Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Fametrahana tanjona: Fametrahana tanjona sy fanatanterahana izany amin’ny fomba mahomby

“Fametrahana tanjona: Fametrahana tanjona sy fanatanterahana izany amin’ny fomba mahomby,” Testamenta Taloha: Boky torolalana ho an’ny mpampianatra seminera (2026)

“Fametrahana tanjona: Fametrahana tanjona sy fanatanterahana izany amin’ny fomba mahomby,” Testamenta Taloha: Boky torolalana ho an’ny mpampianatra seminera

Ho zatovo mahery!: Fanaovana safidy: Lesona 172

Fametrahana tanjona

Fametrahana tanjona sy fanatanterahana izany amin’ny fomba mahomby

Na dia maro aza ny olona nandray fitahiana tamin’ny alalan’ny fametrahana sy fanatanterahana tanjona, dia misy ireo hafa mety tsy hametraka tanjona na ho kivy rehefa tsy mahatratra izany. Tian’ny Tompo ho tonga tahaka Azy sy ny Ray any An-danitra isika (Jereo ny 3 Nefia 12:48). Hanampy antsika izy rehefa miezaka mianatra sy mivoatra isika. Ity lesona ity dia manampy ny mpianatra hanakaiky bebe kokoa ny Tompo eo am-pianarany mametraka sy manatanteraka ny tanjony manokana miaraka amin’ny fanampiany.

Fanomanana ny mpianatra: Asao ny mpianatra hisaintsaina ireo tanjona lavitra ezaka sy antomotra ezaka izay tiany hotratrarina. Afaka manontany ny olona fantany koa izy ireo momba ny zavatra nianaran’izy ireo teo amin’ny fametrahana sy fanatrarana tanjona.

Sahanasa fianarana azo atao

Tanjona sy safidy

Hevero ny hanomboka ny fotoam-pianarana amin’ny alalan’ny fanaovana ity kisary manaraka ity eny amin’ny solaitrabe. Asao ny mpianatra hanao izany koa ao amin’ny diary fandalinany.

Afaka manoratra ny valinteniny amin’ireto fanontaniana manaraka ireto eo akaikin’ny sarin’olona tsirairay eo ankavanana ny mpianatra.

Inona no antenainao mba hotanterahina ao anatin’ny telo volana? ao anatin’ny herintaona? ao anatin’ny dimy taona?

Asao ny mpianatra hisaintsaina ireto fanontaniana manaraka ireto: Afaka mizara ny valinteniny amin’ny iray kilasy ny mpianatra manolo-tena avy eo.
Inona no tonga ao an-tsainao na zavatra tsapanao rehefa mieritreritra ireo tanjona ireo ianao? Nahoana?

Ny Ray any an-danitra sy i Jesoa Kristy dia maniry anao mba ho tonga amin’ilay tena maha-izy azy anao ary ho tonga tahaka Azy Ireo amin’ny farany (jereo ny 3 Nefia 12:48). Ao anatin’ity lesona androany ity dia katsaho ny fitarihan’ny Fanahy mba hahitana ny fomba ahafahan’Izy ireo manampy anao hametraka sy hanatanteraka ireo tanjonao manokana.

Ny fanampian’ny Tompo

Vakio ity teny manaraka nambaran’ny Loholona Ulisses Soares ao amin’ny Kôlejin’ny Apôstôly Roambinifolo ity ka tadiavo ny zavatra nianaranao mikasika ny fametrahana sy ny fanatanterahana ny tanjontsika:

Tsy voafetra ny fanampiana azontsika avy amin’ny Tompo eo amin’ireo tanjontsika sy ireo zavatra mahasoa katsahintsika, ary manohana antsika amin’izay ezaka tsara rehetra Izy. … Manasa anareo aho mba handinika ireo fomba hanohizana ireo ezaka tsara atao eo amin’ny fiainanareo manokana, na inona na inona toe-javatra iainanareo. Manome toky anareo aho fa tia antsika tsirairay ny Tompo ary eo mandrakariva Izy hanampy antsika na inona na inona toe-javatra atrehintsika. (“Goals, Growth, and Progress—Recent Messages from Prophets and Apostles,” [lahatsoratra amin’ny endrika nomerika ihany], Liahona, Jan. 2023, Bibliothèque de l’Évangile)

Ahoana no ahafahana mampihatra ny hafatry ny Loholona Soares eo amin’ny fametrahana sy fanatanterahana ny tanjontsika ?

Na dia amin’ny alalan’ny teny hafa aza no mety hilazan’ny mpianatra azy dia ampio izy ireo hahita fa hanampy antsika hametraka sy hanatanteraka ireo tanjontsika izay tsara ny Tompo. Hevero ny hanoratra io fahamarinana io eny amin’ny solaitrabe.

Avy eo dia soraty eny amin’ny solaitrabe ny teny hoe Ny Tompo, eo ambonin’ilay kisary tany am-piandohan’ny lesona ary apetraho ity fanontaniana manaraka ity.
Inona no fiovana entin’ny fahalalanao fa hanampy anao ny Tompo rehefa mametraka sy mikatsaka ny hanatratra ny tanjonao ianao?

Mety hanampy ny manazava fa afaka mametraka tanjona eo amin’ny sehatra maro eo amin’ny fiainantsika isika, ka tafiditra ao anatin’izany ireo tanjona mikasika ny fianarantsika, ny fifandraisantsika amin’ny hafa ary ny fahasalaman’ny vatantsika. Izay ezaka rehetra atao mba hihatsarana na hivoarana amin’ny fomba tahaka ny an’i Kristy dia tanjona tsara.

Mety ho kivy amin’ny fametrahana tanjona ny mpianatra sasany satria tsapan’izy ireo hoy toy ny tsy fahombiazany amin’izany no miseho matetika kokoa noho ny fahombiazany amin’izany. Mba hanampiana ireo mpianatra ireo dia hevero ny hametraka ity fanontaniana manaraka ity.
Nahoana no zava-dehibe ny mahatsiaro fa tia antsika ny Tompo ary eo Izy hanampy antsika, araka ny zavatra nampianaran’ny Loholona Sores, rehefa tsy mahatratra ny tanjontsika isika?

Azonao atao ny manasa ny mpianatra hamaky ny 2 Nefia 4:17–21, 26–28 ka hitady ny fomba nitodihan’i Nefia tany amin’ny Tompo rehefa nahatsapa ho tsy nahatratra ny tanjona izy.

Mba hanehoana ohatra momba ny fomba ahafahan’ny Tompo manampy antsika eo amin’ny fanatanterahana ny tanjontsika, na dia toy ny tsy azo tanterahina aza izany, dia hevero ny hampiasa ny ohatra nasehon’i Abrahama. Mety efa niverina nijery izany tantara izany ny mpianatra tao amin’ny Lesona 22: “Abrahama 1.” Raha izany no izy dia azonao amboarina io sahanasa etsy ambany io hifanaraka amin’ny zavatra ilain’ny mpianatra.

Taona maro talohan’ny niantsoana azy ho mpaminanin’ny Tompo dia lehibe tao amin’ny tany iray feno faharatsiana sy fanompoan-tsampy i Abrahama. Na ny rainy aza dia efa tapa-kevitra ny “hanaisotra ny ai[ny]” (Abrahama 1:30).

Vakio ny Abrahama 1:1–2, 4 ka tadiavo ireo tanjona napetrak’i Abrahama ho an’ny tenany.

Inona no hitanao?
Raha jerena ny toe-javatra nisy an’i Abrahama, nanao ahoana no mety ho fahasarotan’ny fanatanterahany ny tanjony?

Nanavotra ny ain’i Abrahama tamin’ny fomba mahagaga ny Tompo ary nampanantena fa hanampy azy hanatanteraka ireo tanjony izay tsara (jereo ny Abrahama 1:15–20).

Vakio ny Abrahama 1:18–19 ka tadiavo ny fomba hanampian’ny Tompo an’i Abrahama.

Ahoana no mety ho fiantraikan’ny zavatra niainan’i Abrahama eo amin’ny fiheveranao ireo tanjonao?
Tamin’ny fomba ahoana no nanampian’ny Ray any An-danitra sy i Jesoa Kristy anao na ny olona fantatrao teo amin’ny fametrahana na fanatanterahana tanjona tsara?

Dingana arahina eo amin’ny fametrahana tanjona

Avereno jerena ireo fitsipika ao anatin’ilay taratasy zaraina ary miomàna hamaly ireto fanontaniana manaraka ireto:

Inona amin’ireo dingana ireo no mora aminao ny manao azy? Inona amin’ireo dingana ireo no sarotra indrindra aminao? Nahoana?
Mety hanao ahoana raha toa ka ampandraisina anjara ao anatin’izany ny Tompo ary katsahina ny fanampiany ao anatin’ny dingana arahina?

Rehefa avy nomena fotoana ampy izy ireo dia asao ny mpianatra vitsivitsy hizara ny valinteniny amin’ny iray kilasy.

Fampiharana ny fametrahana tanjona

Raha misy ny fotoana dia hevero ny hanampy ny mpianatrao hanao fampiharana eo amin’ny fametrahana sy fanatanterahana tanjona amin’ny alalan’ny fanarahana ireo dingana. Azon’izy ireo atao tsiroaroa na ao anaty vondrona kely ity sahanasa manaraka ity. Na azonao atao ihany ny mandeha mivantana any amin’ny fizarana “Ny tanjonao.”

Ataovy lisitra ao anaty diary fandalinanao ny ohatra maro izay ahitana tanjona tsara sy mahasoa azon’ny zatovo apetraka eo amin’ny fiainany.

Mifidiana iray amin’ireo tanjona ireo avy eo ary mamoròna rafi-tantara iray izay ahafahan’ny olona iray manatanteraka tsara ny dingana tsirairay amin’ny alalan’ny fampiasana ireo fitsipika ao anatin’ny taratasy zaraina. Hevero ny fomba hampandraisanao anjara ny Tompo ao anatin’izany fanaovana dingana izany.

Azonao ampiasaina ho toy ny lamina hakan-tahaka ity rafi-tantara manaraka ity:

Nangataka fanampiana tamin’ny Ray any An-danitra eo amin’ny fametrahana tanjona i Jayden. Nanapa-kevitra ny handalina isan’andro ny Bokin’i Môrmôna mandritra ny 10 minitra izy.
Nanapa-kevitra ny hifoha aloha izy mba hahafahany manao fandalinana alohan’ny handehanana mianatra.
Herinandro taty aoriana dia nahatsikaritra i Jayden fa resin-tory foana izy. Nivavaka mba hahazo fanampiana izy.
Roa herinandro taty aoriana dia nahatsiaro tena ho tsy nahomby teo amin’ilay tanjony i Jayden. Nangataka ny Ray any an-danitra izy mba hanampy azy hahatsapa ny fitiavany sy ny fitiavan’i Jesoa Kristy azy. Nahatsapa ho nahazo fampaherezana izy ka nanapa-kevitra ny hanandrana indray ary natoky fa hanampy azy ny Ray any An-danitra sy i Jesoa Kristy. Nanapa-kevitra ny hinia hatory aloha izy isan-kariva mba hahamora ny fifohazany.

Rehefa avy nomena fotoana ampy ny mpianatra dia asao ny mpianatra vitsivitsy mba hizara ny rafi-tantara noforoniny.

Ny tanjonao

Ity sahanasa manaraka ity dia fomba iray ahafahan’ny mpianatra manao drafitra mba hampandraisana anjara ny Tompo ao anatin’ireo tanjony. Azon’izy ireo soratana ao amin’ny diary fandalinany na eo amin’nyilay taratasy zaraina ny tanjony sy ny drafiny.

Saintsaino ireo tanjonao manokana amin’ny alalan’ny fampiasana ny dingana voalohany avy ao amin’ilay taratasy zaraina. Mba hanaovana izany dia azonao atao ny misaintsaina ilay sary nataonao tany am-piandohan’ny lesona.

Manorata tanjona iray na roa izay tianao hotanterahina. Mamoròna drafitra amin’ny antsipiriany izay mampiseho ireo dingana tianao harahina mba hanatanterahana izany. Makà antoka tsara fa tafiditra ao amin’ilay drafitra ny fomba hampandraisana anjara ny Tompo ao amin’izany tanjona izany.

Amporisiho ny mpianatra ao anatin’ireo ezaka ataony mba hanatanterahana ny tanjony ary ampahatsiahivo azy ireo ny fanampian’ny Ray any an-danitra sy i Jesoa Kristy. Hevero ny hamerina hamaky ny teny nambaran’ny Loholona Soares sy hizara ny fijoroana ho vavolombelona anananao momba ny zavatra nampianariny.

Loharanom-pitaovana fanampiny

Ahoana no ahafahan’ny fametrahana tanjona mitahy ny fiainako?

Ny Torio ny filazantsarako: Torolalana ho an’ny fizarana ny filazantsaran’i Jesoa Kristy dia mampianatra izao manaraka izao:

Ny fianarana mametraka tanjona sy famolavolana drafitra dia afaka mitahy anao mandritra ny androm-piainanao. Afaka manampy anao izany hanao fanekempihavanana amin’ Andriamanitra sy hitandrina izany, hanompo amim-pahatokiana ao amin’ny Fiangonana, handranto fianarana, sy hivoatra eo asanao ary hanorina fianakaviana matanjaka. (Torio ny Filazantsarako [2023], 147)

Ahoana raha te hivoatra aho kanefa tsy mahita ilay hery anaty ananako?

Nijoro ho vavolombelona ny Loholona Dieter F. Uchtdorf ao amin’ny Kôlejin’ny Apôstôly Roambinifolo hoe:

14:11

Mino aho fa tian’i Jesoa Kristy Mpamonjy ho hitanao sy ho tsapanao ary ho fantatrao fa Izy no herinao. Fa noho ny fanampiany dia tsy misy fetra ny zavatra azonao atao. Tsy misy fetra ny hery anaty anananao. Tiany hahita ny tenanao amin’ny fomba fahitany anao ianao. Ary izany dia tena hafa noho ny fomba fijerin’izao tontolo izao anao. (“I Jesoa Kristy no maha-zatovo mahery,” Liahona, nôv. 2022, 9)

Ahoana raha tsy tratrako ny tanjoko?

Nampianatra izao ny Filoha Dieter F. Uchtdorf fony izy mpikambana tao amin’ny Fiadidiana Voalohany:

Raha ny fametrahana tanjona no resahina … dia azo antoka fa tsy hahomby [i]sika, ao anatin’ny fotoana fohy farafahakeliny. Saingy raha tokony hoe ho kivy isika dia afaka mahazo hery satria ny fananana izany fahatakarana izany dia manala ilay fanerena mba ho lavorary izao dia izao. Mampahafantatra hatrany am-piandohana izany fa hisy fotoana izay mety tsy hampahomby antsika. Ny fahafantarana izany hatrany am-piandohana dia manala ny ankamaroan’ireo zavatra tsy ampoizina na fahakiviana azo noho ny tsy fahombiazana.

Rehefa tomorintsika amin’izany fomba izany ireo tanjona ireo dia tsy mametra antsika ny tsy fahombiazana. Tadidio fa na dia tsy afaka nahatratra teo no ho eo ilay tanjona faratampony sy nirina aza isika dia efa nanao ezaka teny an-dalana izay hitondra antsika any.

Ary zava-dehibe izany, tena misy lanjany.

Na dia mety tsy tonga teny amin’ny faritra farany tokony hahatongavana aza isika dia hahatonga antsika ho olona nivoatra bebe kokoa noho ny teo aloha ny fanohizantsika ny dia. (“The Best Time to Plant a Tree,” Liahona, jan. 2014, 6)

Sahanasa fianarana fanampiny

Mampifanaraka ny safidy amin’ny tanjona

Mba hanampiana ny mpianatra hahatsapa ny maha- zava-dehibe ny safidy ataony rehefa manatratra tanjona izy ireo dia azonao atao ny mizara ny tantara notantarain’ny Loholona Quentin L. Cook ao amin’ny horonan-tsary “Misafidiana Amim-pahendrena,” manomboka amin’ny mari-potoana 3:51 ka hatramin’ny 4:52. Azonao asaina ny mpianatra hijery ny olana teo amin’ny safidy nataon’io zatovolahy io.

15:19

Azonao atao avy eo ny mametraka fanontaniana toy ireto manaraka ireto:

Inona no mety ho fiantraikan’ny safidin’io zatovolahy io eo amin’ny tanjony?
Inona no torohevitra homenao ilay zatovolahy mba hanampiana azy hanatanteraka ny tanjony?

Saintsaino ireo safidy nataonao manokana. Soraty ao amin’ny diary fandalinanao ny torohevitra homenao ny tenanao mba hanampiana anao hanatanteraka ny tanjonao.

Ny ohatra nasehon’ Andriamanitra eo amin’ny fametrahana tanjona

Mba hanampiana ny mpianatra hahatakatra ny maha-zava-dehibe ny fametrahana sy fanatrarana tanjona dia asao izy ireo hamaky ny Mosesy 1:39 k hitady ny asan’ny Ray any An-danitra sy ny voninahiny. Azonao anontaniana avy eo ny zavatra nataon’ny Ray any An-danitra mba hanatanterahana ny asany sy ny voninahiny. Ny mpianatra dia mety hizara valinteny toy ny hoe, namorona ny tany Izy, niaro ny fahafahantsika misafidy, nanome Mpamonjy ary nanorina ny ôrdônansin’ny famonjena.

Na azonao aseho koa na ataonao sary ity kisary manaraka momba ny fahariana ity:

Azon’ny mpianatra atao ny mizarazara ny Mosesy 2:1–27 eo anivon’izy ireo izay miara-miasa tsiroaroa na ao anaty vondrona kely ka mampifandray ny andron’ny Fahariana tsirairay ao amin’ny kisary miaraka amin’ny andinin-tsoratra masina mifanaraka amin’izany. Rehefa ity sahanasa ity dia apetraho ireto fanontaniana manaraka ireto:

Inona no azontsika ianarana avy amin’ny tantaran’ny Fahariana mikasika ny fanatanterahana tanjona?

Ny mpianatra dia mety hizara valinteny toy ny hoe, mitaky fotoana izany, vita araka ny drafitra ny zavatra rehetra, ary nitaky ezaka lehibe ny fanaovana izany.

Ahoana no ahafahanao mampihatra ny zavatra nianaranao eo amin’ny tanjonao manokana?