Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 29: “[Ko Ha] Ngāue Fakaofo mo Lahi”

“ʻĪsaia 29: ‘[Ko Ha] Ngāue Fakaofo mo Lahi,’” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 29: ‘[Ko Ha] Ngāue Fakaofo mo Lahi,’” Fuakava Motuʻá – Tohi Lēsoni ʻa e Faiako Seminelí

ʻĪsaia 13–14; 22; 24–30; 35: Lēsoni 118

ʻĪsaia 29

“[Ko Ha] Ngāue Fakaofo mo Lahi”

ʻOku fakaofo fēfē kiate koe ʻa e ongoongolelei ʻo Sīsū Kalaisí mo e Tohi ʻa Molomoná? Naʻe fakamatalaʻi ʻe ʻĪsaia ʻa hono Fakafoki Mai ʻo e ongoongolelei ʻo Sīsū Kalaisí, kau ai hono ʻomi ʻo e Tohi ʻa Molomoná ko ha “ngāue fakaofo mo lahi” (ʻĪsaia 29:14). ʻE lava ke tokoni ʻa e lēsoni ko ʻení ke ongoʻi houngaʻia ʻa e kau akó ʻi hono Fakafoki Mai ʻo e ongoongolelei ʻo Sīsū Kalaisí mo e Tohi ʻa Molomoná.

Teuteu ʻa e tokotaha akó: Fakaafeʻi e kau akó ke nau fakakaukau ki he founga te nau ala fakaʻuhingaʻi ai e ongo foʻi lea ko e fakaofo mo e fakaʻofoʻofa. ʻI hono fakaʻaongaʻi ʻenau fakaʻuhingá, fakaafeʻi kinautolu ke kumi ha veesi pe talanoa ʻi he Tohi ʻa Molomoná ʻoku fakaofo pe fakaʻofoʻofa kiate kinautolu.

Ngaahi ʻEkitivitī Ako ʻOku Ala Fakahokó

Hē mei he Moʻoní

Ke vakai ki he fiemaʻu ke Fakafoki Mai ʻa e ongoongoleleí, ʻoku tokoni ia ke mahino ki he kau akó ʻa e Hē Fakaʻaufuli mei he Moʻoní.

Ke fai ʻení, talaange ki he kau akó te nau feinga ke mateʻi ha meʻa naʻe hoko ʻo makatuʻunga ʻi ha fanga kiʻi tokoni. Hili iá pea fakaʻaliʻali taha taha ʻa e ngaahi kupuʻi lea ko ʻení ʻi he feinga ʻa e kau akó ke mateʻi ʻa e “Hē Fakaʻaufuli mei he Moʻoní.” ʻI hono ʻiloʻi ia ʻe he kau akó, fakaafeʻi kinautolu ke hiki honau nimá kae ʻoua ʻe vahevahe ʻa e talí.

Fakaʻaongaʻi ʻa e ngaahi kupuʻi lea ko ʻení ke fakapapauʻi ʻa e meʻa ʻoku fakamatalaʻí:

“ʻufiʻufi ʻe he poʻulí ʻa māmani” (ʻĪsaia 60:2)
“ha honge [ʻo e] fanongo ki he ngaahi folofola [ʻa e ʻEikí]” (ʻĀmosi 8:11)
“ʻe haʻu kiate kimoutolu ʻa e fanga ulofi fakamālohi” (Ngāue 20:29)
“hoko ʻa e liliu kovi” (2 Tesalonika 2:3)

Lau ʻa e ʻĪsaia 29:8–10, ʻo kumi e ngaahi fakamatala ʻo e Hē Fakaʻaufuli mei he Moʻoní.

ʻOku fakamatalaʻi fēfē ʻe he potufolofolá ʻa e kakai kuo nau liʻaki pe teʻeki ai ke nau maʻu ʻa e moʻoni ʻa e ʻEikí koeʻuhí ko e Hē Fakaʻaufuli mei he Moʻoní?

ʻOku tau moʻui ʻi ha māmani ʻoku kei fiekaia, ofo, pe mohe fakalaumālie. Te tau lava foki ʻo fai ha ngaahi fili ʻokú ne fakamavaheʻi kitautolu mei he ʻEikí. Fakaʻaongaʻi ha kiʻi taimi ke ke fakalaulauloto ai ki ha ngaahi founga te ke ongoʻi pehē ai, pe ko kinautolu ʻokú ke ʻofa aí.

ʻI hoʻo ako he ʻaho ní, fekumi ki ha tokoni mei he Laumālie Māʻoniʻoní ke fakahoungaʻi ʻa e meʻa kuo foaki mai ʻe he Tamai Hēvaní mo Sīsū Kalaisi ke tau ikunaʻi ʻaki ʻa e ngaahi faingataʻa ko ʻení pea tafoki kiate Kinauá.

Ko ha ngāue fakaofo mo lahi

Lau ʻa e ʻĪsaia 29:4 ke ʻiloʻi ʻa e meʻa naʻe kikiteʻi ʻe ʻĪsaia ʻe tāpuakiʻi ʻaki kitautolu ʻe he ʻEikí ke tau ikunaʻi ʻa e ngaahi nunuʻa ʻo e Hē Fakaʻaufuli mei he Moʻoní.

Ke tokoni ke mahino ki he kau akó ʻoku ʻuhinga ʻa e veesi 4 ki he Tohi ʻa Molomoná, te ke lava ʻo ʻoange ki he kau akó ha niʻihi ʻo e ngaahi fakamoʻoni fakafolofola ko ʻení:

2 Nīfai 33:13
Molomona 8:23
Palakalafi fakaʻosi ʻo e “Ko e Fakamoʻoni ʻa e Palōfita ko Siosefa Sāmitá” ʻoku maʻu ʻi he peesi talateu ʻo e Tohi ʻa Molomoná.

Pe ko hoʻo fakaʻaliʻali ʻa e ngaahi fakamoʻoni fakafolofola kotoa pē ʻi he palakipoé pea fakaafeʻi ʻa e kau akó ke nau fakaʻaongaʻi ʻa e lahi taha te nau ala fiemaʻu ke ʻiloʻi ai ʻa e meʻa kuo tāpuekina ʻaki kitautolu ʻe he ʻEikí. ʻE lava ke fili ʻe he kau akó ha potufolofola ʻe taha pe lahi ange mei he ngaahi fakamoʻoni fakafolofola ko ʻení pe fakafehokotaki kinautolu ki he ʻĪsaia 29:4. ʻE lava ke tokoni ʻeni ke nau manatuʻi ʻa e meʻa ʻoku nau akó.

Te ke lava ʻo fakaafeʻi e kau akó ke nau lau ʻa e ʻĪsaia 29:11–12 pea kumi ha ngaahi kupuʻi lea kehe ʻe lava ke ʻuhinga ki hono ʻomi ʻo e Tohi ʻa Molomoná. Mahalo ʻe fakaʻilongaʻi ʻe he kau akó ʻa e, “ʻoku ʻoatu ʻa e tohí kiate ia ʻoku ʻikai potó” (ʻĪsaia 29:12). ʻOku ʻuhinga ʻa e kupuʻi lea ko ʻení kia Siosefa Sāmita, ʻa ia naʻe siʻi ʻa e ako fakaʻatamai naʻá ne maʻú. Kapau ʻoku ʻikai ʻilo ʻe he kau akó, te ke lava ʻo fakamatalaʻi ange ʻoku ʻuhinga ʻa e ngaahi veesi ko ʻení ki ha meʻa naʻe hoko ʻi he hisitōlia ʻo e Siasí, ʻoku maʻu ʻi he Siosefa Sāmita—Hisitōlia 1:62–65.

Ko ha potufolofola fakataukei fakatokāteline ʻa e ʻĪsaia 29:13–14. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Lau ʻa e ʻĪsaia 29:13–14, ʻo kumi e meʻa naʻe folofola ʻa e ʻEikí te Ne fai ke ikunaʻi ʻa e ngaahi nunuʻa ʻo e Hē mei he Moʻoní.

Naʻe fakamatalaʻi ʻe Palesiteni Lāsolo M. Nalesoni ʻa e ʻuhinga ʻo e ngāue lahi mo fakaofó:

ʻE kau ʻi he ngāue lahi [mo fakaofo] ko iá ʻa hono ʻomi ʻo e Tohi ʻa Molomoná mo hono Fakafoki Mai ʻo e ongoongoleleí. (“Scriptural Witnesses,”Liahona, Nov. 2007, 46)

Te ke fakamatalaʻi fakanounou fēfē ʻa e meʻa te tau lava ʻo ako mei he ʻĪsaia 29:13–14?

ʻE lava ke vahevahe ʻe he kau akó ha meʻa tatau mo ʻení: Naʻe fakafoki mai ʻe he ʻEikí ʻa e ongoongolelei ʻo Sīsū Kalaisí, kau ai hono ʻomi ʻo e Tohi ʻa Molomoná, ke ikunaʻi ʻa e ngaahi nunuʻa ʻo e Hē Fakaʻaufuli mei he Moʻoní.

Fakamatalaʻi ange ko e Fakafoki Mai ʻo e Ongoongoleleí “ko hono toe fokotuʻu [ia] ʻe he ʻOtuá ʻa e ngaahi moʻoni mo e ngaahi ouau ʻo ʻEne ongoongoleleí ʻi he kakaí ʻi he māmaní” (“Fakafoki Mai ʻo e Ongoongoleleí,” Fakahinohino ki he Ngaahi Folofolá, Gospel Library). ʻIkai ngata aí, te ke lava ʻo mamata ʻi he “What Is the Restoration?” mei he taimi 2:09 ki he 5:13.

5:1

Ke tokoni ke vakaiʻi ʻe he kau akó e foʻi moʻoni ko ʻení, fakakaukau ke fakakulupu kinautolu ke aleaʻi e ongo fehuʻi ko ʻení.
Ko e hā ʻe lava ke akoʻi mai ʻe he foʻi moʻoni ko ʻení fekauʻaki mo e Tamai Hēvaní mo Sīsū Kalaisí?
ʻE tokoniʻi fēfē kitautolu ʻe he Fakafoki Mai ʻo e ongoongolelei ʻo Sīsū Kalaisí mo e Tohi ʻa Molomoná ke tau ikunaʻi ʻa e ngaahi faingataʻa fakalaumālie naʻe fakatupu ʻe he Hē Fakaʻaufuli mei he Moʻoní?

Ko e ngaahi tāpuaki ʻo e ngāue lahi mo fakaofó

ʻE lava ke tokoni ʻeni ki he kau akó ke nau vakai ki he founga ʻe lava ke tokoniʻi ai kitautolu ʻe hono Fakafoki Mai ʻo e Ongoongoleleí mo e Tohi ʻa Molomoná ke tau ikunaʻi ʻa e ngaahi nunuʻa ʻo e Hē Fakaʻaufuli mei he Moʻoní.

Hiki ʻa e fehuʻi “ʻE tāpuekina fēfē au ʻe he ʻEikí ʻo fakafou ʻi hono Fakafoki Mai ʻo e Ongoongoleleí mo e Tohi ʻa Molomoná?” ʻi hoʻo tohinoá. Lau ʻa e ʻĪsaia 29:18–19 pea hiki e meʻa ʻokú ke maʻu ʻokú ne tali ʻa e fehuʻí.

Fakakakato ha taha ʻo e ngaahi ʻekitivitī ko ʻení:

ʻEkitivitī 1

Feinga ke ʻiloʻi ha veesi pe talanoa mei he Tohi ʻa Molomoná ʻokú ne ʻomi koe ke ke ofi ange ki he Tamai Hēvaní mo Sīsū Kalaisi. Kapau ʻe tokoni, te ke lava ʻo vakai ki he ngaahi potufolofola fakataukei fakatokāteline ʻo e Tohi ʻa Molomoná.

Fakamatalaʻi ʻa e ʻuhinga ʻoku fakaofo ai ia kiate koé.

ʻEkitivitī 2

Fakamahinoʻi ha tokāteline, ouau, tāpuaki, pe ko ha tafaʻaki kehe ʻo hono Fakafoki Mai ʻo e ongoongolelei ʻo Sīsū Kalaisí (kau palōfita ʻo onopōní, ngaahi temipalé, lakanga fakataulaʻeikí, mo e ngaahi meʻa peheé) ʻokú ne tokoniʻi koe ke ke ofi ange ki he Tamai Hēvaní mo Sīsū Kalaisi.

Fakamatalaʻi ʻa e ʻuhinga ʻoku fakaofo ai ia kiate koé.

Hili ha taimi feʻunga, fakaafeʻi e kau akó ke nau kau ki ha fanga kiʻi kulupu iiki pea vahevahe ʻenau ngaahi fakamatalá.

Fakakaukau ke fakaʻosi e kalasí ʻaki hono fakaafeʻi e kau akó ke fakalaulauloto ki he ʻuhinga ʻoku nau houngaʻia ai ki he Tamai Hēvaní mo Sīsū Kalaisi ʻi hono Fakafoki Mai ʻo e Ongoongoleleí mo e Tohi ʻa Molomoná. Fakakaukau ke vahevahe hoʻo ngaahi ongo fekauʻaki mo e ʻuhinga ʻokú ke houngaʻia ai ʻi hono Fakafoki Mai ʻo e Ongoongoleleí pe ko e Tohi ʻa Molomoná.

Ako Ma‘uloto

Mahalo te ke fie tokoni ki he kau akó ke ako maʻuloto ʻa e fakamoʻoni fakafolofola ki he fakataukei fakatokāteliné mo e kupuʻi lea mahuʻinga ʻo e potufolofolá lolotonga ʻa e lēsoni ko ʻení pea toe vakaiʻi ia ʻi he ngaahi lēsoni ʻi he kahaʻú. Ko e kupuʻi lea fakafolofola mahuʻinga ki he ʻĪsaia 29:13–14 ko e “Ko hono Fakafoki Mai ʻo e ongoongoleleí ko ha ‘ngāue fakaofo mo lahi.’” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

ʻOku kakato nai ʻa hono Fakafoki mai ʻo e ongoongoleleí?

Naʻe akoʻi ʻe Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí ʻo pehē:

18:31

ʻOku tau fakakaukau he taimi ʻe niʻihi ko hono Fakafoki mai ʻo e ongoongoleleí ko ha meʻa ʻoku kakato, kuo ʻosi hoko—naʻe ʻosi liliu ʻe Siosefa Sāmita ʻa e Tohi ʻa Molomoná, naʻá ne maʻu ʻa e ngaahi kī ʻo e lakanga fakataulaʻeikí, pea kuo ʻosi fokotuʻu mo e Siasí. Ko hono moʻoní, ko hono Fakafoki Mai ʻo e ongoongoleleí ko ha ngāue ia ʻoku kei hokohoko atu pē; ʻoku tau moʻui ai he taimí ni. ʻOku kau ai ʻa e “ngaahi meʻa kotoa pē kuo fakahā mai ʻe he ʻOtuá, mo e ngaahi meʻa kotoa pē ʻokú Ne fakahā mai ʻi he taimi ní,” pea mo e “ngaahi meʻa lalahi mo mahuʻinga” ʻa ia “te Ne kei fakahā mai ʻamuí” (Tefito ‘o e Tui 1:9). … Kāinga, ko e ngaahi langa fakalakalaka fakafiefia ʻo e ʻaho ní ko e konga ne kikiteʻi fuoloa ki he vahaʻataimi ʻo e teuteu ko hono tumutumú ko e Hāʻele ʻAnga Ua nāunauʻia Mai hotau Fakamoʻui ko Sīsū Kalaisí. (“ʻOkú Ke Mohe Nai Lolotonga Hono Fakafoki Mai ʻo e Ongoongoleleí?,” Liahona, Mē 2014, 59)

Naʻe fakamatalaʻi ʻe Palesiteni Lāsolo M. Nalesoni ʻo pehē:

Ko e Fakafoki mai ʻo e ongoongoleleí ko ha founga ngāue, ʻoku ʻikai ko ha meʻa pē ʻoku hoko, pea ʻe kei pehē ai pē kae ʻoua kuo toe hāʻele mai e ʻEikí. …

ʻOku fiemaʻu ʻi he [kei hoko atu hono] Fakafoki Mai [ʻo e Ongoongoleleí] ha fakahā ʻoku hokohoko. (“Ko e Temipalé mo Ho Fakavaʻe Fakalaumālié,” Liahona, Nōvema 2021, 94)

Te u lava fēfē ʻo maʻu ha fakamoʻoni fakataautaha ki he fakalangi ʻo hono Fakafoki Mai ʻo e Ongoongoleleí?

ʻOku pehē ʻi he Ko e Fakafoki Mai ʻa e Kakato ʻo e Ongoongolelei ʻo Sīsū Kalaisí: Ko Ha Fanongonongo ki Māmani ʻo e Taʻu Uangeaú:

ʻI he loto-ʻapasia mo e loto-houngaʻia, pea ʻi heʻemau hoko ko ʻEne kau ʻAposetoló, ʻoku mau fakaafeʻi ʻa e kakai kotoa pē ke nau ʻilo—ʻo hangē ko ia ʻoku mau ʻiló—ʻoku fakaava mai ʻa e ngaahi langí. ʻOku mau fakamoʻoniʻi ʻoku fakahā mai ʻe he ʻOtuá Hono finangaló ki Hono ngaahi foha mo e ngaahi ʻofefine ʻofeiná. ʻOku mau fakamoʻoni ko kinautolu ʻoku nau ako ʻi he faʻa lotu ʻa e pōpoaki ʻo hono Fakafoki Mai ʻo e ongoongoleleí pea ngāue ʻi he tuí, ʻe tāpuekina kinautolu ke nau maʻu haʻanau fakamoʻoni ki hono fakalangí pea ki hono taumuʻa ke teuteuʻi ʻa e māmaní ki he talaʻofa ʻo e Hāʻele ʻAnga Ua Mai ʻa hotau ʻEiki mo e Fakamoʻui ko Sīsū Kalaisí. (“Ko e Fakafoki Mai ʻa e Kakato ʻo e Ongoongolelei ʻo Sīsū Kalaisí: Ko Ha Fanongonongo ki Māmani ʻo e Taʻu Uangeaú,” Gospel Library)

Ngaahi ʻEkitivitī Fakalahi ki he Akó

Ngaahi kikite ʻo e Tohi ʻa Molomoná ʻi he ʻĪsaia 29

Naʻe fai ʻe ʻĪsaia ha ngaahi kikite kehe ʻo e Tohi ʻa Molomoná ʻi he ʻĪsaia 29. Kapau ʻokú ke ongoʻi ʻe ʻaonga, te ke lava ʻo fakamatalaʻi ʻa e ngaahi kikite ko ʻení, pe ʻe lava ke lau ʻe he kau akó ʻa e ngaahi potufolofola ko ʻení pea feinga ke ʻiloʻi ʻa e founga ʻoku fekauʻaki ai mo e Tohi ʻa Molomoná:

ʻĪsaia 29:4—Naʻe kikiteʻi ʻe ʻĪsaia hono ʻohake ʻo e ʻū lauʻi peleti koulá mei he kelekelé.
ʻĪsaia 29:11–12—Naʻe kikite ʻa ʻĪsaia ʻo kau ki hono ʻave ʻe Māteni Hālisi ha ngaahi tatau ʻo e ngaahi mataʻitohi ʻe niʻihi ʻo e Tohi ʻa Molomoná kia Palōfesa Sālesi ʻAnitoní.

Ke tokoni ke ʻilo ʻe he kau akó e founga naʻe fakahoko ai e kikite ʻa ʻĪsaia ʻi he ʻĪsaia 29:11–12, te ke lava ʻo tā e saati ko ʻení he palakipoé:

Ko e kaveinga ʻo e taha ʻo e ngaahi kikite ʻa ʻĪsaiá	Ko e kikite ʻa ʻĪsaia ki he meʻa ʻe fai ʻe he tokotahá pe kakaí	Ko hono fakahoko ʻo e kikité
ʻĪsaia 29:11—“tangata”		Siosefa Sāmita—Hisitōlia 1:63–65
ʻĪsaia 29:11—“tokotaha ʻoku poto”		Siosefa Sāmita—Hisitōlia 1:63–65
ʻĪsaia 29:12—“kiate ia ʻoku ʻikai poto”		Siosefa Sāmita—Hisitōlia 1:59

Te ke lava ʻo vahevahe ʻa e kau akó ke nau tauhoa pea kole ki he hoa takitaha ke lau fakataha ʻa e ngaahi fakamoʻoni fakafolofola ʻi he sātí pea fakamatalaʻi fakanounou ʻa e ngaahi kikite ʻa ʻĪsaiá mo hono fakahoko ʻi he ngaahi ʻaho kimui ní ʻi he kōlomu ʻi lotomālié. (Mahalo te ke fie fakamatalaʻi ange naʻe lekooti foki ʻe Nīfai ʻa e fakamatala ʻa ʻĪsaiá ʻi he 2 Nīfai 27:6–10, 15–20. ʻOku ʻomi ʻe he fakamatala ʻa Nīfaí ha fakaikiiki lahi ange ʻi he fakamatala ʻa ʻĪsaia ʻi he Tohi Tapú.)

Ke fetongi e saati ʻekitivitií, te ke lava ʻo sio ʻi he “A Marvelous Work and Wonder” (3:57) pe ʻai ke lau ʻe ha kau ako te nau fie lau e talanoa ʻo Māteni Hālisi mo Sālesi ʻAnitoní ʻi he peesi 49–51 ʻi he Kau Māʻoniʻoní, Voliume 1: Ko e Fuka ʻo e Moʻoní, 1815–1846.

3:57

Ko e Tohi ʻa Molomoná—Ko ha ngāue lahi mo fakaofo

Te ke lava ʻo fakaʻaongaʻi ʻa e ngaahi vitiō ko ʻení kimuʻa pea fakakakato ʻe he kau akó ʻa e ʻekitivitī 1 pe 2 ʻi he lēsoní. Te ke lava foki ʻo fakaʻaliʻali ange ke tokoni ki he kau akó ke nau ʻiloʻi ʻa e founga ʻe lava ke ʻomi ai ʻe he Tohi ʻa Molomoná ha ʻamanaki lelei mo ha fiefia ki heʻetau moʻuí.

“Tafoki ki he Tohí, Tafoki ki he ʻEikí” mei he taimi 1:32 ki he 3:22. Ko e vahevahe ʻe ʻEletā Keuli E. Sitīvenisoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e aʻusia ʻa Mele ʻIlisapeti Lōlini ʻi hono lau ʻo e Tohi ʻa Molomoná.

15:7

“Ko ia Ke ʻAlu ʻa Kimoutolu” mei he taimi 1:22 ki he 3:05. ʻOku vahevahe ʻe Sisitā Silivia H. ʻOloleti, ko ha mēmipa mālōlō ʻo e Kau Palesitenisī Lahi ʻo e Fineʻofá, ʻa ʻene aʻusia ʻi heʻene ako fekauʻaki mo e Tohi ʻa Molomoná.

10:24

Tui ʻi he foʻi laka kotoa pē

ʻE lava ke tokoni hono tokoniʻi e kau akó ke nau ʻiloʻi ha niʻihi ʻo e ngaahi tāpuaki ʻo hono Fakafoki Mai ʻo e Ongoongoleleí ke fakatupulaki ʻenau houngaʻia ʻi he “ngāue lahi mo fakaofo” ʻa e ʻEikí. Ko e founga ʻe taha ke tokoniʻi ai e kau akó ke fai ʻení ko hono hivaʻi pe fanongo ki he “Faith in Every Footstep.” ʻE lava ke muimui e kau akó ki he fakaleá pea feinga ke ʻiloʻi (1) ʻa e ngaahi founga te tau lava ai ʻo kau ʻi he ngāue lahi “mo fakaofo” ʻa e ʻEikí pea mo e (2) ngaahi tāpuaki ʻoku maʻu mei Heʻene ngāue maʻongoʻongá. Hili iá ʻe lava ke nau vahevahe e meʻa ne nau maʻú.

5:37