Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Selemaia 16: “Te u Toe ʻOmi ʻa Kinautolu”

“Selemaia 16: ‘Te u Toe ʻOmi ʻa Kinautolu,’” Fuakava Motuʻá – Tohi Lēsoni ʻa e Faiako Seminelí (2026)

“Selemaia 16: ‘Te u Toe ʻOmi ʻa Kinautolu,’” Fuakava Motuʻá – Tohi Lēsoni ʻa e Faiako Seminelí

Selemaia 1–3; 7; 16–18; 20: Lēsoni 132

Selemaia 16

“Te u Toe ʻOmi ʻa Kinautolu”

Men and women sharing the book of Mormon with another person as they walk.

ʻOku kole mai ʻa e Fakamoʻuí ke tau kau ʻi he ngāue maʻongoʻonga taha ʻi he māmaní he ʻaho ní: ko hono tānaki fakataha ʻo ʻIsilelí, ʻa ia ʻoku kau ai hono vahevahe ʻEne ongoongoleleí. ʻOku fuʻu mahuʻinga fau hono tānaki fakataha ʻo ʻIsilelí naʻe ueʻi fakalaumālie ai ʻe he Fakamoʻuí ʻa e kau palōfita ʻo e kuonga muʻá hangē ko Selemaiá ke nau kikiteʻi ia ʻi he taʻu ʻe lauiafe kuo hilí. ʻE lava ke tokoni ʻa e lēsoni ko ʻení ke kau ʻa e kau akó ʻi hono tānaki fakataha ʻo ʻIsilelí ʻaki hono vahevahe ʻa e ongoongolelei ʻo Sīsū Kalaisí.

Teuteu ʻa e tokotaha akó: Fakaafeʻi e kau akó ke nau fakalaulauloto ki ha ngaahi hohaʻa ʻe ala maʻu ʻe he toʻu tupu ʻo e Siasí ʻi hono vahevahe e ongoongolelei ʻa e Fakamoʻuí mo e ngaahi founga ke ikunaʻi ai e ngaahi hohaʻa ko iá. Te nau lava ʻo teuteu ke vahevahe ʻenau ngaahi fakakaukaú mo e kalasí.

Ngaahi ʻEkitivitī Ako ʻOku Ala Fakahokó

Ko e mālohi ʻo e Fakamoʻuí

Fakakaukau ke kamata e kalasí ʻaki hono tuku ke aleaʻi ʻe he kau akó e fehuʻi ko ʻení. Kapau te nau fiemaʻu tokoni, te ke lava ʻo fakamanatu kiate kinautolu ʻa e ngaahi mana kuo nau ako ʻi he Fuakava Motuʻá. (Mahalo naʻa fiemaʻu ke nounou pē ʻa e fealēleaʻaki ko ʻení koeʻuhí ke mou maʻu ha taimi feʻunga ki he lēsoní.)

ʻOkú ke pehē ko e hā ha niʻihi ʻo e ngaahi mana maʻongoʻonga taha ʻa e ʻOtuá pe ko hano fakahaaʻi ʻo e mālohí?

Kapau naʻe ʻikai talaatu ʻe he kau akó hono fakamavaeuaʻi ʻo e Tahi Kulokulá, fakakaukau ke fakaʻaliʻali ha fakatātā ʻo Mōsese mo e Tahi Kulokulá. Fakamatalaʻi ange naʻe fakaofo ʻaupito ʻa e meʻa ko ʻeni naʻe hokó pea naʻe laui senituli ʻa e fakamatala ki ai ʻa e kakaí ʻi heʻenau akoʻi fekauʻaki mo e mālohi māfimafi ʻo e Fakamoʻuí (vakai, Hepelū 11:29; 1 Nīfai 4:2; Hilamani 8:11).

