Գնահատեք ձեր գիտելիքները 4

• Սպորտից կամ կյանքից ի՞նչ օրինակներ կարող եք բերել, երբ ձեր շարժման ուղղությունը ավելի կարևոր է, քան արագությունը:

Յոթանասունից երեց Լարի Ռ. Լոուրենսն ուսուցանել է մեր հոգևոր աճի մասին:

Մեր Երկնային Հայրը գիտի մեր աստվածային ներուժի մասին: Նա ամեն անգամ ուրախանում է, երբ մենք մի քայլ առաջ ենք շարժվում։ Նրա համար շատ ավելի կարևոր է մեր շարժման ուղղությունը, քան արագությունը։

Եղբայրներ և քույրեր, եղեք հետևողական, սակայն երբեք մի հուսահատվեք։ («Էլ ի՞նչ բանով եմ պակաս» Լիահոնա, նոյեմբեր 2015, 35)

• Ձեր կարծիքով, ինչո՞ւ է մեր հոգևոր աճի ուղղությունն ավելի կարևոր մեր Երկնային Հոր համար, քան մեր արագությունը:

  Որոշ ուսանողների համար կարող է դժվար լինել տեսնել իրենց հոգևոր աճը: Բացատրեք, որ խորհելն այն մասին, թե որտեղ ենք մենք հիմա՝ համեմատած նախկինի հետ, կարող է օգնել մեզ տեսնել մեր հոգևոր աճը, նույնիսկ եթե մեր առաջընթացը չնչին է։ Ուսանողները կարող են հիշել, թե ինչ են սովորել Փրկչի մասին, ինչ արդարակյաց սովորություններ են իրենք զարգացնում կամ ինչպես են ձգտում ապրել Հիսուս Քրիստոսի նման:

  Կարող եք ուսանողներին մի քանի րոպե տալ՝ վերանայելու իրենց ուսումնասիրության օրագիրը կամ սուրբ գրությունների նշումները: Նրանք կարող են փնտրել, թե ինչ են գրել Փրկչի մասին, հոգևոր տպավորություններ, գաղափարներ կամ ծրագրեր են գրել, որոնցով ցանկանում էին գործել:

  Ուսանողներին առաջարկեք կիսվել իրենց գտածով: Այնուհետև առաջարկեք նրանց իրենց ուսումնական օրագրերում պատասխանել հետևյալ հարցերին.

• Ուսումնական տարվա սկզբից ի՞նչ աճ կամ առաջընթաց նկատեցիք Հիսուս Քրիստոսին հետևելու ձեր ջանքերում:

• Ի՞նչ եք սովորել կամ կիրառել Հին Կտակարանի ձեր ուսումնասիրությունից:

Այսօր ձեր գիտելիքները գնահատելիս բաց եղեք Սուրբ Հոգու տպավորությունների համար, որոնք կօգնեն ձեզ տեսնել ձեր հոգևոր աճը Հիսուս Քրիստոսին հետևելու գործընթացում՝ նույնիսկ եթե դուք ընդամենը մեկ քայլ եք առաջ գնացել:

• Ի՞նչ է ուսուցանում Հիսուս Քրիստոսի մասին ձողի վրա կանգնեցված պղնձե օձի խորհրդանիշը։

• Ինչպե՞ս է Քրիստոսն իրականացնում այդ նույն դերը մեր կյանքում:

  Ուսանողները կարող են նշել, որ Փրկիչը զորություն ունի մեզ բժշկելու ոչ միայն ֆիզիկական հիվանդություններից, այլև հոգևոր դժվարություններից, օրինակ՝ անհավատությունից կամ կարծրասրտությունից: Եթե ​​օգտակար կլինի, հիշեցրեք ուսանողներին, որ Դաս 57. «Թվեր 21»-ում նրանք սովորեցին, որ պղնձե օձի խորհրդանիշը ուսուցանում է մեզ, որ եթե մենք հավատքով նայենք Փրկչին, Նա կբժշկի մեզ:

  Կարող եք ուսանողներին մեկ այլ հնարավորություն տալ՝ բացատրելու Հին Կտակարանի այլ խորհրդանիշներ, որոնք մեր մտքերն ուղղում են դեպի Հիսուս Քրիստոսի դերերն ու առաքելությունը: Այս բաժնի մնացած մասում քննարկվում է, թե ինչպես կարող եք դա անել:

• Հիսուս Քրիստոսի ի՞նչ այլ նախատիպեր կամ խորհրդանիշներ եք հիշում Հին Կտակարանի ձեր ուսումնասիրությունից:

Հին Կտակարանից ընտրեք Հիսուս Քրիստոսի նախատիպերից կամ խորհրդանիշներից մեկը և բացատրեք հետևյալը.

1. Ի՞նչ է ձեզ ուսուցանել այդ նախատիպը կամ խորհրդանիշը Հիսուս Քրիստոսի մասին:

2. Ինչպես է Հիսուս Քրիստոսը կատարում այդ դերը մեր կյանքում:

• Ի՞նչ բաներ կամ ո՞ր մարդկանց եք դուք սիրում: Ի՞նչ եղանակներով կարող եք ցույց տալ, թե որքան եք սիրում այդ բաները կամ այդ մարդկանց:

Կարդացեք Բ Օրենք 6․4–6 հատվածները՝ փնտրելով, թե մենք ինչպես պետք է սիրենք Երկնային Հորը և Հիսուս Քրիստոսին:

• Ինչպե՞ս կարող եք դա նշել սրտի նկարի վրա:

Ստորև թվարկվածներից ի՞նչն է վերջին շրջանում ազդել Երկնային Հոր և Հիսուս Քրիստոսի հանդեպ ձեր սիրո վրա.

• Փորձառություննե՞րը ձեր կյանքից կամ ուրիշների կյանքից:

• Սուրբ գրություննե՞րը, որոնք դուք վերջերս ուսումնասիրել եք անհատապես, ձեր ընտանիքի հետ, եկեղեցում կամ սեմինարիայում:

Խորհեք ձեր ներկայիս զգացմունքների մասին Երկնային Հոր և Հիսուս Քրիստոսի հանդեպ՝ հետևյալ հարցերի օգնությամբ.

• Ձեր կարծիքով, անցած մի քանի շաբաթվա ընթացքում ձեր սերը Երկնային Հոր և Հիսուս Քրիստոսի հանդեպ աճե՞լ է, նվազե՞լ, թե՞ մնացել է նույնը:

• Ի՞նչն է ազդել Նրանց հանդեպ ձեր զգացմունքների վրա:

• Ինչպե՞ս կարող եք ձգտել սիրել Նրանց ձեր ողջ սրտով, հոգով և կարողությամբ:

Խորհեք ձեր առաջընթացի մասին՝ պատասխանելով հետևյալ հարցերին ձեր ուսումնական օրագրում․

• Ի՞նչ արդյունքի եք հասել այս պատվիրանին հնազանդվելու ջանքերում: Ի՞նչ օրհնություններ, աճ, խոչընդոտներ կամ դժվարություններ եք նկատել:

• Ինչպե՞ս եք ձեզ ավելի մոտ զգացել Աստծուն՝ փորձելով հնազանդվել այս պատվիրանին: Կամ ինչպե՞ս կարող եք ձեզ ավելի մոտ զգալ Նրան՝ ձգտելով հնազանդվել այդ պատվիրանին: