuʻí.