Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Siviʻi Hono 9 Hoʻo Akó: Selemaia–Sioeli

“Siviʻi Hono 9 Hoʻo Akó: Selemaia–Sioeli,” Fuakava Motuʻá – Tohi Lēsoni ʻa e Faiako Seminelí (2026)

“Siviʻi Hono 9 Hoʻo Akó: Selemaia–Sioeli,” Fuakava Motuʻá – Tohi Lēsoni ʻa e Faiako Seminelí

Siviʻi Hono 9 Hoʻo Akó: Lēsoni 148

Siviʻi Hono 9 Hoʻo Akó

A young woman sits at a table and talks with a young man, who is holding a Book of Mormon open.

ʻE lava ke tokoni ʻetau fakakaukau mo siviʻi ʻetau ako fakalaumālié ke tau ʻunu ofi ange ai ki he Tamai Hēvaní mo Sīsū Kalaisi. ʻOku fakataumuʻa ʻa e lēsoni ko ʻení ke tokoni ke fakakaukau ʻa e kau akó ki he ngaahi taumuʻa kuo nau fokotuʻú pea mo e tupulaki kuo nau aʻusia lolotonga ʻenau ako ʻa e tohi Selemaia–Sioelí.

Teuteu ʻa e tokotaha akó: Fakaafeʻi e kau akó ke nau omi mateuteu ke vahevahe ha potufolofola ʻoku mahuʻingamālie kiate kinautolu mei heʻenau ako e Fuakava Motuʻá. Kole ange ke nau fakakaukau ki he founga ʻoku tokoniʻi ai kinautolu ʻe he potufolofola ko iá ke nau muimui ʻia Sīsū Kalaisí.

Ngaahi ʻEkitivitī Ako ʻOku Ala Fakahokó

Ko e hoko ʻo hangē ange ko e Fakamoʻuí

Te ke lava ʻo tokoni ki he kau akó ke teuteu ke siviʻi ʻenau akó ʻaki hano aleaʻi e founga ʻoku tau faʻa ako ai ʻaki ʻetau faʻifaʻitaki ki he niʻihi kehé. Hangē ko ʻení, ʻoku ako ʻe he fānaú ha ngaahi ʻulungaanga angamaheni ʻo fakafou ʻi he faʻifaʻitakí. Mahalo te ke fie vahevahe ha ngaahi lēsoni kuó ke ako mei hono faʻifaʻitakiʻi ha tahá.

Ko hai ha taha kuó ke feinga ke faʻifaʻitaki ki ai? Ko e hā ha meʻa kuó ke ako mei he faʻifaʻitaki kiate iá?

Fakakaukau ke fakaʻaliʻali ha ʻīmisi ʻo e Fakamoʻuí lolotonga hono aleaʻi e ongo fehuʻi ko ʻení. Kimuʻa ʻi ha fealēleaʻaki fakakalasi, mahalo ʻe ʻaonga ki he kau akó ha taimi ke nau fakakaukau ai ki he ngaahi fehuʻi ko ʻení pe tali kinautolu ʻi heʻenau tohinoa akó.

Actor portraying Jesus Christ at a well in Samaria.

Ko e hā ha ngaahi founga ʻe niʻihi ʻokú ke feinga ai ke faʻifaʻitaki ki he Fakamoʻuí?
Ko e hā ha meʻa kuó ke ako ʻi he seminelí pe ko hoʻo ako fakatāutahá ʻokú ne tokoniʻi koe ke ke faʻifaʻitaki ki he Fakamoʻuí?

ʻE ʻoange ʻe he toenga ʻo e lēsoni ko ʻení ha faingamālie ki he kau akó ke nau toe vakaiʻi ha niʻihi ʻo e ngaahi meʻa kuo nau ako ʻi he seminelí. Fakaafeʻi e kau akó ke hokohoko atu ʻenau fakakaukau ki he founga ʻe lava ke tokoniʻi ai kinautolu ʻe he meʻa ʻoku nau akó ke nau muimui ʻi he sīpinga ʻa e Fakamoʻuí ke hoko ʻo hangē ko Iá.

