Բ Օրենք 6․1–6

1. Ձեր ուսումնական օրագրում գրեք ձեր ընտանիքի սիրելի անդամի անունը:

2. 60 վայրկյանում նրա անվան տակ նշեք նրա հանդեպ ձեր սերը ցույց տալու այնքան եզակի եղանակներ, որքան կարող եք:

Խորհեք հետևյալ հարցերի շուրջ:

• Որո՞նք են ձեր իրական զգացմունքները Երկնային Հոր և Հիսուս Քրիստոսի հանդեպ: Ինչո՞ւ ունեք այդ զգացմունքները։

• Ի՞նչ եղանակներով եք ցույց եք տալիս նրանց, թե ինչ եք զգում:

Այս շաբաթ Բ Օրենք գիրքն ուսումնասիրելիս ուշադրություն դարձրեք Սուրբ Հոգու տպավորություններին: Նրա ազդեցությունը կարող է խորացնել ձեր սերը Երկնային Հոր և Հիսուս Քրիստոսի հանդեպ և ուսուցանել ձեզ, թե ինչպես կարող եք արտահայտել այդ սերը Նրանց հանդեպ:

Տասներկու Առաքյալների Քվորումից նախագահ Ջեֆրի Ռ. Հոլլանդը օգնել է մեզ ավելի լավ հասկանալ Աստծո իրական բնույթը:

19:25

Ողջ հավերժության առաջին մեծ պատվիրանն է սիրել Աստծուն մեր ողջ սրտով, զորությամբ, մտքով և ուժով, դա է առաջին մեծ պատվիրանը։ Բայց ողջ հավերժության առաջին մեծ ճշմարտությունն է, որ Աստված սիրում է մեզ Իր ողջ սրտով, զորությամբ, մտքով և ուժով։ Այդ սերը հավերժության հիմնական սկզբունքն է, և այն պետք է լինի հավերժության հիմնական սկզբունք մեր առօրյա կյանքում։ Իրոք, միայն մեր հոգում վառվող հավաստիացման դեպքում մենք կարող ենք վստահ լինել, որ կշարունակենք կատարելագործվել, կփնտրենք թողություն մեր մեղքերից և կշարունակենք այդ շնորհը փոխանցել մեր մերձավորներին։ («Տէրը էգուց ձեր միջումը հրաշքներ է անելու», Լիահոնա, մայիս 2016, 127)

• Ի՞նչ եք սովորում նախագահ Հոլլանդի խոսքերից, որը կարող է մղել մեզ ցույց տալ մեր սերը Աստծո հանդեպ:

• Ի՞նչ քայլեր կարող է ձեռնարկել մարդը Աստծուն «ողջ [իր] ուժով» սիրելու ուղղությամբ, եթե նա դեռևս բավականաչափ ուժ չի զգում դա անելու համար:

40 տարի որպես Աստծո մարգարե ծառայելուց հետո Մովսեսը պատվիրեց իսրայելացիներին բանակատեղի դնել ավետյաց երկրի սահմանին։ Հեսուն շուտով նրանց առաջնորդելու էր սահմանից այն կողմ (տես Բ Օրենք 31.23)։ Մովսեսը կարողացավ տեսնել ավետյաց երկիրը լեռան գագաթից, նախքան Տերը փոխեց նրան կամ Մովսեսին իր մոտ առավ՝ առանց Մովսեսի մահվան (տես Բ Օրենք 34.1–6, Ալմա 45.18–19)։ Բ Օրենք գիրքը պարունակում է Մովսեսի վերջին խորհուրդը ժողովրդին, այդ թվում՝ Աստծուն սիրելու և Նրա պատվիրաններին հնազանդվելու մասին ներշնչված խորհուրդը։

Կարդացեք հետևյալ հատվածները՝ փնտրելով, թե ինչով են նման այն, ինչ Մովսեսն ուսուցանեց իր ժողովրդին և այն, ինչ Հիսուսն ուսուցանեց Իր աշակերտներին՝ Աստծո հանդեպ մեր սերը ցույց տալու վերաբերյալ։

Բ Օրենք 6․1–6, 30․16

Հովհաննես 14․15, 21–24

• Ի՞նչ սովորեցիք Աստծո հանդեպ մեր սերը ցույց տալու մասին:

  Եթե ​​որևէ ուսանող գրատախտակին արդեն գրել է «պատվիրանները պահելը»՝ որպես Աստծո հանդեպ մեր սերը ցույց տալու միջոց, կարող եք մատնանշել այդ գրածը: Եթե դեռ չեն գրել, ավելացրեք դա գրատախտակին։

• Ձեր կարծիքով, պատվիրանները պահելն ինչո՞ւ է կարևոր միջոց՝ ցույց տալու Երկնային Հորը և Հիսուս Քրիստոսին, որ մենք սիրում ենք Նրանց:

Ուսանողների համար օգտակար կլինի քննարկել իրատեսական եղանակներ, որոնցով իրենց կյանքում կարող են արտահայտել իրենց սերն Աստծո հանդեպ:

Դա կարող եք անել՝ ցուցադրելով «If We Love Him» տեսանյութը (3:57) (ChurchofJesusChrist.org)։ Առաջարկեք ուսանողներին ուշադրություն դարձնել և երգի բառերին, և այն ամենին, ինչ տեսանյութի երիտասարդներն անում են՝ ցույց տալու իրենց սերը Աստծո հանդեպ: Այնուհետև առաջարկեք ուսանողներին կիսվել, թե ինչ սովորեցին Աստծո հանդեպ մեր սերը ցույց տալու եղանակների մասին:

3:52

Մեկ այլ տարբերակ կարող եք օգտագործել․ ուսանողների փոքր խմբերին բաժանեք թերթիկներ, որոնց վրա գրված է ստորև ներկայացվող ընդհանուր միջավայրերից մեկը:

Ցուցադրեք հետևյալ հրահանգներն ու հարցերը խմբերին՝ դրանք կատարելու և քննարկելու համար: (Կախված, թե ինչքան ժամանակ ունեք՝ խմբերը կարող են թերթիկները փոխանակել այլ խմբերի հետ և կրկնել վարժությունը մի քանի անգամ:)

Ընտրեք այս ընդհանուր միջավայրերից մեկը․ աշխատավայրում, դպրոցում, սեմինարիայում, եկեղեցում, տանը, պարապունքի ժամանակ, ընկերների հետ, սոցիալական ցանցերում։ Ինչպե՞ս կպատասխանեք հետևյալ հարցերին ձեր փորձառությունից ելնելով՝ նկատի ունենալով այս միջավայրը։

• Այս միջավայրում ի՞նչ եղանակով եք տեսել, որ մարդը ցույց է տալիս իր սերը Աստծո հանդեպ:

• Որո՞նք են այս միջավայրում Աստծո հանդեպ ձեր սերն արտահայտելու համապատասխան եղանակներից մի քանիսը:

• Կա՞ որևէ բան, որը կարող է դժվարացնել Աստծո հանդեպ սեր արտահայտելն այս միջավայրում: Եթե ​​կա, ապա ինչպե՞ս կարող ենք հաղթահարել դա:

Յոթանասունից երեց Կ. Բրեթ Նաթրեսը մի քանի կարևոր հարց է տվել մեզ, որպեսզի անհատապես խորհենք դրանց շուրջ:

Ես վկայում եմ, որ մեր Երկնային Հայրը միշտ հիշում է մեզ, և Նա մեզ կատարելապես սիրում է: Հարցս հետևյալն է․ «Մենք հիշու՞մ ենք Նրան»: Իսկ մենք սիրո՞ւմ ենք Նրան: («Արդյո՞ք ես իսկապես ներվել եմ», Լիահոնա, մայիս 2023, 68–69)