Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Թվեր 21․ Նայեք Փրկչին հավատքով

«Թվեր 21․ Նայեք Փրկչին հավատքով», Հին Կտակարան․ Սեմինարիայի ուսուցչի ձեռնարկ (2026)

«Թվեր 21․ Նայեք Փրկչին հավատքով», Հին Կտակարան․ Սեմինարիայի ուսուցչի ձեռնարկ

Թվեր 11–14, 20–24, 27․ Դաս 57

Թվեր 21

Նայեք Փրկչին հավատքով

The Old Testament prophet Moses pointing to a staff with a brass serpent attached to the top. The painting illustrates the event wherein Moses promised the Israelites that they would be saved from the fiery serpents if they looked at the brass serpent.

Իսրայելի որդիները՝ շարունակ քայլելով անապատում, բողոքեցին Տիրոջ դեմ: Ի պատասխան՝ Նա թունավոր օձեր ուղարկեց նրանց մեջ: Այնուհետև, Նա հանձնարարեց Մովսեսին ձողի վրա կանգնեցնել մի պղնձե օձ՝ որպես Փրկչի խորհրդանշ, և խոստացավ, որ նրանք, ովքեր կնայեն այդ օձին, կբժշկվեն։ Այս դասը կօգնի ուսանողներին նայել Հիսուս Քրիստոսին հավատքով։

Ուսանողի նախապատրաստում. առաջարկեք ուսանողներին կարդալ Թվեր 21․7–9 և Ալմա 33․18–21 հատվածները՝ փնտրելով, թե ինչ կարող ենք սովորել Հին Կտակարանի այս պատմությունից: Խրախուսեք նրանց, որ պատրաստ լինեն՝ դասարանում կիսվելու իրենց սովորածով:

Հնարավոր ուսումնական վարժություններ

Օձի խայթոցը

Մտածեք սկսել դասը՝ ցուցադրելով օձի նկար:

Ձեր կարծիքով, ի՞նչ է տեղի ունենում, երբ թունավոր օձը խայթում է:

Օգնեք ուսանողներին հասկանալ, որ թունավոր օձի խայթոցը կարող է առաջացնել այտուց, բշտիկներ, ուժեղ ցավ և հիվանդություն: Որոշ դեպքերում այն կարող է նույնիսկ մահացու լինել։
Ինչպե՞ս կարող են մարդիկ արձագանքել օձի խայթոցից հետո:

Հնարավոր պատասխաններից մի քանիսն են․ խուճապի մատնվել, վրեժ լուծել օձից և սպանել նրան, սպասել, թե ինչպես է իրենց օրգանիզմը արձագանքում խայթոցին կամ անմիջապես դիմել օգնության։

Օձի նկարի կողքին գրեք մեղք։ Առաջարկեք ուսանողներին համեմատել, թե մեղքն ու դրա հետևանքներն ինչո՞ւ կարող են լինել օձի խայթոցի նման:
Ի՞նչ տարբեր եղանակներով մարդիկ կարող են արձագանքել մեղք գործելուց հետո:

Հնարավոր արձագանքներից են․ հիմնավորել իրենց գործողությունները, ձգտել թմրեցնել իրենց զգացմունքները, թաքցնել իրենց գործողությունները ամոթի պատճառով, սպասել՝ տեսնելու ինչ հետևանքներ են առաջանում կամ դիմել Տիրոջ օգնությանը։

Մի քանի րոպե տրամադրեք՝ խորհելու, թե ինչպես եք դուք արձագանքում։ Դուք դիմում եք Տիրոջը՝ օգնության համար։ Ինչո՞ւ այո, կամ ինչո՞ւ ոչ։ Այս դասը ուսումնասիրելիս՝ փնտրեք Սուրբ Հոգու առաջնորդությունը, որպեսզի օգնի ձեզ դիմել Փրկչին՝ ձեր կյանքում օգնություն խնդրելու համար: Կարող եք նաև օգնություն խնդրել՝ Փրկչին դիմելու վերաբերյալ ցանկացած հարցի կամ մտահոգության դեպքում։

Կիզող օձեր

Անապատով ճամփորդելու ժամանակ Իսրայելի որդիները բողոքեցին Տիրոջ դեմ, ինչպես շատ անգամներ էին դա արել նախկինում։ Կարդացեք հետևյալ հատվածները և պատասխանեք դրանցում տրված հարցերին։ Օգտակար կլինի իմանալ, որ կիզող նշանակում է «թունավոր» (տես ծանոթագրություն 6ա)։

Կարող եք գրատախտակին ցուցադրել կամ գրել հետևյալ հատվածները և հարցերը։ Կարող եք առաջարկել ուսանողներին ուսումնասիրել դրանք միասին՝ փոքր խմբերով, կամ ինքնուրույն ուսումնասիրել հատվածները, ապա կիսվել իրենց պատասխաններով դասընկերոջ կամ փոքր խմբի հետ՝ իրենց պատասխանները հաստատելու համար: Եթե օգտակար լինի, բացատրեք, որ Իսրայելի որդիներին թույլ չէր տրվել ճամփորդել Եդովմի երկրով, այլ նրանք պետք է շրջանցեին այն (տես Թվեր 21.4), ինչը նշանակում էր, որ նրանց ճանապարհը պետք է լիներ ավելի երկար ու դժվար:

Թվեր 21․4–5։ Իսրայելի որդիներն ինչո՞ւ խոսեցին Տիրոջ և Մովսեսի դեմ։

Թվեր 21․6։ Ի՞նչ ուղարկեց Տերը՝ որպես պատասխան։

Թվեր 21․7–9։ Ի՞նչ պատվիրեց Տերը Մովսեսին և Իսրայելի որդիներին անել, որպեսզի բժշկվեն:

1 Նեփի 17․41, Ալմա 33․18–21։ Ինչո՞ւ Իսրայելի որդիներից ոմանք չնայեցին օձին։

Կարող եք առաջարկել ուսանողներին գրել Մորմոնի Գրքի հատվածներ՝ որպես Թվեր 21․9 հատվածի խաչաձև հղումներ կամ ընդգծել 9ա ծանոթագրությունը:

Այս պատմության մեջ ի՞նչն է առավել կարևոր ձեզ համար:
Ինչո՞ւ ենք մենք երբեմն նմանվում Իսրայելի որդիներին:

Խորհրդանիշ Փրկչի համար

Իր մահկանացու ծառայության ընթացքում Փրկիչն օգնել է մեզ հասկանալ, թե ինչ է խորհրդանշում ձողի վրա կանգնեցված պղնձե օձը: Կարդացեք Հովհաննես 3․14–16 հատվածները՝ փնտրելով պատասխանը։ (Կարող եք այս հատվածները նշել որպես Թվեր 21․7–9 հատվածների խաչաձև հղում:)

Երբ ուսանողները կիսվեն իրենց գտածով, կարող եք ցուցադրել հետևյալ պատկերները:

Ի՞նչ կարող ենք սովորել այս պատմություններից։

Ուսանողները կարող են կիսվել հետևյալ սկզբունքով․ Եթե մենք հավատքով նայենք Փրկչին, Նա կբժշկի մեզ հոգևոր առումով։ Կարող եք գրել այս սկզբունքը գրատախտակին:

Այս սկզբունքն ավելի լավ հասկանալու համար առաջարկեք ուսանողներին կարդալ հետևյալ խոսքերը։

Նախագահ Ռասսել Մ. Նելսոնն ուսուցանել է․

Ես աղերսում եմ ձեզ գալ Նրա մոտ, որպեսզի Նա կարողանա բժշկել ձեզ։ Նա կբժշկի ձեզ մեղքից, եթե դուք ապաշխարեք։ Նա կբժշկի ձեզ տխրությունից և վախից։ Նա կբժշկի ձեզ այս աշխարհի հասցրած վերքերից։ («Պատասխանն է՝ Հիսուս Քրիստոս», Լիահոնա, մայիս 2023, 127)

Ի՞նչը ձեզ դուր եկավ կամ ի՞նչ սովորեցիք այս խոսքերից։
Թույնից բժշկվելն ինչպե՞ս կարող է նման լինել Փրկչի կողմից՝ մեղքի հետևանքներից բշժկվելուն։

Նայեք Փրկչին

Առաջարկեք ուսանողներին մեկ րոպե հատկացնել՝ նայելու Փրկչի նկարին խաչի վրա և խորհել, թե ինչպես կարող ենք այսօր հավատքով նայել Նրան: Ապա առաջարկեք նրանց փոքր խմբերով կատարել հետևյալը։

