Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Բ Օրենք 15. «Ձեռքդ լայն բաց նրա համար»

«Բ Օրենք 15. «Ձեռքդ լայն բաց նրա համար»», Հին Կտակարան․ Սեմինարիայի ուսուցչի ձեռնարկ (2026)

«Բ Օրենք 15. «Ձեռքդ լայն բաց նրա համար»», Հին Կտակարան․ Սեմինարիայի ուսուցչի ձեռնարկ

Բ Օրենք 6–8, 15, 18, 29–30, 34․ Դաս 60

Բ Օրենք 15

«Ձեռքդ լայն բաց նրա համար»

Բ Օրենք գրքում ներկայացված Փրկչի պատվիրաններն իսրայելացիներին ներառում են՝ ներել պարտապաններին, ազատել մարդկանց ստրկությունից և թեթևացնել աղքատների բեռը: Որպես Նրա ժողովուրդ՝ մենք նույնպես ուխտի պատասխանատվություն ունենք՝ ազատորեն կիսվելու այն ամենով, ինչ Փրկիչը տվել է մեզ՝ թեթևացնելու աղքատների բեռը: Այս դասը կօգնի ուսանողներին զգալ ավելի մեծ ցանկություն՝ հետևելու Փրկչի պատվիրանին. կիսվել այն ամենով, ինչ Նա տվել է իրենց:

Ուսանողի նախապատրաստում. առաջարկեք ուսանողներին աղոթքով երգել «Because I Have Been Given Much» օրհներգը կամ ուսումնասիրել դրա բառերը (Հիմներ, հմր 219) կամ Մատթեոս 25․31–40 հատվածները։ Ուսանողները կարող են խնդրել Երկնային Հորը օգնել իրենց հասկանալ, թե ինչ եղանակներով իրենք կարող են կիսվել ուրիշների հետ այն ամենով, ինչ Նա տվել է իրենց:

Հնարավոր ուսումնական վարժություններ

Հիսուս Քրիստոսի ճշմարիտ հետևորդներ

Դասը սկսեք՝ ցուցադրելով Հիսուս Քրիստոսի սիրելի նկարը: Կարող եք գրատախտակին գրել նախագահ Նելսոնի հետևյալ անավարտ արտահայտությունը: Կարող եք նշել, որ կարող են լինել այդ արտահայտությունն ավարտելու մի քանի ճիշտ եղանակ:

Նախագահ Ռասսել Մ. Նելսոնն ուսուցանել է․

Հիսուս Քրիստոսի ճշմարիտ հետևորդին բացահայտելու ամենահեշտ եղանակներից մեկն է ։ («Պահանջվում են խաղաղարարներ», Լիահոնա, մայիս 2023, 98)

Ինչպե՞ս կարող ենք ավարտել նախագահ Նելսոնի արտահայտությունը:

Երբ ուսանողները պատասխանեն, առաջարկեք նրանց կիսվել, թե ինչու են իրենք կարծում, որ իրենց պատասխանով հնարավոր է ավարտել արտահայտությունը: Կարող եք գովել ուսանողներին և հաստատել այն, ինչով նրանք կիսվում են: Այնուհետև ցուցադրեք նախագահ Նելսոնի արտահայտությունն արդեն ավարտված տեսքով:

Հիսուս Քրիստոսի ճշմարիտ հետևորդին բացահայտելու ամենահեշտ եղանակներից մեկն այն է, թե որքան կարեկից է մարդը ուրիշների հանդեպ: («Պահանջվում են խաղաղարարներ», Լիահոնա, մայիս 2023, 98)

Ինչո՞ւ է դա Հիսուս Քրիստոսի ճշմարիտ հետևորդներին բացահայտելու լավ միջոց:
Ինչպիսի՞ եղանակներով կարող են Հիսուս Քրիստոսի աշակերտները կարեկցաբար վերաբերվել մարդկանց:

Որպեսզի օգնեք ուսանողներին գնահատել, թե որքան լավ են իրենք ներկայումս վերաբերվում ուրիշներին, կարող եք կիսվել հետևյալ մի քանի կամ բոլոր պնդումներով և առաջարկել ուսանողներին խորհել, թե որքանով է այդ պնդումներից յուրաքանչյուրը համապատասխանում իրենց:
Այն, թե ինչպես եմ ես վերաբերվում ուրիշներին, ցույց է տալիս, թե որքանով եմ ես Հիսուս Քրիստոսի հետևորդը:
Ես կարեկցում եմ ուրիշներին և ցանկանում եմ անել այն, ինչ կարող եմ՝ նրանց օգնելու համար:
Ես պատրաստ եմ կիսվել ուրիշների հետ նրանով, ինչ Տերը տվել է ինձ:

Այսօրվա ուսումնասիրության ընթացքում փնտրեք Սուրբ Հոգու առաջնորդությունը, որը կօգնի ձեզ զգալ Փրկչի պատվիրանին հետևելու կարևորությունն այն հարցում, թե ինչպես եք դուք վերաբերվում այլ մարդկանց:

Հոգ տանել կարիքավորների մասին

Նախքան ուսանողները կկարդան հետևյալ հատվածը, կարող եք բացատրել, որ Բ Օրենք գրքում ներկայացված հրահանգներում Տերը պատվիրել է, որ յուրաքանչյուր յոթ տարին մեկ բոլոր պարտքերը պետք է ներվեն:

Կարդացեք Բ Օրենք 15․7–11 հատվածները՝ փնտրելով, թե ինչպես է Տերը ցանկանում, որ մենք վերաբերվենք մեզ շրջապատող մարդկանց:

Ի՞նչ բացահայտեցիք:

Երբ ուսանողները կիսվեն, օգնեք նրանց հասկանալ հետևյալ ճշմարտությունը․ Տերը պատվիրում է մեզ կիսվել Իր տված օրհնություններով:

Օգտակար կլինի օգտագործել պարզ առարկայական դաս՝ օգնելու ուսանողներին հասկանալ, թե ինչ է նշանակում «ձեռքդ լայն բաց» ուրիշների համար (հատվածներ 8 և 11)։ Դա անելու համար սենյակի առջևի մասում կարող եք դնել մի աման՝ լցված որևէ բանով, օրինակ՝ չոր հացահատիկով, լոբու հատիկներով կամ փոքր կոնֆետներով։ Երկու ուսանողի առաջարկեք ցուցադրել վերը նշված արտահայտությունը: Ուսանողներից մեկը կարող է ամանից վերցնել մի բուռ սնունդ և պահել այն մյուս ուսանողի ձեռքերի վրա: Խնդրեք ուսանողին «մի քիչ» բացել իր ձեռքի ափը, ապա՝ «մի քիչ ավելի», թույլ տալով, որ փոքր քանակությամբ սնունդ ընկնի մյուս ուսանողի ձեռքին: Վերջում ուսանողներին առաջարկեք նորից կարդալ հատված 8-ը և հանձնարարեք ուսանողին ցուցադրել «ձեռքը լայն բացել» առարկայական դասը։
Ըստ ձեզ, ի՞նչ է նշանակում, որ մենք պետք է լայն բացենք մեր ձեռքերը՝ աղքատների մասին հոգ տանելու համար:
Ի՞նչ կարող ենք սովորել Փրկչի մասին՝ Իր պատվիրանից: Ինչպե՞ս է Նա բացում Իր ձեռքը մեզ համար:
Ի՞նչ իրավիճակներում մենք կարող ենք գայթակղություն ունենալ՝ փակելու մեր ձեռքն աղքատների համար:

Նախքան ուսանողները կկարդան հետևյալ հատվածը, կարող եք բացատրել, որ Տերը նաև պատվիրել է, որ յուրաքանչյուր յոթերորդ տարին՝ ազատություն ցանկացող յուրաքանչյուր ծառա պետք է ազատվի գերությունից:

Կարդացեք Բ Օրենք 15․12–15 հատվածները՝ փնտրելով, թե ըստ Տիրոջ խոսքերի, իսրայելացիներն ինչպես պետք է վերաբերվեն այն ծառային, որը ցանկանում է ազատվել գերությունից:

Ըստ իսրայելացիների մասին ձեր սովորածի, նրանք ինչպե՞ս հայտնվեցին ֆիզիկական և հոգևոր գերության մեջ: Ինչպե՞ս կարող է այսօր որևէ մեկը հայտնվել հոգևոր գերության մեջ:
Ինչպե՞ս կարող է հիշելն այն մասին, թե ինչպես է Փրկիչը մեզ ազատել հոգևոր և ֆիզիկական գերությունից, ազդել ուրիշների հանդեպ մեր վերաբերմունքի վրա։

«Մի՞թե մենք բոլորս մուրացկաններ չենք»

Ուսանողներին առաջարկեք մտածել, թե դեռահասի համար ինչպիսին կարող է լինել «աղքատությունը»՝ ոչ միայն նյութապես, այլ նաև հոգևորապես, ֆիզիկապես, էմոցիոնալ և սոցիալական առումներով:

Ինչպե՞ս կարող ենք լայն բացել մեր ձեռքն այն մարդու համար, որն ունի այդ եղանակներից յուրաքանչյուրի կարիքը:

Օգտագործեք սուրբ գրությունների ուսումնասիրության գործիքները՝ գտնելու սուրբգրային հատված կամ Եկեղեցու ղեկավարի ուղերձ, որը կարող է օգնել մարդուն հետևել աղքատների մասին հոգ տանելու Փրկչի պատվիրանին

Եթե ուսանողները լրացուցիչ օգնության կարիք ունենան, կարող եք առաջարկել ուսումնասիրել հետևյալ հատվածները․ Ղուկաս 6․30–38, Մոսիա 4․16–27, Վարդապետություն և Ուխտեր 104.15–18, Մովսես 7․18։ Ուսանողները կարող են նաև Gospel Library հավելվածում փնտրել նմանատիպ բառեր, օրինակ՝ «աղքատ»:

Ուսանողներին սուրբ գրություն կամ արտահայտություն գտնելու համար բավարար ժամանակ տրամադրելուց հետո առաջարկեք նրանց կիսվել իրենց գտածով զուգընկերոջ հետ կամ փոքր խմբերով: Ուսանողները կարող են նաև քննարկել հետևյալ հարցերը։

Ինչպե՞ս կարող է այդ սուրբ գրությունը կամ ուղերձը կիրառվել այն բանի վերաբերյալ, թե ինչպես ենք մենք հոգ տանում որևէ մեկի մասին, որն «աղքատ» է նյութապես, հոգևորապես, ֆիզիկապես, էմոցիոնալ կամ սոցիալական առումներով:
Ե՞րբ եք ուրիշների առատաձեռնությամբ օրհնվելու փորձառություն ունեցել։

Մեծացնենք ուրիշների հետ կիսվելու մեր ցանկությունը

Կարդացեք Մատթեոս 25․31–40 հատվածները՝ փնտրելով, թե Փրկիչը ինչպես է վերաբերվում կարիքի մեջ գտնվող մարդկանց մասին հոգ տանելու մեր ջանքերին:

Ի՞նչ սովորեցիք կամ զգացիք այսօր, որն օգնեց մեծացնել Հիսուս Քրիստոսի ճշմարիտ հետևորդը լինելու ձեր ցանկությունը՝ առատորեն տալ ուրիշներին ձեր միջոցներից:
Ի՞նչ եք ոգեշնչվել անել:

Կարող եք կիսվել, թե երբ է ձեր կյանքն օրհնված եղել այն մարդկանց առատաձեռնության շնորհիվ, որոնք ձգտում էին լինել Հիսուս Քրիստոսի ճշմարիտ հետևորդները: Կարող եք առաջարկել ուսանողներին փնտրել Երկնային Հոր առաջնորդությունը՝ գտնելու որևէ մեկին, ում կարող են ծառայել, և ինչպես կարող են դա անել:

Լրացուցիչ նյութեր

Ինչու՞ է կարևոր հոգ տանել աղքատների մասին:

Տասներկու Առաքյալների Քվորումից նախագահ Ջեֆրի Ռ. Հոլլանդը հիշեցրել է մեզ.

Պատմության ընթացքում աղքատությունը համարվել է մարդկության մեծագույն և առավել տարածված խնդիրներից մեկը: Դրա ակնհայտ վնասը սովորաբար ֆիզիկական է, բայց հոգևոր և էմոցիոնալ վնասը կարող է անգամ ավելի տկարացնող լինել: Ամեն դեպքում, մեծ Քավիչի՝ մեզ ուղղված առավել համառ կոչերն են՝ միանալ Իրեն՝ մարդկանց ուսերից թեթևացնելով այդ բեռը: …

Մեր օրերում, Հիսուս Քրիստոսի վերականգնված Եկեղեցին դեռևս իր մեկամյակը չէր նշել, երբ Տերը պատվիրեց, որ անդամները «հոգ տանեն աղքատների ու կարիքավորների մասին և ծառայեն՝ ի սփոփանք նրանց, որ նրանք չտառապեն» [Վարդապետություն և Ուխտեր 38.35]։ Ուշադրություն դարձրեք այդ հատվածի ազդեցիկ տոնի վրա. «նրանք չտառապեն»: Այդ լեզուն է Աստված օգտագործում, երբ խոսքն Իր գործին է վերաբերում: …

Ես վկայություն եմ բերում հոգևոր և նյութական հրաշքների մասին, որոնք գալիս են նրանց, ովքեր ապրում են ծոմի օրենքով: … Պահեք այդ սուրբ արտոնությունն առնվազն ամիսը մեկ անգամ և եղեք առատաձեռն, որքան հանգամանքները թույլ են տալիս, ձեր ծոմի նվիրատվության մեջ և մարդասիրական, կրթական ու միսիոներական այլ նվիրատվություններում: Ես խոստանում եմ, որ Աստված կլինի առատաձեռն ձեր հանդեպ, և նրանք, ովքեր սփոփանք են գտնում ձեր շնորհիվ, ձեզ օրհնյալ կհամարեն: …

[Գ]ուցե ես իմ եղբոր պահապանը չեմ, բայց իմ եղբոր եղբայրն եմ, և «քանի որ ինձ շատ է տրված, ես ևս պետք է տամ»: («Մի՞թե մենք բոլորս մուրացկաններ չենք»։ Լիահոնա, նոյեմբեր 2014, 40, 42)

Ինչպե՞ս կարող ենք թեթևացնել ուրիշների բեռը:

Նախկինում Սփոփող միության գերագույն նախագահությունից քույր Շերոն Յուբենկն ուսուցանել է.

Եթե մենք փոխենք մեր տեսակետն այնպես, որ աղքատների և կարիքավորների մասին հոգ տանելը լինի ավելի քիչ իրեր նվիրելու և ավելի շատ մարդկային շփման քաղցը լցնելու, բովանդակալից խոսակցություն ապահովելու և հարուստ ու դրական հարաբերություններ ստեղծելու մասին, ապա Տերը կարող է մեզ ինչ-որ տեղ ուղարկել: …

Եվ հիշեք, որ ինչպես Փրկիչը, այնպես էլ դուք ինքներդ լավագույն նվերներից մեկն եք, որը կարող եք տալ այլ կարիքավոր մարդկանց։ («Թշնամիներին դարձնել ընկերներ» [Բրիգամ Յանգի համալսարանի ֆորում, 23-ը հունվարի, 2018], 6–7, speeches.byu.edu)

Օժանդակ ուսումնական վարժություններ

Բ Օրենք 14․22, 28–29․ Տերն օգտագործում է մեր նվիրատվությունները՝ օրհնելու աղքատներին

Ուսանողների համար օգտակար կլինի մտածել այն բազմաթիվ եղանակների մասին, որոնցով նվիրատվություններն օգտագործվում են Երկնային Հոր զավակներին օրհնելու համար: Ուսանողները կարող են ուսումնասիրել Բ Օրենք 14․22, 28–29 հատվածները՝ փնտրելով այն օրհնությունները, որոնք Տերը խոստացել էր այն մարդկանց, որոնք առատորեն տալիս են: Օգտակար կլինի բացատրել, որ ըստ Մովսեսի օրենքի, իսրայելացիներին պատվիրվել էր օգտագործել իրենց նվիրաբերած բոլոր միջոցները՝ օրհնելու աղքատներին ամեն երրորդ տարին (հատվածներ 28–29): Մեր օրերում ծոմի նվիրատվությունները նվիրաբերվում են ամեն ամիս՝ թեթևացնելու աղքատների բեռը:

Բ Օրենք 15․1–5, 12–15․ Տիրոջ ազատումը

Ուսանողների համար օգտակար կլինի ավելի լավ հասկանալ իսրայելացիներին ուղղված Փրկչի պատվիրանը՝ ազատելու ցանկացած պարտապանի և բոլոր ծառաներին յուրաքանչյուր յոթերորդ տարին՝ տալով ազատության հնարավորություն: Ուսանողներին առաջարկեք քննարկել, թե ինչպես է Փրկիչը ազատում մեզ մեղքի և մեղավորության պարտքից: Ապա կարող եք դիտել «Handel’s Messiah: Debtor’s Prison» (3:35) տեսանյութը։ Այդ տեսանյութում նախագահ Նելսոնն օգտագործում է բանտարկյալների ազատ արձակումը՝ խորհրդանշելու մեր փրկագնումը Հիսուս Քրիստոսի միջոցով:

3:35

Առատաձեռնորեն նվիրաբերել կարիքի մեջ գտնվող մարդկանց

Որպեսզի օգնեք ուսանողներին հասկանալ, թե իրենք ինչպես կարող են օրհնել կարիքի մեջ գտնվող մարդկանց, առաջարկեք նրանց դիտարկել ձեր համայնքում ծառայելու որոշ հնարավորություններ: Այդ ցանկը կարող է ներառել.

Սպասավորման հանձնարարություններ
Ծոմ պահելը և ծոմի նվիրատվություններ կատարելը
Եկեղեցու մարդասիրական նախաձեռնություններին մասնակցելը
JustServe հավելվածում հասանելի հնարավորություններից օգտվելը, եթե կիրառելի է

Լրացուցիչ գաղափարներ կարող եք գտնել Caring for Those in Need զեկույցում ChurchofJesusChrist.org կայքում։

Ուսանողները կարող են նշել ձեր տարածքում ծառայելու հասանելի հնարավորությունը և նպատակ սահմանել որևէ բան անել՝ կարիքի մեջ գտնվող մարդկանց օգնություն տրամադրելու համար: Եթե ուսանողները կցանկանան ավելին իմանալ Եկեղեցու մարդասիրական նախաձեռնությունների մասին, կարող եք վերանայել Caring for Those Need տարեկան զեկույցը՝ վերջին օրացուցային տարվա համար։

Օգնեք կարիքի մեջ գտնվող մարդկանց

«Be the Someone» (4:18) տեսանյութում ներկայացված է մի կնոջ պատմություն, որի կյանքը փոխում են մարդիկ, որոնք օգնել են իրեն, երբ նա փախստական էր:

4:18

«Joseph Millett Story» (2:36-6:08) տեսանյութում ներկայացված է, թե ինչպես է Ջոզեֆ Միլետն օրհնվում Տիրոջ կողմից, երբ իրեն վստահում են օգնել կարիքի մեջ գտնվող ընտանիքին:

6:14

«That We Might Be One: The Story of the Dutch Potato Project» (0:00-ից 8:57-ը) տեսանյութում ներկայացված է մի պատմություն Նիդեռլանդների սրբերի մասին, որոնք պատրաստակամորեն զոհաբերեցին իրենց սննդի չափաբաժիններն իրենց նախկին թշնամիների համար Երկրորդ համաշխարհային պատերազմից հետո: Կարող եք առաջարկել ուսանողներին փնտրել, թե ինչպես է Փրկիչը օրհնել հոլանդացի Սրբերին՝ ծառայության մեջ նրանց գործադրած քրիստոսանման ջանքերի համար:

11:57