Fakamatalaʻi ha ngaahi kikite kau ki hono Fakafoki Mai ʻo e ongoongolelei ʻa Sīsū Kalaisí ʻi he ngaahi ʻaho kumui ní

ʻOku fakataumuʻa ʻa e konga ko ʻeni ʻo e lēsoní ke tokoni ki he kau akó ke nau fakamatalaʻi ha ngaahi kikite fekauʻaki mo hono Fakafoki Mai ʻo e ongoongolelei ʻo Sīsū Kalaisí. Tokoniʻi e kau akó ke toe vakaiʻi e ngaahi potufolofola fakataukei fakatokāteline ʻo e Fuakava Motuʻá ko e ʻĪsaia 29:13–14; ʻIsikieli 37:15–17; mo e Taniela 2:44–45, ʻo ka fiemaʻu. Ke toe vakaiʻi e ngaahi potufolofolá, ʻe lava ke fili ʻe he kau akó ha taha ʻo e ngaahi fakamoʻoni fakafolofolá pea fai ʻa e ngaahi meʻá ni:

Lau ʻa e potufolofola fakataukei fakatokāteliné.
Toe vakaiʻi ʻa e meʻa kuo nau fakaʻilongaʻi pe hiki ʻi heʻenau folofolá pe tohinoa akó fekauʻaki mo e potufolofolá.
Toe vakaiʻi ʻa e kupuʻi lea fakafolofola mahuʻinga ʻo e fakataukei fakatokāteliné ki he fakamoʻoni fakafolofola ʻi he Fakamatala ki he ʻElito ʻo e Fakataukei Fakatokāteliné (2023).

Hili hono toe vakaiʻi ʻe he kau akó e ngaahi kikite ko ʻeni ʻo hono Fakafoki Mai ʻo e Ongoongoleleí ʻi he Fuakava Motuʻá, fakakaukau ke tauhoa kinautolu.

Fakakaukauloto ko ha ngaahi hoa faifekau kimoutolu ʻoku mou teuteu ke akoʻi ha lēsoni fekauʻaki mo hono Fakafoki Mai ʻo e ongoongolelei ʻo Sīsū Kalaisí. Ngāue fakataha ke faʻu ha palani lēsoni faingofua ʻo e meʻa te ke akoʻí. Fakakau ʻi hoʻo palani lēsoní ʻa e:

Lau mo fakamatalaʻi ha potufolofola fakataukei fakatokāteline ʻe taha pe lahi ange ʻo e ngaahi potufolofola ʻi he Fuakava Motuʻá fekauʻaki mo hono Fakafoki Mai ʻo e ongoongolelei ʻa e Fakamoʻuí.
Hiki ha ʻuhinga ʻe ua pe tolu ʻoku fiemaʻu ai e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi māmani he ʻaho ní.
Vahevahe hoʻo ngaahi ongo fekauʻaki mo hono Fakafoki Mai ʻo e ongoongolelei ʻa e Fakamoʻuí ʻi he ngaahi ʻaho kimui ní.

Hili ha taimi feʻunga ke teuteu ai, fakaafeʻi ha ngaahi hoa ke nau akoʻi ha ngaahi hoa kehe. Pe ko hoʻo fakaafeʻi ha ngaahi hoa tokosiʻi ke vahevahe ʻenau talí mo e kalasí. Fakakaukau ke vahevahe hoʻo fakamoʻoni ki hono Fakafoki Mai ʻo e ongoongolelei ʻo Sīsū Kalaisí pea mo e founga kuó ne tāpuekina ai hoʻo moʻuí.

Ongoʻi ʻa e mālohi ʻo ho misiona fakalangí

Fakaafeʻi e kau akó ke fakalaulauloto ki he ngaahi aʻusia ne nau toki maʻu kimuí ni ʻokú ne fakahaaʻi ʻoku ʻafioʻi kinautolu ʻe he ʻOtuá mo ʻoange kiate kinautolu ha ngaahi fatongia pau ke nau fakahoko ʻi he moʻui fakamatelié. Ko kinautolu kuo ʻosi maʻu honau tāpuaki fakapēteliaké, te ke lava ʻo poupouʻi kinautolu ke nau fakakaukau ki ha ngaahi foʻi lea pe kupuʻi lea ʻi honau tāpuaki fakapēteliaké ʻokú ne fakahaaʻi ʻení.

Ke tokoni ke manatuʻi ʻe he kau akó ʻa e meʻa ne nau ako kimuʻa fekauʻaki mo honau taumuʻa fakalangí, fakakaukau ke fakaafeʻi kinautolu ke nau fai ʻeni mo hanau hoa:

Toe vakaiʻi ʻa e ngaahi potufolofola ko ʻení ke manatuʻi ʻa e meʻa naʻá ke ako fekauʻaki mo e ʻilo ʻa e ʻEikí kiate koé mo hoʻo taumuʻa fakalangí:

Ko e founga ʻe taha te ke lava ai ʻo tokoni ki he kau akó ke fakafuofuaʻi ʻa e tupulakí mo e liliú ʻi heʻenau ngaahi holí, ko hono fakaʻaliʻali e ngaahi ueʻi ko ʻeni naʻa nau fakaʻaongaʻi ʻi he kamataʻanga ʻo e Lēsoni 130: “Selemaia 1.” Fakaafeʻi e kau akó ke toe vakai ki heʻenau tohinoa mei he lēsoni ko iá ke vakai ki he ongo ne nau maʻu he taimi ko iá.

Te ke lava foki ʻo ʻai ke lau ʻe he kau akó ʻa e ngaahi pōpoaki naʻa nau tohi kiate kinautolu ʻi he fakaʻosinga ʻo e lēsoni ko iá.

Te ke fakafuofuaʻi fēfē koe (1 = moʻoni kiate au; 10 = ʻikai moʻoni kiate au) ʻi he ngaahi fakamatala ko ʻení. Hiki ʻi hoʻo tohinoa akó ʻa e ʻuhinga naʻá ke fakamaaka ai ʻa e fakamatala takitaha ʻo hangē ko ia naʻá ke faí.

ʻOku ou tui ʻoku ʻafioʻi lelei ange au ʻe he Tamai Hēvaní mo Sīsū Kalaisi ʻi ha toe taha kehe.
ʻOku ou tui kuó Na foaki mai ha taumuʻa fakalangi te u lava ʻo fakahoko ʻi Heʻena tokoní.
ʻOku ou fie ʻilo mo fakahoko ʻa e misiona fakalangi kuo foaki mai ʻe he Tamai Hēvaní mo Sīsū Kalaisi kiate aú.

Fakaafeʻi e kau akó ke vakaiʻi ʻenau fakalakalaka ʻi he ngaahi fakamatala ʻe tolu ʻi ʻolungá ʻaki hono lekooti e meʻa kuo nau ako mo aʻusia kimuí ni ʻokú ne tākiekina ʻenau tuí mo e ngaahi holí.

Kau ki hono tānaki fakataha ʻo ʻIsilelí

Lolotonga e Lēsoni 132: “Selemaia 16,” naʻe fakaafeʻi e kau akó ke nau faʻu ha palani fakataautaha ki hono vahevahe ʻo e ongoongolelei ʻa e Fakamoʻuí mo e niʻihi kehé. Mahalo naʻe fekumi e kau akó ki ha ueʻi fakalaumālie mei he Laumālie Māʻoniʻoní fekauʻaki mo e tokotaha te nau lava ʻo vahevahe ki ai e ongoongoleleí, pea pehē ki he founga mo e taimi te nau lava ʻo fai ai iá. Ke tokoni ke manatuʻi ʻe he kau akó ʻa e lēsoní mo ʻenau palaní, mahalo te ke fie lau ʻa e Selemaia 16:14–16.

Fakakaukau ke fakaʻaliʻali ʻa e fakatātā ko ʻení. Fakaafeʻi e kau akó ke nau faʻu ha fakatātā tatau ʻi heʻenau tohinoa akó pea fakafonu ʻa e puhá ʻaki ha ueʻi ʻe taha pe lahi ange.

Hili ha taimi feʻunga, fakaafeʻi ha kau ako ʻe loto-fiemālié ke vahevahe ʻenau ngaahi aʻusiá mo e kalasí. Kumi ha ngaahi founga ke fakahīkihikiʻi mo poupouʻi ai e kau akó ʻi heʻenau feinga ke vahevahe e ongoongolelei ʻa e Fakamoʻuí. Mahalo te ke fie ʻoange ha faingamālie ki he kau akó ke nau faʻu ha palani foʻou ʻi he faʻa lotu ke hokohoko atu hono vahevahe ʻo e ongoongolelei ʻo Sīsū Kalaisí mo e niʻihi ʻoku nau feohí.