Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Selemaia 1: “Naʻá Ku ʻIlo Koe ʻi he Heʻeki Ai Te u Fakatupu Koe ʻi he Fatú … Pea Tuʻutuʻuni Koe”

“Selemaia 1: ‘Naʻá Ku ʻIlo Koe ʻi he Heʻeki Ai Te u Fakatupu Koe ʻi he Fatú … Pea Tuʻutuʻuni Koe,’” Fuakava Motuʻá – Tohi Lēsoni ʻa e Faiako Seminelí (2026)

“Selemaia 1: ‘Naʻá Ku ʻIlo Koe ʻi he Heʻeki Ai Te u Fakatupu Koe ʻi he Fatú … Pea Tuʻutuʻuni Koe,’” Fuakava Motuʻá – Tohi Lēsoni ʻa e Faiako Seminelí

Selemaia 1–3; 7; 16–18; 20: Lēsoni 130

Selemaia 1

“Naʻá Ku ʻIlo Koe ʻi he Heʻeki Ai Te u Fakatupu Koe ʻi he Fatú … Pea Tuʻutuʻuni Koe”

Jeremiah is clothed in sackcloth. He stands dramatically, illuminated from behind before a leading priest while others look on from behind.

Kuó ke fifili nai ki he meʻa naʻe hoko ʻi he maama fakalaumālié naʻá ne teuteuʻi koe ki ho ngaahi fatongia ʻi he moʻui fakamatelié? ʻI he maama fakalaumālié, naʻe foaki ʻe he Tamai Hēvaní ha ngaahi fatongia fakalangi ki Heʻene fānaú ke nau fakahoko ʻi he moʻui fakamatelié. ʻOku kau ʻi he ngaahi sīpinga ko ʻení ʻa Sīsū Kalaisi (vakai, 1 Pita 1:19–20) mo Selemaia (vakai, Selemaia 1:5). ʻE lava ke tokoni ʻa e lēsoni ko ʻení ke ongoʻi ʻe he kau akó ha holi ke fakahoko ʻenau taumuʻa fakalangí.

Teuteu ʻa e tokotaha akó: Fakaafeʻi e kau akó ke fakakaukauloto ʻoku nau fua ha pēpē toki fāʻeleʻi pea fakakaukau ki he ongo fehuʻi ko ʻení:

Ngaahi ʻEkitivitī Ako ʻOku Ala Fakahokó

Teuteu ke ako

Ke tokoni ke teuteu ʻa e kau akó ke ako ʻoku ʻafioʻi kinautolu ʻe he Tamai Hēvaní pea ʻoku ʻi ai ʻEne taumuʻa fakalangi maʻanautolú, fakaafeʻi kinautolu ke fakakaukauloto ki he tūkunga ko ʻení. (Te ke lava ʻo liliu ʻa e tūkungá ke feʻunga lelei ange mo hoʻo kau akó. Hangē ko ʻení, ʻe lava pē ko ha faiako ʻokú ne fakatukupaaʻi kinautolu ke nau maʻu ha maaka pau ʻi ha kalasi faingataʻa.)

Fakakaukauloto ʻoku fakatukupaaʻi koe ʻe ha faiako sipoti ke ke ngāueʻi ha taumuʻa faingataʻa, hangē ko e lele ʻi ha maile ʻe taha ʻi ha vahaʻataimi pau ki ha ʻaho pau.

ʻE liliu fēfē ʻe he ngaahi tūkunga ko ʻení hoʻo loto-holi ke fakahoko iá mo hoʻo loto-falala te ke lava ʻo aʻusia iá?
Kuo taʻu lahi hoʻo fengāueʻaki mo e faiakó, ʻa ia ʻokú ne ʻiloʻi lelei koe, pea kuó ne fakafuofuaʻi ʻa e tukupaá maʻau.
Ko ha faiako foʻou ʻoku ʻikai ke ne ʻiloʻi koé kuó ne fai ʻa e tukupā tatau ki he timí kotoa.

Fakaʻaliʻali ʻa e siviʻi pē kita ko ʻení ke tokoni ki he kau akó ke nau fakakaukau ki he founga ʻoku ʻafioʻi haohaoa ai kinautolu ʻe he Tamai Hēvaní mo Sīsū Kalaisi mo ʻenau taumuʻa fakalangí. (Fakatokangaʻi ange: ʻE fakaafeʻi ʻa e kau akó ke nau toe vakai ki he sivi fakaekita ko ʻení ʻi he Lēsoni 148: “Siviʻi Hono 9 Hoʻo Akó.”)

Te ke fakafuofuaʻi fēfē koe (1 – moʻoni kiate au; 10 – ʻikai moʻoni kiate au) ʻi he ngaahi fakamatala ko ʻení? Hiki ʻi hoʻo tohinoa akó ʻa e ʻuhinga hoʻo fakamaaka ki he fakamatala takitaha.

ʻOku ou tui ʻoku ʻafioʻi lelei ange au ʻe he Tamai Hēvaní mo Sīsū Kalaisi ʻi ha toe taha ʻokú ne ʻiloʻi au.
ʻOku ou tui kuó Na foaki mai ha taumuʻa fakalangi te u lava ʻo fakahoko ʻi Heʻena tokoní.
ʻOku ou fie ʻilo mo fakahoko ʻa e misiona fakalangi kuo foaki mai ʻe he Tamai Hēvaní mo Sīsū Kalaisi kiate aú.

Fakaafeʻi e kau akó ke nau tokanga ki he ngaahi fakakaukau mo e ngaahi ongo mei he Laumālie Māʻoniʻoní ʻi heʻenau ako lahi ange fekauʻaki mo ʻenau taumuʻa fakalangí.

“[Naʻá Ku] tuʻutuʻuni koe … ʻi he teʻeki ai te ke haʻu mei he manavá”

Ke tokoni ke fakafelāveʻi e kau akó mo Selemaiá, te ke lava ʻo fehuʻi ange pe te nau ongoʻi fēfē kapau ʻe kole ange ʻe he ʻEikí ke nau fai ha meʻa faingataʻa, hangē ko e lea ʻi he lotú, akoʻi ha lēsoni, ngāue fakafaifekau, mo e alā meʻa pehē.

Mahalo naʻe ongoʻi pehē ʻa Selemaia ʻi he taimi naʻe ui ai ia ʻe he ʻEikí ke hoko ko ha palōfita ki he puleʻanga ʻo Siutá. Mahalo ʻe mālieʻia e kau akó ke ʻiloʻi naʻe kikite ʻa Selemaia ʻi Selusalema ʻi he taimi tatau mo Līhaí (vakai, 1 Nīfai 7:14).

Ko e Selemaia 1:4–5 ko ha potufolofola fakataukei fakatokāteline ia. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Lau ʻa e Selemaia 1:4–5 pea mo e fakamatala ko ʻeni meia Palesiteni Lāsolo M. Nalesoní. Hili iá, fakamatalaʻi fakanounou ʻa e meʻa naʻá ke ako fekauʻaki mo hotau vā fetuʻutaki mo e ʻEikí.

14:25

Ko ho laumālié ko ha meʻa ʻoku taʻengata. Naʻe folofola e ʻEikí ki Heʻene palōfita ko ʻĒpalahamé: “Naʻe fili koe ʻi he teʻeki ai ke fanauʻi koé” (ʻEpalahame 3:23). Naʻe folofola ʻaki ʻe he ʻEikí mo ha meʻa meimei tatau kia Selemaia mo ha niʻihi kehe tokolahi. Naʻá Ne fakahā foki mo ha meʻa tatau ʻo kau kiate koe.

Kuo ʻafioʻi koe ʻe hoʻo Tamai Hēvaní ʻi ha taimi fuoloa. [ʻI hoʻo hoko] ko Hono foha mo e ʻofefiné, naʻá Ne fili ke ke haʻu ki he māmaní ʻi he taimi ko ʻení, ke hoko ko ha taki ʻi Heʻene ngāue maʻongoʻonga ʻi he māmaní. Naʻe ʻikai ke fili koé koeʻuhí ko ho tuʻunga fakaesinó ka ko ho ngaahi ʻulungaanga fakalaumālié. … (“Ngaahi Fili ki ʻItānití,” Liahona, Nōvema 2013, 107)

Ko e hā ha ngaahi moʻoni te tau lava ʻo ako mei he Selemaia 1:4–5 mo e lea ʻa Palesiteni Nalesoní?

ʻI he vahevahe ʻa e kau akó, tokoni ke nau ʻiloʻi naʻe ʻafioʻi kitautolu ʻe he ʻEikí kimuʻa pea fanauʻi kitautolú, pea ʻomi ha ngaahi fatongia pau ke tau fakahoko ʻi he moʻui fakamatelié.

Fakakaukau ke fakaafeʻi e kau akó ke nau fai ha faʻahinga fehuʻi pē ʻoku nau maʻu fekauʻaki mo e foʻi moʻoni ko ʻení. Kapau te nau fai ha ngaahi fehuʻi kuo teʻeki ai ke tali mahino ʻe he ʻEikí, fakamālō ange ʻi heʻenau ngaahi fehuʻi fakakaukau leleí, kae tokanga ke ʻoua naʻá ke fakamahamahalo ki he ngaahi talí.

ʻE ala tokoni ʻa e ngaahi fakamatala ʻi he Ngaahi Maʻuʻanga Tokoni Kehé ke tali e ngaahi fehuʻi ʻa e tokotaha akó.

Ki ha ngaahi sīpinga ʻo ha niʻihi kehe naʻe ui ke nau fakahoko ha ngaahi fatongia pau ʻi he moʻui fakamatelié, ʻe lava ke lau ʻe he kau akó ha potufolofola ʻe taha pe lahi ange mei heni: Luke 1:13–17, 1 Nīfai 11:14–20, Mōsaia 3:5–10, Tokāteline mo e Ngaahi Fuakava 138:53–56.

Makatuʻunga ʻi he ngaahi fehuʻi mo e ngaahi fiemaʻu hoʻo kau akó, fili ha konga ʻe taha pe lahi ange ʻo e konga ʻe tolu ko ʻeni ʻo e lēsoní ʻokú ke ongoʻi ʻe tokoni lelei taha kiate kinautolú.

Fili 1: Ko e ngaahi talaʻofa ʻa e ʻEikí

ʻI he ako folofola ko ʻení, te ke lava ʻo fakaafeʻi ha vaeua ʻo e kalasí ke nau fakaʻilongaʻi ʻa e faleʻi naʻe fai ʻe he ʻEikí pea fakaʻilongaʻi ʻe he vaeua ʻe tahá ʻa e ngaahi talaʻofa naʻe fai ʻe he ʻEikí. Hili iá, tuku ke kumi ʻe he kau akó ha hoa naʻá ne fakaʻilongaʻi ha ngaahi meʻa kehekehe ke vahevahe mo ia.

Aleaʻi leva mo e kalasí ʻa e ongo fehuʻi ʻi laló.

Lau ʻa e Selemaia 1:6–9, 17–19 pea fakaʻilongaʻi ʻa e faleʻi mo e ngaahi talaʻofa naʻe fai ʻe he ʻEikí ko e tali ki he ngaahi ongoʻi taʻetaau ʻa Selemaiá.

Naʻe tokoniʻi fēfē nai ʻa Selemaia ʻe he ngaahi talaʻofa ʻa e ʻEikí kiate iá ke ne vakai ki hono uiuiʻí mei ha fakakaukau ʻoku taʻengatá?
Ko e hā naʻe folofola ʻaki ʻe he ʻEikí kia Selemaia ʻe lava ʻo tokoni ki he toʻu tupu ʻo e ʻaho ní ʻi he ngaahi fatongia kuo foaki atu ʻe he ʻEikí kiate koé?

Fili 2: ʻOku mahuʻinga hono ʻiloʻi ʻeku ngaahi taumuʻa fakalangí

Te ne tokoniʻi fēfē koe ke ke ʻiloʻi ʻa e ngaahi fatongia fakalangi kuo foaki atu ʻe he ʻEikí kiate koé?

Fili 3: Ko hono ako ʻeku taumuʻa fakalangí

Fakaafeʻi e kau akó ke fakakaukauʻi ʻi ha fanga kiʻi kulupu iiki ʻa e ngaahi tali kehekehe ki he fehuʻi ko ʻení ki he lahi taha te nau lavá ʻi ha miniti ʻe ua. Hili iá, fakaafeʻi kinautolu ke hiki ha lisi ʻo e ngaahi fakakaukau ne nau maʻú ʻi he palakipoé.

ʻE lava ke vahevahe ʻe he kau akó ha ngaahi tali hangē ko hono lau ʻo e ngaahi tāpuaki fakapēteliaké, lotú, fakahā fakatāutahá, fealeaʻaki mo e niʻihi ʻoku tau ʻofa aí, mo hono fakahoko totonu ʻo e ngaahi uiuiʻí.

Te u lava fēfē ʻo ako fekauʻaki mo e ngaahi fatongia fakalangi kuo foaki mai ʻe he ʻEikí kiate aú?

Fakakaukau ke fakaʻaliʻali ʻa e fakamatala ko ʻení. Fakaafeʻi e kulupu takitaha ke fili ha taha ʻo e fokotuʻu ʻe fā ʻa ʻEletā Pingilií pea aleaʻi e founga ʻe lava ke tokoni ai e muimui ki he fokotuʻu ko iá ke mahino ki ha taha taʻu hongofulu tupu ʻa e ngaahi fatongia fakalangi kuo foaki ange ʻe he Tamai Hēvaní kiate kinautolú.

Naʻe vahevahe ʻe ʻEletā Sione C. Pingilī ko e Siʻí ʻo e Kau Fitungofulú ha meʻa ʻe fā te tau lava ʻo fai ke mahino ai ʻa e ngaahi fatongia kuo foaki mai ʻe he ʻEikí kiate kitautolú:

ʻUluakí, tokanga ki he niʻihi kehé. …

Ko hono uá, ʻiloʻi pea fakatupulaki e ngaahi meʻafoaki fakalaumālié. …

Ko hono tolú, fakaʻaongaʻi lelei ʻa e faingataʻá. …

Pea ko hono faá, falala ki he ʻOtuá. ʻI he taimi te tau kole ai kiate Ia ʻi he tui mo e loto-moʻoní, te Ne fakahā mai ʻetau ngaahi ngāue fakalangí. (“ʻOku ʻi ai Haʻaku Ngāue Ke Ke Fai,” Liahona, Nōvema 2017, 33–34)

ʻOku ʻafioʻi au ʻe he ʻEikí

Ke tokoni ke fakakaukau ʻa e kau akó ki he meʻa kuo nau ako mo ongoʻi he ʻaho ní, fakaafeʻi kinautolu ke fai e ngaahi meʻá ni. Poupouʻi e kau akó ke nau muimui ki ha faʻahinga ueʻi fakalaumālie pē te nau maʻu mei he Laumālie Māʻoniʻoní ʻi heʻenau fakahoko ʻení.

ʻI hono fakaʻaongaʻi ʻo e meʻa kuó ke ako he ʻaho ní, tohi ha pōpoaki ki ho kahaʻú ʻi hoʻo tohinoa akó. Tohi ʻa e meʻa te ke fie manatuʻi fekauʻaki mo e ʻilo ʻa e Tamai Hēvaní mo Sīsū Kalaisi kiate koé pea mo e ngaahi fatongia fakalangi kuó Na foaki atu kiate koé.

Ako Ma‘uloto

Te ke ala tokoni ki he kau akó ke nau ako maʻuloto ʻa e fakamoʻoni fakataukei fakatokāteliné mo e kupuʻi lea fakafolofola mahuʻingá, lolotonga ʻa e lēsoni ko ʻení pea toe vakaiʻi ia ʻi he ngaahi lēsoni ʻi he kahaʻú. Ko e kupuʻi lea fakafolofola mahuʻinga ki he Selemaia 1:4–5 ko e, “ʻI he heʻeki ai te u fakatupu koe ʻi he fatú … [naʻá ku] tuʻutuʻuni koe ko e palōfita ki he ngaahi puleʻangá.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

Te u lava fēfē nai ʻo ʻilo e palani ʻa e ʻOtuá maʻakú?

Naʻe fakamatala ʻa ʻEletā Lisiate G. Sikoti (1928–2015) ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku ʻi ai ha palani pau ʻa e ʻOtuá ki hoʻo moʻuí. Te Ne fakahā atu ha konga ʻo e palani ko iá ʻo ka ke fekumi ki ai ʻi he tui pea mo talangofua maʻu pē. (“How to Live Well amid Increasing Evil,” Liahona, May, 2004, 102)

ʻOku ʻi ai haʻaku taumuʻa fakalangi?

Naʻe fakamoʻoni ʻa ‘Eletā ʻĀlani T. Filipe ‘o e Kau Fitungofulύ ʻo pehē:

ʻOua naʻa taʻemahino pe ʻaiʻainoaʻia ho mahuʻinga ki hoʻo Tamai Hēvaní. Naʻe ʻikai ke ke tupukoso pē, pe taʻe ha mātuʻa, pe hoko noa pē ʻi he anga e ʻalu ʻa e taimí. ʻI he ʻi ai ʻa e palaní, ʻoku ʻi ai ʻa e taha naʻá ne fai ia.

ʻOku ʻi ai ʻa e ʻuhinga mo e taumuʻa hoʻo moʻuí. … Ko ha fānau ʻofeina koe ʻa e Tamai Hēvaní. (“ʻOku ʻAfioʻi mo ʻOfaʻi Koe ʻe he ʻOtuá,” Liahona, Nōvema 2023, 49)

Ko e hā ʻa e tomuʻa fakanofo? (Selemaia 1:5)

ʻI he maama fakalaumālie kimuʻa ʻi he māmaní, ne fokotuʻu ai ʻe he ʻOtuá ha ngaahi laumālie pau ke nau fakahoko ha ngaahi misiona pau he lolotonga ʻenau moʻui fakamatelié. ʻOku ui ʻeni ko e tomuʻa fakanofo. ʻOku ʻikai fakapapauʻi ʻe he tomuʻa fakanofó ʻe maʻu ʻe he niʻihi fakafoʻituituí ha ngaahi uiuiʻi pe fatongia pau. ʻOku hoko mai ʻa e ngaahi fatongia peheé ʻi he moʻuí ni tuʻunga ʻi hono fakaʻaongaʻi ʻo e tauʻatāina ke filí ʻi he angatonu, ʻo hangē tofu pē ko e hoko mai ʻa e tomuʻa fakanofó tuʻunga ʻi he angatonu ʻi he maama fakalaumālié. (Ngaahi Tefitó mo e Ngaahi Fehuʻí, “Tomuʻa Fakanofó,” Gospel Library)

Ko e hā te ne lava ʻo tohoakiʻi ʻeku tokangá mei hono fakahoko e ngaahi fatongia kuo foaki mai ʻe he ʻEikí kiate aú?

Naʻe akonaki ʻa ʻEletā Sione C. Pingilī ko e Siʻí ʻo e Kau Fitungofulú ʻo pehē:

ʻOku tokoniʻi kitautolu ʻe he ʻOtuá ke tau fakahoko ʻetau ngaahi ngāue fakalangí, ka ʻi he taimi tatau ʻoku feinga ʻa e filí ke tohoakiʻi mo takihalaʻi kitautolu mei ha moʻui ʻoku ʻuhingamālié.

Mahalo ʻoku hoko ʻa e angahalá ko hotau fakatūkiaʻanga lahi tahá ia, ʻokú ne taʻofi ʻetau ongoʻingofua e Laumālie Māʻoniʻoní pea fakangatangata ʻetau maʻu ha mālohi fakalaumālié. …

ʻOku toe feinga foki ʻa Sētane ke tohoakiʻi kitautolu ʻaki ʻa e ngaahi meʻa taʻeʻaongá. …

ʻIkai ngata aí, ʻoku hanga ʻe Sētane ʻo fakalotosiʻi kitautolu ʻaki ʻa e ngaahi ongoʻi taʻefeʻungá. ʻOkú ne ʻai ʻetau ngāué ke hā ngali fuʻu faingataʻa pe fakamanavahē. …

ʻE lava ke fakalotoʻi kitautolu ʻe Sētane ke tau tala ʻoku ʻikai mahuʻinga tatau ʻetau ngāué mo e ngāue ʻoku vahe ki he niʻihi kehé. ʻOku mahuʻinga ʻa e ngāue kotoa pē mei he ʻOtuá. …

ʻI he taimi ʻe ngāue ai ʻa e ʻOtuá ʻiate kitautolú, ʻe lava ke ʻahiʻahiʻi kitautolu ʻe he filí ke tau polepole ʻi haʻatau ikunaʻi ha faʻahinga meʻa. Ka neongo iá, te tau lava ʻo faʻifaʻitaki ki he loto-fakatōkilalo ʻa e Fakamoʻuí ʻo kalo mei he fakahīkihiki fakatāutahá kae fakalāngilangiʻi ʻa e Tamaí (vakai, Mātiu 5:16; Mōsese 4:2). (“ʻOku ʻi ai Haʻaku Ngāue Ke Ke Fai,” Liahona, Nōvema 2017, 34–35)

Ngaahi ʻEkitivitī Fakalahi ki he Akó

“Vakai, ʻoku ʻikai te u faʻa lea: he ko e tamasiʻi au” (Selemaia 1:6)

ʻI he taimi ʻe niʻihi, mahalo te tau ongoʻi taʻefeʻunga ki he ngaahi fatongia ʻoku ʻomi ʻe he ʻEikí kiate kitautolú. Fakakaukau ke fai ʻeni ke tokoni ki he kau akó ke nau vakai ki ha ngaahi sīpinga kehe ʻi he folofolá ʻo ha niʻihi fakafoʻituitui, hangē ko Selemaiá, naʻa nau ongoʻi taʻetaau ke fai ʻa e meʻa naʻe kole ange ʻe he ʻEikí ke nau faí.

Hili e ʻilo ʻa e kau akó ki he ongo naʻe maʻu ʻe Selemaia ʻi he Selemaia 1:6 ʻi hono ui ia ʻe he ʻEikí ke hoko ko e palōfitá, fakaafeʻi e kau akó ke fakafekauʻaki pe fakafehokotaki ʻa e veesi 6 mo e ʻEkesōtosi 4:10–12 mo e Mōsese 6:31–34.

Fakaafeʻi leva ʻa e vaeua ʻo e kalasí ke nau lau ʻa e ʻEkesōtosi 4:10–12 kae lau ʻe he vaeua ʻe tahá ʻa e Mōsese 6:31–34. ʻE lava ke ʻiloʻi ʻe he kau akó pe ko hai naʻe ui ʻe he ʻEikí mo e meʻa naʻá Ne talaʻofa ke fai ke tokoniʻi kinautolu ʻi honau fatongiá.

Te ke lava ʻo fakamahinoʻi ange naʻe fakatou fakakaukau ʻa Selemaia (“tamasiʻi,” Selemaia 1:6) mo ʻĪnoke (“tamasiʻi,” Mōsese 6:31) ʻokú na kei siʻi mo taʻetaukei ʻi he taimi naʻá na maʻu ai e ui mei he ʻEikí. Hili iá, ʻe lava ke ʻiloʻi ʻe he kau akó ha ngaahi tūkunga (hangē ko hono tataki ʻo e niʻihi kehé, ngāue fakafaifekau, ngāue fakaetauhi, lea ʻi he lotú) ʻa ia ʻe ala pehē ai ʻe ha toʻu tupu, “He ʻikai ke u lava ʻo fai ia. ʻOku ou fuʻu kei siʻi.” Fehuʻi ange leva:

ʻE tokoniʻi fēfē koe ʻe he faleʻi ʻa e ʻEikí ʻi he ngaahi potufolofola ko ʻení ke ke fakahoko ʻa e ngaahi fatongia kuó Ne tuku atu kiate koé?

Ko hono tānaki fakataha ʻo ʻIsilelí—“ko e misiona naʻe fekauʻi mai ai koe ki māmaní”

Naʻe akoʻi ʻe Palesiteni Lāsolo M. Nalesoni ki he toʻu tupu ʻo e Siasí, ʻoku kau ʻa hono tānaki ʻo ʻIsilelí ʻi honau misiona fakalangi ʻi he māmaní. Ke tokoni ke mahino ki he kau akó honau fatongia fakalangi ʻi he tānaki ko ʻení, fakakaukau ke mamata ʻi he “ʻAmanakiʻanga ʻo ʻIsilelí” mei he taimi 32:40 ki he 33:36 pea mei he taimi 39:35 ki he 40:06.

61:35

ʻE lava ke fakalaulauloto ʻa e kau akó ki he ngaahi meʻafoaki fakalangi mo e ngaahi talēniti kuo nau maʻu mei he ʻEikí ʻe lava ʻo tokoni ke nau kau kakato ange ki hono tānaki ʻo ʻIsilelí. Poupouʻi kinautolu ke kumi ha ngaahi founga ke fakaʻaongaʻi ai honau ngaahi meʻafoaki fakalangí ke tokoniʻi e niʻihi kehé ke nau haʻu kia Kalaisi pea fakahoko ha ngaahi fuakava mo Ia.

“ʻOku ou ʻai ʻeku ngaahi leá ki ho ngutú” (Selemaia 1:9)

Kapau ʻe tokoni ki he kau akó ke fakatupulaki ʻenau loto-holi ke muimui ki he ngaahi lea ʻa e kau palōfita ʻa e ʻOtuá, fakakaukau ke fai ʻa e ʻekitivitī ko ʻení. Fakaafeʻi e kau akó ke lau ʻa e Selemaia 1:9, ʻo kumi e meʻa naʻe folofola ʻaki ʻe he ʻEikí fekauʻaki mo e ngaahi lea ʻa Selemaiá. Te ke lava ʻo fakaafeʻi kinautolu ke fakafekauʻaki pe fakafehokotaki ʻa e veesi ko ʻení mo e Tokāteline mo e Ngaahi Fuakava 1:38. Fai ange leva e fehuʻi ko ʻení ki he kau akó:

Ko e hā naʻá ke ako mei he ongo veesi ko ʻení?

Hili iá ʻe lava ke fekumi e kau akó ʻi he ngaahi akonaki mei he konifelenisi lahi fakamuimuitahá, ʻo kumi e meʻa ʻoku akoʻi ʻe he palōfitá he ʻaho ní. ʻE lava ke vahevahe ʻe he kau akó ʻa e founga ʻe lava ai ʻe hono ʻiloʻi pe ko hai naʻá ne ueʻi fakalaumālie e ngaahi lea ʻa e palōfitá, ʻo liliu ʻenau loto-fiemālie ke muimui kiate kinautolú.