Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Դատավորներ 6–8․ «Անշուշտ ես քեզ հետ կլինեմ»

«Դատավորներ 6–8. «Անշուշտ ես քեզ հետ կլինեմ»», Հին Կտակարան․ Սեմինարիայի ուսուցչի ձեռնարկ (2026)

«Դատավորներ 6–8. «Անշուշտ ես քեզ հետ կլինեմ»», Հին Կտակարան․ Սեմինարիայի ուսուցչի ձեռնարկ

Դատավորներ 2–4, 6–8, 13–16․ Դաս 66

Դատավորներ 6–8

«Անշուշտ ես քեզ հետ կլինեմ»

Gideon's band of 300 men feign an attack on their enemy.

Երբ իսրայելացիները աղոթեցին փրկության համար, Տերը կանչեց Գեդեոնին, որ ազատի նրանց թշնամիներից: Տերը ցույց տվեց իր ուժը՝ օգնելով իսրայելացիներին հաղթել 135000-ից ավելի զինվորներից բաղկացած բանակին՝ Գեդեոնի միայն 300 մարդկանցով: Այս դասը կօգնի ուսանողներին Հիսուս Քրիստոսին ապավինելու ավելի մեծ ցանկություն զգալ՝ զորություն ստանալու համար։

Ուսանողի նախապատրաստում․ առաջարկեք ուսանողներին գտնել սուրբ գրություն, որը ցույց է տալիս այն զորությունը, որը մենք կարող ենք ստանալ Տիրոջից: Դասարան եկեք պատրաստված՝ կիսվելու համար։

Հնարավոր ուսումնական վարժություններ

Ուժի տարբեր տեսակները

Ո՞ր մարդիկանց եք դուք համարում «ուժեղ»:
Ի՞նչ տարբեր եղանակներով մարդը կարող է համարվել ուժեղ։

Բացատրեք, որ ուժի տեսակներից մեկը Տիրոջն ապավինելու մարդու կարողությունն է:

Ուսանողներին հնարավորություն տվեք գնահատելու, թե որքանով են նրանք ապավինում Տիրոջը դժվար իրավիճակներում, որոնց կարող են բախվել: Կարող եք օգտագործել հետևյալ իրավիճակները կամ մտածել այլ իրավիճակներ, որոնք ավելի համապատասխան են ձեր ուսանողների համար:

Մտածեք, թե որքան հավանական է, որ դուք ապավինեք Աստծո զորությանը տարբեր իրավիճակներում: Ստորև նշված յուրաքանչյուր իրավիճակի համար որոշեք, թե ինքներդ ձեզ որտեղ եք պատկերացնում հետևյալ գծապատկերում:

Կարևոր որոշումներ կայացնելը
Վնասվածքի կամ հիվանդության դեմ պայքարելը
Որպես մարդ կատարելագործվելը
Ընտանիքի և ընկերների հետ դժվարություններ հաղթահարելը

Այսօր Գեդեոնի մասին ուսումնասիրելիս աղոթեք, որ Երկնային Հայրը օգնի ձեզ զգալ Տիրոջն ապավինելու կարևորությունը՝ ձեր կյանքում զորություն ստանալու համար։ Ուշադրություն դարձրեք այն մտքերին կամ զգացմունքներին, որոնք Աստված կարող է ուղարկել ձեզ Սուրբ Հոգու միջոցով:

Գեդեոնն ու իսրայելացիները

Որպեսզի օգնեք ուսանողներին հասկանալ Դատավորներ 6 գլխի ենթատեքստը, կարող եք վերանայել հպարտության շրջանի գծապատկերը Դաս 65. «Դատավորներ 2–4»-ից: Կարող եք նաև կարդալ կամ ամփոփ ներկայացնել հետևյալ պարբերությունը:

Դատավորներ 6 գլուխը նկարագրում է մեկ այլ դեպք, երբ իսրայելացիները մոռացան Տիրոջը և կորցրին Նրա օրհնությունները: Մադիանացիներ կոչվող մարդկանց մի խումբ սկսեց ճնշել իսրայելացիներին։ Յոթ տարի շարունակ մադիանացիները բերքահավաքի ժամանակ թալանում էին իսրայելացիների ցորենն ու անասունները։ Արդյունքում իսրայելացիները աղքատության մատնվեցին։ Հուսահատության հասնելով՝ նրանք դիմեցին Տիրոջը օգնությանը: Երբ իսրայելացիները հիշեցին Տիրոջը և աղաղակեցին առ Տերը, Նա առաջ բերեց Գեդեոն անունով մի արդար մարդու, որպեսզի ազատի նրանց իրենց թշնամիներից:

Ապավինել Տիրոջը

Երբ ուսանողներն ավարտեն, նրանց առաջարկեք կիսվել Գեդեոնի պատմությունից իրենց սովորածի ամփոփումով։

Խնդրեք մի քանի ուսանողի կիսվել այն ճշմարտությամբ, որն իրենք գրել են ուսումնական վարժություն 3-ի համար։ Օրինակներից մեկը հետևյալ ճշմարտությունն է. Եթե մենք ապավինենք Տիրոջը, Նա կօրհնի մեզ Իր զորությամբ:

Ի՞նչ այլ եղանակներով Տերը կարող է մեզ զորացնել:
Ինչպե՞ս կարող ենք ապավինել Տիրոջը այսօր:

Այս ճշմարտությունը ավելի լավ հասկանալու համար առաջարկեք ուսանողներին պատկերացնել, որ իրենց ընկերը հաղորդագրություն է ուղարկել իրենց: Ձեր ընկերը հայտնվել է մի իրավիճակում, երբ զգում է, որ իր ուժը չի բավականացնում։ Խնդրեք ուսանողներին կիսվել մի քանի օրինակներով, թե ինչ իրավիճակ դա կարող է լինել: Դասարանին խնդրեք ընտրել մի իրավիճակ, որն իրենց կարծիքով առավել կարևոր կլինի դիտարկել այսօր:

Պատրաստեք տեքստ, որը կարող եք ուղարկել որպես հաղորդագրության պատասխան: Գրեք այն ձեր օրագրում։ Եթե ցանկանում եք, նկարեք հեռախոս՝ տեքստային պղպջակներով, և պղպջակների ներսում գրեք ձեր պատասխանը։ Ձեր պատասխանը պետք է ներառի հետևյալներից առնվազն երկուսը.

1. Ինչպես կարող է օգնել Գեդեոնի օրինակը:

2. Ինչպես այլ սուրբ գրություններ կարող են օգնել ձեր ընկերոջն ապավինել Տիրոջը: (Որոշ օրինակներ են. Առակներ 3․5–6, Փիլիպպեցիներին 4․13, Ալմա 26․12, Եթեր 12․27։ Կարող եք նաև փնտրել «Զորություն» բառը Թեմաների ուղեցույցում կամ «Վստահություն» բառը՝ Սուրբ գրքերի ուղեցույցում:)

3. Ի՞նչ գիտեք Տիրոջ մասին, որն օգնում է ձեզ ապավինել Նրան:

4. Փորձառություններ, որոնք դուք ունեցել եք՝ զգալով, որ Տերը զորացնում է ձեզ՝ ձեր սեփական կարողություններից վեր հնարավորություններ շնորհելով:

Եզրափակում

Առաջարկեք ուսանողներին խնդրել Երկնային Հոր առաջնորդությունը՝ ուսումնասիրության օրագրերում հետևյալ հարցերին պատասխանելիս:

Ձեր կյանքի ո՞ր ոլորտում եք զգում, որ ձեր սեփական ուժերը բավարար չեն:
Ի՞նչ գիտեք կամ ի՞նչ սովորեցիք Տիրոջ մասին, որը կօգնի ձեզ ապավինել Նրան:
Ի՞նչ վերաբերմունք ունեք Տիրոջ և Նրա օգնության հանդեպ:

Օժանդակ նյութեր

Ինչպե՞ս կարող եմ ապավինել Տիրոջը։

Տասներկու Առաքյալների Քվորումից երեց Դեյվիդ Ա. Բեդնարը հայտարարել է․

Բազմաթիվ անորոշությունների և դժվարությունների մեջ, որոնց մենք բախվում ենք մեր կյանքում, և վերջին օրերի այս մեծ աշխատանքում, Աստված պահանջում է, որ մենք անենք մեզանից կախված ամեն ինչ, վստահենք Նրան, ներգրավվենք աշխատանքում և գործենք, այլ ոչ թե պարզապես սպասենք, որ մեր վրա ներգործեն։ Գուցե մենք հրեշտակներ չտեսնենք, երկնային ձայներ չլսենք կամ մեծ հոգևոր տպավորություններ չստանանք: Մենք հաճախ կարող ենք առաջ շարժվել՝ հուսալով և աղոթելով, սակայն առանց բացարձակ հավաստիացման, որ մենք գործում ենք Աստծո կամքի համաձայն: Բայց երբ մենք հարգում ենք մեր ուխտերը և պահում պատվիրանները, մենք կարող ենք վստահ լինել, որ Աստված կառաջնորդի մեր քայլերը: («Elder Bednar Shares Five Lessons about the Spirit of Revelation with New Mission Leaders», Church News, հուլիսի 10, 2018)

Ես ի՞նչ պետք է անեմ, որ իմ կյանքում հրաշքներ տեսնեմ։

Նախագահ Ռասսել Մ. Նելսոնն ուսուցանել է․

17:18

Մորոնին հավաստիացրեց մեզ, որ «Աստված չի դադարել հրաշքների Աստված լինել» [Մորմոն 9․15]: Սուրբ գրությունների յուրաքանչյուր գիրք ցույց է տալիս, թե որքան պատրաստակամ է Տերը՝ միջամտելու նրանց կյանքին, ովքեր հավատում են Իրեն: Նա կիսեց Կարմիր ծովը Մովսեսի համար, օգնեց Նեփիին վերցնել արույրե թիթեղները և վերականգնեց Իր Եկեղեցին մարգարե Ջոզեֆ Սմիթի միջոցով: Այս հրաշքներից յուրաքանչյուրը ժամանակ էր պահանջում, և գուցե այն չէր, ինչ այդ մարդիկ ի սկզբանե խնդրել էին Տիրոջից:

Նույն կերպ, Տերը կօրհնի ձեզ հրաշքներով, եթե հավատաք Նրան՝ «առանց որևէ կասկածի» [Մորմոն 9․21]։ Հրաշքներ փնտրելու հոգևոր աշխատանք կատարեք: Աղոթքով խնդրեք, որ Աստված օգնի ձեզ այդպիսի հավատք գործադրել: Ես խոստանում եմ, որ դուք ինքներդ կարող եք զգալ, որ Հիսուս Քրիստոսն է «հոգնածին ուժ տվողը, նա ավելացնում է կարողություն չունեցողի զորությունը» [Եսայի 40.29]: Քիչ բաներ կարող են ավելի շատ մեծացնել ձեր հոգևոր լիցքը, քան գիտակցելը, որ Տերն օգնում է ձեզ սարեր տեղաշարժել ձեր կյանքում: («Հոգևոր լիցքի զորությունը», Լիահոնա, մայիս 2022, 99–100)

Լրացուցիչ ուսումնական վարժություններ

Դատավորներ 6․25–28։ Հեռացնել անարդար ազդեցությունները մեր կյանքից

Եթե ցանկանում եք ավելի շատ ժամանակ հատկացնել Գեդեոնի՝ Բահաղի զոհասեղանը քանդելու և զոհաբերության սեղան կառուցելու պատմությանը, նկատի առեք հետևյալը։

Գեդեոնի ժամանակ իսրայելացիները երկրպագում էին Բահաղին՝ քանանացիների կեղծ աստծուն։ Կարդացեք կամ հիշեք, թե ինչ տեղի ունեցավ Դատավորներ 6.25–27 հատվածներում:

Ի՞նչն էր Տերը ցանկանում, որ Գեդեոնը հեռացնի, և ի՞նչով էր ցանկանում, որ այն փոխարինի:
Քրիստոսի ի՞նչ խորհրդանիշներ եք տեսնում հատված 26-ում։ (Օգնեք ուսանողներին տեսնել, որ ողջակեզի խորհրդանիշը Քրիստոսն է, և այն մատուցվում է վեմի վրա, որը նույնպես Քրիստոսի խորհրդանիշն է։)
Ձեր կարծիքով, ինչ էր Տերը ցանկանում, որ մարդիկ հասկանան Գեդեոնի արածից:

Առաջարկեք ուսանողներին մտածել զորության կեղծ աղբյուրների մասին, որոնք մենք երբեմն փնտրում ենք: Խնդրեք նրանց խորհել, թե մենք ինչպես կարող ենք փոխարինել այդ աղբյուրները՝ զորություն ստանալու համար կենտրոնանալով Քրիստոսի վրա: Կարող եք կիսվել հետևյալ հատվածով նախագահ Ռասսել Մ. Նելսոնի «Հաղթել աշխարհին և հանգստություն գտնել» ելույթից (Լիահոնա, նոյեմբեր 2022, 97)։

18:43

Դատավորներ 13–16 Սամփսոնը՝ մեծ ներուժով մարդը

Համեմատեք Գեդեոնի պատմությունը Սամփսոնի պատմության հետ՝ օգտագործելով ստորև ներկայացվածից մի քանիսը կամ բոլորը։

Գեդեոնի հաջողությունից կարճ ժամանակ անց իսրայելացիները նորից ընկան մեղքի և ամբարշտության մեջ (տես Դատավորներ 8): Ի վերջո, Տերն ընտրեց մեկ այլ մարդու՝ Իսրայելը ազատելու համար:

Ուսումնասիրեք ստորև ներկայացված նկարները, որոնք պատկերում են Սամփսոնին՝ դատավորներից մեկին, որին Տերը կանչեց՝ ազատելու իսրայելացիներին փղշտացիներից:

Ի՞նչ գիտեք Սամփսոնի մասին:

Նա հայտնի էր իր՝ ի վերուստ տրված ֆիզիկական ուժով։ Սակայն, թեև նա երբեմն ճիշտ էր օգտագործում ֆիզիկական ուժի պարգևը, նրա կյանքը ավարտվեց ողբերգությամբ, քանի որ նա, ի վերջո, ապավինեց իր ուժին և զորությանը, այլ ոչ թե Տիրոջը:

Կարդացեք ստորև նշվածներից երկու կամ երեք հատված, որոնք նկարագրում են Սամփսոնի բնավորությունը և առաջնահերթությունները:

Դատավորներ 14․2 (ամուսնանում է ուխտից դուրս)

Դատավորներ 14․19 (զայրույթի պահին ոչնչացնում է մարդկանց)

Դատավորներ 15.5–6 (ցանկանում է վրեժ լուծել)

Դատավորներ 16․1 (այցելում է պոռնիկի)

Դատավորներ 16․4–6 (սիրում է խաբեբա մի կնոջ՝ Դալիլային)

Դատավորներ 16․28 (մտահոգվում է միայն սեփական անձի համար վրեժխնդիր լինելու մասին)

Ի՞նչ կարող ենք սովորել Սամփսոնի փորձառություններից՝ համեմատած Գեդեոնի հետ։
Ի՞նչ սովորեցիք Տիրոջն ապավինելու և միաժամանակ ձեր ուժերն առավելագույնս օգտագործելու մասին։