Fakakaukau ki he ngaahi mana fakaofo kuo fakahoko ʻe he ʻOtuá ʻi he kuohilí ʻi hoʻo lau ʻa e lea ko ʻeni meia Palesiteni Lāsolo M. Nalesoní:

ʻOku [hanganaki mei] muʻa ha ngaahi meʻa fakaʻofoʻofa lahi. ʻI he ngaahi ʻaho ka hoko maí, te tau mamata ai ʻi he ngaahi fōtunga maʻongoʻonga taha ʻo e mālohi ʻo e Fakamoʻuí kuo faifaiangé pea mātā ia ʻe māmani. (“Ikuʻi ʻa Māmani mo Maʻu ha Fiemālie,” Liahona, Nōvema 2022, 95)

Lau ʻa e Selemaia 16:14–15, ʻo kumi ha meʻa ʻe fai ʻe he Fakamoʻuí ʻi he ngaahi ʻaho fakaʻosí ʻa ia ʻe toe maʻongoʻonga ange ʻi Heʻene fakahaofi ʻa ʻIsileli mei ʻIsipité.

Ko e hā e meʻa naʻá ke ʻiló?

Kapau ʻoku fiemaʻu tokoni e kau akó, te ke lava ʻo fakamatalaʻi ange naʻe kikiteʻi ʻe Selemaia ʻi he ngaahi veesi ko ʻení hono tānaki fakataha ʻo ʻIsileli ʻi he ngaahi ʻaho kimui ní.

ʻO ka fiemaʻu, fakamatalaʻi ange naʻe akoʻi ʻe Palesiteni Nalesoni ʻoku ʻuhinga ʻa hono tānaki fakataha ʻo ʻIsilelí ki hono “foaki e ongoongolelei ʻo Sīsū Kalaisí ki he fānau ʻa e ʻOtuá ʻi he ongo tafaʻaki ʻo e veilí” (ʻi he Russell M. Nelson mo Wendy W. Nelson, “ʻAmanakiʻanga ʻo ʻIsilelí“ [fakataha lotu fakaemāmani lahi ʻa e toʻu tupú, 3 Sune 2018], Gospel Library). ʻE nofotaha ʻa e lēsoni ko ʻení ʻi hono tānaki fakataha ʻo ʻIsileli ʻi he tafaʻaki ko ʻeni ʻo e veilí.
ʻI hoʻo fakakaukau ki he palani ʻa e ʻOtuá maʻa ʻEne fānaú, ko e hā ʻe hoko ai hono tānaki fakataha ʻo ʻIsilelí ko ha mana lahi ange ʻi hono fakahaofi ʻo ʻIsileli mei ʻIsipité?

Fakalaulauloto ki hoʻo ngaahi fakakaukau fekauʻaki mo e ngaahi fehuʻi ko ʻení:

ʻOku mahuʻinga nai kiate koe hono tānaki fakataha ʻo ʻIsilelí? Ko e hā hono ʻuhingá?
ʻOku fēfē hoʻo ongo ʻi hoʻo kau ki aí?

Hangē ko ia naʻe fakahoko ʻe he Fakamoʻuí ʻia Mōsesé, te Ne lava ʻo fakahaaʻi Hono mālohi fakaofó ʻo fakafou ʻiate koe ʻi hoʻo kau ki hono tānaki fakataha ʻo ʻIsilelí. ʻI hoʻo ako ʻa e Selemaia 16 he ʻaho ní, tokanga ki ha faʻahinga ongo pē ʻokú ke maʻu mei he Laumālie Māʻoniʻoní. Fakalaulauloto ki he founga ʻe lava ke fakaʻaongaʻi ai koe ʻe he Fakamoʻuí ʻi he tānaki maʻongoʻonga ko ʻení.

Ko hono fakamoveteveteʻí mo e tānaki fakatahá

Naʻe ueʻi ʻe he ʻEikí ʻa Selemaia ʻi he Selemaia 16:10–18, ke kikiteʻi ʻa e fakaʻauha ʻo e kau ʻIsilelí, ʻa ia naʻe hoko koeʻuhí ko ʻenau angatuʻú. Naʻe akoʻi kinautolu ʻe he ʻEikí “[naʻe] ʻikai fakafufū ʻenau angahalá mei [Hono] fofongá” (veesi 17) pea te Ne ʻomi kiate kinautolu ha tautea ʻo kapau ʻe hokohoko atu ʻenau angatuʻú.

Lau ʻa e Selemaia 16:13, ʻo kumi e ngaahi nunuʻa ʻe aʻusia ʻe he kakai ʻIsilelí koeʻuhí ko ʻenau faiangahalá.

Tokoni ke mahino ki he kau akó naʻe kikiteʻi ʻe Selemaia ʻe fakamoveteveteʻi ʻe he ʻOtuá ʻa e kakai ʻIsileli ʻi Selusalemá ki ha ngaahi fonua kehekehe koeʻuhí ko ʻenau angatuʻú. Naʻe fakahoko ʻeni ʻi he taimi naʻe ʻave pōpula ai ha kakai ʻIsileli tokolahi ki Pāpiloné. Lolotonga e taimi ko ʻení, naʻe toe fakamoveteveteʻi foki ʻe he ʻEikí ha niʻihi angatonu, hangē ko Līhai mo hono fāmilí, ʻa ia naʻe tataki ki he konitinēniti ʻo ʻAmeliká ke maluʻi ʻenau moʻuí mei he kakai faiangahalá (vakai, 2 Nīfai 10:20–21).

Naʻe kikiteʻi ʻe Selemaia ʻi he Selemaia 16:14–15, ʻe fakahā ʻe he Fakamoʻuí ʻi he ngaahi ʻaho kimui ní Hono mālohi ke tānaki fakataha ʻa ʻIsileli kiate Ia mo Hono Siasí.

Fakakaukau ke fakaafeʻi e kau akó ke nau aleaʻi ʻeni mo ha hoa pe ʻi ha kulupu tokosiʻi.

Lau ʻa e Selemaia 16:16, ʻo kumi e ngaahi fakafehoanaki naʻe fai ʻe he ʻEikí fekauʻaki mo e kakai ʻoku nau tokoni ki hono tānaki ʻo ʻIsilelí.

Ko e hā nai ha ʻuhinga ʻe hoko ai ʻa e toutaí mo e tulimanú ko ha fakafehoanaki lelei ki he kakai ʻoku tokoni ki hono tānaki fakataha ʻo ʻIsilelí?
Ko e hā ʻokú ke ako fekauʻaki mo hotau fatongia ʻi hono tānaki fakataha ʻo ʻIsilelí?

Fakataha mo ha ngaahi moʻoni kehe ʻe ala vahevahe ʻe he kau akó, tokoni ke nau ʻiloʻi ʻoku ui kitautolu ʻe Sīsū Kalaisi ke tau kumi ʻa ʻIsileli kuo fakamoveteveteʻí pea fakafoki mai kinautolu kiate Ia.

Naʻe akoʻi ‘e ʻEletā Lainolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e meʻá ni fekauʻaki mo e tānaki fakataha maʻongoʻonga ko ʻení:

13:48

Ko e tānakí ʻa e fakalāngilangi taupotu ko ia “ʻoku mahuʻinga lahi ʻa e ngaahi laumālié ʻi he ʻao ʻo e ʻOtuá” [Tokāteline mo e Ngaahi Fuakava 18:10]. ʻOku faingofua pehē ia. ʻOku tau tānaki ʻa e fānau ʻa e ʻOtuá ʻi he ngaahi ʻaho fakaʻosí ni ke lava ʻo “lilingi hifo ha ngaahi tāpuaki lahi ki honau ʻulú” [3 Nīfai 10:18] pea mo e ngaahi talaʻofa ʻo e “ngaahi koloa ʻo e taʻengatá” [Tokāteline mo e Ngaahi Fuakava 78:18]. ʻOku mahino, ke tānaki fakataha ʻa ʻIsilelí ʻoku tau fiemaʻu ha kau faifekau. (“ʻE Lahi Pehē Fau ʻa Hoʻomou Fiefiá,” Liahona, Nōvema 2023, 52)

Ko e hā ʻoku akoʻi atu ʻe he fakamatala ʻa ʻEletā Lasipení ʻo kau ki he Tamai Hēvaní mo Sīsū Kalaisí?

Ko e kau ʻi he tānaki fakatahá

ʻE lava ke ʻomi ʻe he kau akó ha ngaahi tali ki he fehuʻi ko ʻení. Fakakaukau ke fakaafeʻi ha tokotaha ako ke hiki e ngaahi tali ko ʻení ʻi he palakipoé.

Ko e hā ha ngaahi hohaʻa ʻe ala maʻu ʻe he toʻu tupu ʻo e Siasí fekauʻaki mo hono vahevahe ʻo e ongoongolelei ʻa e Fakamoʻuí mo hono tānaki fakataha ʻo ʻIsilelí?

Ke tokoni ke tali ʻe he kau akó ʻa e ngaahi hohaʻa ko ʻení, fakakaukau ke fakaʻaliʻali ʻa e ngaahi fakahinohino ʻi laló.

Te ke lava ʻo fokotuʻutuʻu ʻa e kau akó ki ha fanga kiʻi kulupu iiki, pea ngāue ʻa e tokotaha ako takitaha ʻi ha fili fakaako kehe. ʻI heʻenau ʻosí, te nau lava ʻo feakoʻiʻaki ʻa e meʻa ne nau akó.

Fili ha taha ʻo e ngaahi fili fakaako ko ʻení. Teuteu ke vahevahe pe ko e fē ngaahi hohaʻa ʻokú ke ongoʻi ʻoku lelei taha hono ʻomi ʻi he potufolofolá pea mo hono ʻuhingá.

Lau ʻa e Selemaia 1:6–9, ʻo kumi e meʻa ne folofola ʻaki ʻe he ʻEikí ʻi he taimi naʻá Ne ui ai ʻa Selemaia ke vahevahe e ongoongoleleí.
Lau ʻa e Tokāteline mo e Ngaahi Fuakava 123:12, 16–17, ʻo kumi e meʻa naʻe akoʻi ʻe Siosefa Sāmita ki he fuofua Kāingalotú ʻoku fekauʻaki mo hono vahevahe ʻo e ongoongoleleí.
Lau ʻa e Mōsese 6:32–34, ʻo kumi e meʻa naʻe folofola ʻaki ʻe he ʻEikí ʻi he taimi naʻá Ne ui ai ʻa ʻĪnoke ke ne vahevahe ʻa e ongoongoleleí.
Kumi ha potufolofola kehe ʻokú ke ongoʻi ʻoku tokoni ki ha taha ʻo e ngaahi hohaʻa ʻi he palakipoé.

ʻE lava ke aleaʻi ʻe he kau akó e ngaahi fehuʻi ko ʻení ko ha kalasi pe ʻi ha ngaahi hoa pe kulupu iiki.

ʻI hoʻo ako mo feinga ke fakaleleiʻi ha hohaʻa ʻi he palakipoé, ko e hā naʻá ke ako fekauʻaki mo e Fakamoʻuí?
ʻE liliu fēfē nai ʻe he meʻa naʻá ke ako fekauʻaki mo Iá hoʻo loto-holi ke vahevahe ʻEne ongoongoleleí mo e niʻihi kehé?

Faʻu ha palani

Ko e hā ha ngaahi aʻusia kuó ke ʻilo ai pe ko ha kakai ʻokú ke ʻilo ʻi hono vahevahe e ongoongolelei ʻo e Fakamoʻuí mo e niʻihi kehé?

Mahalo te ke fie vahevahe ha faʻahinga aʻusia kuó ke maʻu. Fakaʻaliʻali leva ʻa e fakamatala ko ʻení ke lava ʻa e kau akó ʻo vakai ki ai ʻi heʻenau faʻu ʻenau palaní.

Naʻe fakahoko ʻe Palesiteni Lāsolo M. Nalesoni ʻa e fakaafe ko ʻení:

ʻOku ʻikai ha meʻa ʻoku hoko ʻi he māmani ko ʻení ʻe toe mahuʻinga ange ka ko hono tānaki ʻo ʻIsileli Maʻaná. Tuku ke ʻiloʻi ʻe hoʻo Tamai Hēvaní ʻokú ke fie tokoni. Kole kiate Ia ke ke ngāue ʻi he ngāue nāunauʻiá ni. (“Ngaahi Fili ki he Taʻengatá” [fakataha lotu fakaemāmani lahi maʻá e kakai lalahi kei talavoú, 15 Mē 2022], Gospel Library)

Faʻu ha palani fakataautaha ʻi hoʻo tohinoa akó ki hono vahevahe ʻo e ongoongolelei ʻa e Fakamoʻuí mo e niʻihi kehé. Kimuʻa pea fakahoko ʻa e palani ko ʻení, te ke lava ʻo muimui ki he fakaafe ʻa Palesiteni Nalesoní ʻaki haʻo fakahaaʻi ʻi he faʻa lotu hoʻo ngaahi holi ke tokoni ki hono tānaki fakataha ʻo ʻIsileli maʻá e Tamai Hēvaní.

Fakakaukau ke fakakau ʻi hoʻo palaní ha faʻahinga ongo mei he Laumālie Māʻoniʻoní naʻá ke maʻu. Hangē ko ʻení, ʻe lava ke ke fakakau ai pe ko hai te ke fie vahevahe ki ai e ongoongoleleí, hangē ko e niʻihi fakafoʻituitui ʻoku ʻikai ke nau mēmipa ʻi he Siasí pe ʻoku ʻikai ke nau mālohi ʻi he Siasí. Fakakaukau foki ke fakakau ʻa e founga mo e taimi te ke lava ʻo vahevahe ai mo kinautolú.

Fakakaukau ke fakaʻosi ʻaki hoʻo ngaahi ongo fekauʻaki mo e Fakamoʻuí pea mo e tokoni ke ʻomi ʻa e ngaahi laumālié kiate Iá.

Ngaahi Maʻuʻanga Tokoni Kehé

Ko e hā hono mahuʻinga ʻo hono tānaki fakataha ʻo ʻIsilelí?

Naʻe fakamatala ʻe Palesiteni Lāsolo M. Nalesoni ʻo pehē:

Naʻe ʻomi kimoutolu … ki he māmaní ʻi he kuonga koʻení … ke tokoni ki hono tānaki ʻo ʻIsilelí. ʻOku ʻikai ha toe meʻa ʻoku hoko ʻi he māmaní he taimí ni ʻe toe mahuʻinga ange ai. …

ʻOku totonu ke hoko ʻa e tānaki fakataha ko ʻení ko e meʻa kotoa pē kiate koe. (ʻi he Russell M. Nelson mo Wendy W. Nelson, “ʻAmanakiʻanga ʻo ʻIsilelí” [fakataha lotu fakamāmani lahi ʻa e toʻu tupú, 3 Sune 2018], Gospel Library)

Ko e hā hotau fatongia ʻi hono tānaki fakataha ʻo ʻIsilelí?

Naʻe vahevahe ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá:

14:48

ʻOku toe mahino lelei ange ki he kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa ʻenau maʻu ha faingamālie ʻo e ʻofá, vahevahé, fakaafé, mo tokoni ki hono tānaki ʻo ʻIsilelí, ke maʻu ʻa e kakato ʻo e ngaahi tāpuaki ʻi he fuakava ʻa e ʻEikí. … “ʻE hokohoko atu e tānaki ko ʻení kae ʻoua kuo fakatahaʻi e kau angatonú ki he haʻofanga ʻo e Kāingalotu ʻi he ngaahi puleʻanga ʻo e māmaní” (Spencer W. Kimball, The Teachings of Spencer W. Kimball, 438). (“Tānaki ke Malu ki ʻApi,” Liahona, Mē 2023, 22)

Ko e hā ha ngaahi tāpuaki te tau lava ʻo maʻu mei hono vahevahe e ongoongolelei ʻa Sisu Kalaisí?

Naʻe pehē ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá:

14:48

Kātaki ʻo ʻiloʻi ʻoku ʻi ai ʻa e ngaahi tāpuaki fakaʻofoʻofa ʻi hono vahevahe atu ʻa e ongoongolelei ʻo Sīsū Kalaisí. ʻOku fakamatala ʻa e folofolá ki he fiefiá mo e melinó, fakamolemoleʻi ʻo e angahalá, maluʻi mei he ngaahi fakatauelé, mo e ivi tokoni mei he ʻOtuá. ʻI he hili ʻa e moʻui ko ʻení, te tau mateuteu ke vahevahe ʻa e ongoongoleleí mo kinautolu “ʻi he fakapoʻulí pea nau kei haʻisia ʻi he angahalá ʻi he fuʻu maama lahi fau ʻo e ngaahi laumālie ʻo e kau pekiá” [Tokāteline mo e Ngaahi Fuakava 138:57]. (“Tānaki ke Malu ki ʻApi,” Liahona, Mē 2023, 23)

Ngaahi ʻEkitivitī Fakalahi ki he Akó

Ngaahi fakakaukau ki hono vahevahe ʻo e ongoongoleleí

Ke tokoni ke fakatupu ʻe he kau akó ha ngaahi fakakaukau ki hono vahevahe ʻo e ongoongoleleí, te ke lava ʻo fakaafeʻi kinautolu ke fekumi ʻi he share.ChurchofJesusChrist.org.

Selemaia 17. Tauhi ʻo e ʻAho Sāpaté

Kapau ʻokú ke pehē ʻe ʻaonga ki he kau akó hono aleaʻi e tauhi ʻo e ʻaho Sāpaté, fakaafeʻi kinautolu ke lau ʻa e Selemaia 17:21–27, ʻo fakaʻilongaʻi ʻa e ka mo e ʻe. Hili iá, te ke lava ʻo fakaafeʻi e kau akó ke vahevahe ʻa e ngaahi talaʻofa ʻa e ʻEikí kapau naʻe tauhi ʻe he kakai ʻIsilelí ʻa e ʻaho Sāpaté ke māʻoniʻoni pea mo e ngaahi nunuʻa kovi kapau te nau fili ke liʻaki iá.

Hili iá, te ke lava ʻo fakaafeʻi e kau akó ke vahevahe ʻa e ngaahi tefitoʻi moʻoni naʻa nau ako fekauʻaki mo hono tauhi ʻo e ʻaho Sāpaté ke māʻoniʻoní. Mahalo te nau fakaʻaongaʻi ha ngaahi lea kehe, ka ke tokoni ke nau ʻiloʻi ʻa e tefitoʻi moʻoni ko ʻení: Kapau te tau tauhi ʻa e ʻaho Sāpaté ke māʻoniʻoni, ʻe maluʻi kitautolu ʻe he ʻEikí mo tokoni ke tau tuʻumālie. Hili iá, ʻe lava ke vahevahe ʻe he kau akó ha ngaahi aʻusia mei heʻenau moʻuí ʻoku nau fakamoʻoni ki hono moʻoni ʻo e tefitoʻi moʻoni ko ʻení.

Selemaia 18–19. ʻUmea ʻi he toʻukupu ʻo e ʻEikí

Ke tokoni ke mahino ki he kau akó ʻoku finangalo lelei mo malava ʻe he ʻEikí ke liliu ʻetau moʻuí, fakakaukau ke ʻomi ha ʻumea molū. Fakaafeʻi ha tokotaha ako ke ne faʻu fakavavevave ha kiʻi poulu mei he ʻumeá. Hili iá, te ke lava ʻo ʻeke ki he tokotaha akó pe ko e hā te ne lava ʻo fai kapau ʻoku ʻikai ke ne saiʻia ʻi he kiʻi poulu naʻá ne toki faʻú. Fakaafeʻi leva e tokotaha akó ke toe kamata foʻou ʻo faʻu ha poulu ʻe taha.

Fakaafeʻi e kau akó ke lau ʻa e Selemaia 18:1–6, ʻo kumi e founga ʻoku fekauʻaki ai e lēsoni fakataumuʻa ko ʻení mo e pōpoaki ʻa e ʻEikí ki he kakai ʻIsilelí. Fakakaukau ke ʻeke ha ngaahi fehuʻi hangē ko ʻení:

ʻOku ʻuhinga ki he hā ke hoko ko ha ʻumea ʻi he toʻukupu ʻo e ʻEikí?
ʻOkú ke pehē ko e ʻuhinga ki he hā ʻa e oʻi mo fakaleleiʻi ʻe he ʻEikí?

Tokoni ke ʻiloʻi ʻe he kau akó ha moʻoni hangē ko ʻení: Kapau te tau fili ke fakatomala, ʻe lava ke oʻi mo toe fakaleleiʻi ʻe he ʻEikí ʻetau moʻuí.

Fakamatalaʻi ange naʻe fakafīsingaʻi ʻe he kau Siú ʻa e ngaahi lea ʻa Selemaiá (vakai, Selemaia 18:11–12). Fakaafeʻi e kau akó ke lau ʻa e Selemaia 19:1–2, 10–11, ʻo kumi e meʻa naʻe folofola ʻa e ʻEikí ʻe hoko koeʻuhí naʻe ʻikai tali ʻe he kau Siú ʻEne fakaafe ke fakatomalá.

Hili iá, ʻe lava ke vahevahe ʻe he kau akó ha ngaahi founga kuo nau mamata ai ki hono oʻi pe fakaleleiʻi ʻe he ʻOtuá ʻenau moʻuí pe ko e moʻui ʻa ha niʻihi kehe ʻoku nau ʻilo.

Selemaia 20:7–9. Ko hono vahevahe ʻo e ongoongoleleí—neongo ʻene faingataʻá

Fakakaukau ke tānaki atu ʻa e founga ako ko ʻení ʻi he konga “Kau ʻi he tānaki” ʻo e lēsoní. Te ke lava ʻo ʻuluaki fakamatalaʻi ange naʻe fakafisingaʻi fakahāhā ʻa e ongoongoleleí ʻe ha kakai tokolahi ʻi he kuonga ʻo Selemaiá. Naʻe fehangahangai ʻene ngaahi feinga ke vahevahe ʻa e ongoongoleleí mo e fakamamahí mo e manukí (vakai, Selemaia 20:7–8). ʻE ala tokoni foki ke fakamatalaʻi ange ʻoku ʻuhinga ʻa e foʻi lea “taʻofí” ki he kiʻi mālōlō, fakatoloi, pe tuku; ʻoku ʻuhinga ʻa e foʻi lea “fakalongo pē” ʻi he tūkunga ko ʻení ke taʻofi pe tuʻu maʻu.

Lau ʻa e Selemaia 20:9, ʻo kumi ʻa e ʻuhinga naʻe hokohoko atu ai e talanoa ʻa Selemaia fekauʻaki mo e Fakamoʻuí mo ʻEne ongoongoleleí, neongo naʻe ʻahiʻahiʻi ia ke taʻofi koeʻuhí naʻe ʻikai tali ʻe he kakaí ʻa ʻene pōpoakí.

Ko e ola ʻe lava ke maʻu ʻe ha taha

Fakakaukau ke huluʻi ʻa e foʻi vitiō “Inviting All to Come unto Christ: Sharing the Gospel” (4:30) hili ʻa e ʻekitivitī ako ʻi he konga “Kau ʻi he tānaki” ʻo e lēsoní. Te ke lava ʻo fakaafeʻi e kau akó ke kumi e ola ʻe lava ke maʻu ʻe ha taha ʻi heʻene ngāue ke tānaki fakataha ʻa ʻIsilelí, ʻo aʻu ki he taimi ʻe ala faingataʻa aí.

4:23