Գրեք մի քանի եղանակ, որոնցով մենք կարող ենք այսօր հավատքով նայել Փրկչին:
Քննարկեք պատճառները, թե ինչու մենք կարող ենք այդ բաներն անելու դվարություններ ունենալ: (Կարող եք քննարկել, թե ինչու մենք, Իսրայելի որդիների նման, կարող ենք գայթակղություն ունենալ հավատալու, որ Փրկչին նայելու այս եղանակները շատ հասարակ են կամ չեն օգնի մեզ:)
Քննարկեք, թե ինչու է կարևոր նայել Փրկչին՝ չնայած դժվարություններին։ (Դա կարող է ներառել Փրկչի բժշկությունների սուրբգրային օրինակներով կիսվելը, Փրկչին նայելու ձեր զգացմունքները կամ վկայությունը կամ ձեր փորձառությունները, որոնք ունեցել եք, երբ հավատքով նայել եք Փրկչին և այն, ինչ տեղի է ունեցել դրա արդյունքում:)

Ինչին եք դուք հավատում

Փնտրեք Սուրբ Հոգու օգնությունը՝ գրելու համար մի եղանակ, որով, ըստ ձեզ, Տերն ուզում է, որ դուք նայեք Իրեն, կամ շարունակեք նայել Իրեն ձեր կյանքում: Կարող եք նաև գրել, թե ինչու դա կարող է դժվար լինել և, չնայած դրան, ինչու է դա շատ կարևոր։

Լրացուցիչ նյութեր

Ի՞նչ կարող ենք անել Փրկչի բժշկությունը խնդրելու համար:

Նախագահ Ռասսել Մ. Նելսոնն ուսուցանել է․

Երբ գալիս են դառը փորձությունները, ժամանակն է խորացնել մեր հավատքն առ Աստված, ջանասիրաբար աշխատել և ծառայել ուրիշներին: Ապա, Նա կբուժի մեր կոտրված սրտերը։ Նա մեզ կտա անձնական խաղաղություն և մխիթարություն։ Այդ մեծ պարգևները չեն ոչնչանա, նույնիսկ մահը չի ոչնչացնի դրանք։ («Հիսուս Քրիստոսը՝ ամենամեծ բժիշկը», Լիահոնա, նոյ. 2005, 87)

Նախկինում Երեխաների Միության գերագույն նախագահության երկրորդ խորհրդական քույր Քրիստինա Բ. Ֆրանկոն ուսուցանել է․

Մի՞թե մենք բոլորս այսպիսին չենք՝ … մի փոքր կոտրված, ճաքած ու վնասված, այն զգացումն ունեցող, որ այլևս երբեք նույնը չենք լինի: Սակայն, երբ մենք գալիս ենք դեպի Հիսուս Քրիստոս՝ հավատք գործադրելով Նրա հանդեպ, ապաշխարելով, կապելով և պահելով ուխտեր, մեր կոտրված հոգին, անկախ պատճառից, կարող է բժշկվել: Այս գործընթացը, որը մեր կյանք է հրավիրում Փրկիչի բուժող զորությունը, ոչ միայն վերականգնում է մեզ մեր նախկին վիճակին, այլև ավելի լավն է դարձնում, քան երբևէ եղել ենք: Ես գիտեմ, որ մեր Փրկիչի՝ Հիսուս Քրիստոսի միջոցով մենք բոլորս կարող ենք նորոգվել, ամբողջանալ և իրականացնել մեր նպատակը։ («Հիսուս Քրիստոսի բժշկող զորությունը», Լիահոնա, նոյեմբեր 2020, 60)

Ի՞նչ օրինակներ կան փոքր և պարզ բաների, որոնք մենք կարող ենք անել՝ ավելի մոտենալու Փրկչին:

Առաջին Նախագահության նախագահ Դալլին Հ. Օուքսն անդրադարձել է այն հարցին, թե ինչ էր պահանջվում Իսրայելի որդիներից՝ բժշկվելու համար, և ասել է․ «Այնքան փոքր բան՝ այդպիսի հրաշալի արդյունքի համար»: Նա նաև կիսվել է մի քանի փոքր և պարզ գործողություններով, որոնք մեզ ավելի կմոտեցնեն մեր Փրկչին.

17:36

Մտածեք սուրբ գրությունների ուսումնասիրության մասին, որոնք մեզ սովորեցրել էին կիրառել մեր ամենօրյա կյանքում: Կամ մտածեք անհատական աղոթքների և ընտանեկան ծնկաչոք աղոթքների մասին, որոնք կանոնավորապես գործադրվում են հավատարիմ Վերջին Օրերի Սրբերի կողմից: Մտածեք սեմինարիայի կամ ինստիտուտի դասերին երիտասարդ չափահասների հաճախելու մասին: Չնայած այս գործընթացներից յուրաքանչյուրը կարող է թվալ փոքր և հասարակ, ժամանակի ընթացքում դրանք կարող են առաջացնել հզոր հոգևոր վերելքներ և աճ: Սա տեղի է ունենում, որովհետև այս փոքր և հասարակ բաներից յուրաքանչյուրը հրավիրում է Սուրբ Հոգու՝ Վկայողի ընկերակցությունը, ով լուսավորում է մեզ և առաջնորդում մեզ դեպի ճշմարտություն։ …

Մեկ այլ հոգևոր վերելքի և աճի աղբյուր է, նույնիսկ փոքր թվացող օրինազանցություններից ապաշխարության շարունակվող գործընթացը: Մեր անձնական ոգեշնչմամբ ինքնագնահատումները կարող են օգնել մեզ տեսնել, թե ինչպես ենք պակաս գտնվել և ինչպես կարող ենք ավելի լավ գործել: Այդպիսի ապաշխարությունը պետք է նախորդի մեր ամենշաբաթյա հաղորդությունը ճաշակելուն: («Փոքր և հասարակ բաներ», Լիահոնա, մայիս 2018, 90)

Օժանդակ ուսումնական վարժություններ

Դասը սկսելու այլընտրանքային եղանակ

Կարող եք դիտել մի տեսանյութ, որտեղ Փրկիչը բժշկում է մարդկանց, օրինակ՝ «Jesus Christ Has Compassion and Heals the People»՝ 1:43-6:19:

6:32

Եթե Փրկիչն այսօր այստեղ լիներ, ո՞ւմ կարող էիք ցանկանալ բերել Նրա մոտ՝ բժշկելու: Ինչո՞ւ։
Բացի հիվանդություններից, ուրիշ ի՞նչ կարող է բժշկել Փրկչը:

Սուրբ գրություններում բազմաթիվ պատմություններ կան, որտեղ Փրկիչը բժշկում էր մարդկանց հիվանդություններից, կուրությունից, բորոտությունից և նրանց, ովքեր «չարչարված էին ամեն կերպ» (3 Նեփի 17.9)։ Փրկիչը նաև ուսուցանել է, որ իր բժշկությունները ցույց են տալիս թե ինչ կարող է Ինքը անել մարդկանց համար հոգևոր առումով (տես Մարկոս 2.2–11): Խորհեք, թե դուք անձամբ ինչպիսի օգնություն կցանկանայիք ստանալ Տիրոջից, և արդյոք հավատք ունեք, որ Նա կարող է բժշկել ձեզ:

Փրկչի խորհրդանիշները

Եթե օգտակար կլինի այս գլխում կենտրոնանալ Փրկչի մեկ այլ խորհրդանիշի վրա, գրատախտակին գրեք գառ, ժայռ և ջուր բառերը:

Ի՞նչ ընդհանուր բան ունեն այս հասկացությունները: (Դրանք բոլորն օգտագործվում են Փրկչին խորհրդանշելու համար։)
Ինչպե՞ս կարող են դրանք խորհրդանշել Փրկչին:

Անապատում իսրայելացիների գտնվելու 40 տարիների ընթացքում Տերը օգտագործեց բազմաթիվ տարբեր առարկաներ և փորձառություններ՝ նրանց ուսուցանելու Իր զորության մասին՝ բժշկելու և ապահովելու մարդկանց, որոնք դառնում են Իրեն: Երկու տարբեր իրավիճակներում մարդիկ տրտնջացին Մովսեսի դեմ, երբ անապատում ջուր չկար (տես Ելք 17․1–4, Թվեր 20․1–5)։

Դասարանի մի կեսին առաջարկեք կարդալ Ելք 17.5–6 հատվածները, իսկ մյուս կեսին՝ Թվեր 20.7–8 հատվածները՝ խորհելով, թե ինչպես կարող են այս իրադարձությունները խորհրդանշական կերպով հիշեցնել իրենց Հիսուս Քրիստոսի մասին: Անհրաժեշտության դեպքում հիշեցրեք նրանց, որ Փրկիչը մի քանի անգամ համեմատվել է ժայռի կամ քարի հետ (տես Հելաման 5․12, Մովսես 7․53):

Այս հատվածների իրադարձությունները ինչպե՞ս հիշեցրին ձեզ Փրկչի մասին: (Եթե օգնության կարիք ունեք, կարող եք ուսումնասիրել Մովսես 7.53 և Հովհաննես 4.13–14 հատվածները։)

Ինչպես իսրայելացիներն էին Աստծուց կախված՝ անապատում ջուր ստանալու համար, այնպես էլ մենք ենք կախված ենք Աստծուց՝ մեր կարիքները հոգալու համար: Խորհեք, թե ինչպես են այս խորհրդանիշներն օգնում ձեզ ավելի լավ ճանաչել Տիրոջը: