Kapitulo 9
Ni Ubing a ni Jesus
Dimmakkel ni Jesus iti siudad ti Nazaret. Nasursurona ti adu a banag ket “dimmakkel ken pimmigsa, … ket ti gracia ti Dios adda idi kenkuana.”
Lucas 2:39–40
Idi agtawen ni Jesus iti 12, kimmuyog kada Jose ken Maria iti grupo dagiti tao iti maysa a parambak iti Jerusalem. Addada idiay iti uneg ti sumagmamano nga aldaw.
Lucas 2:41–43
Idi nagawid da Jose ken Maria, impagarupda a nakikuyog ni Jesus kadagiti gagayyemna nga agsubli iti Nazaret. Ngem nagbati ni Jesus iti Jerusalem.
Lucas 2:43–44
Idi sinapul da Jose ken Maria ni Jesus, saanda a mabirokan Isuna. Awan ti asino man iti grupoda a nakakita Kenkuana. Nagsubli da Jose ken Maria iti Jerusalem. Sinapulda ni Jesus iti tallo nga aldaw. Nalidayanda unay.
Lucas 2:44–46
Iti kamaudiananna, nasarakanda ni Jesus iti templo, a makisarsarita iti sumagmamano a mannursuro. Sungsungbatanna dagiti saludsodda. Nasdaaw dagiti mannursuro iti kaadu ti ammo ni Jesus.
Lucas 2:46–47 (kitaen iti footnote 46c)
Imbaga ni Maria ken Jesus a nagdanagda ken Jose maipapan Kenkuana. Insungbat ni Jesus nga ar-aramidenna ti trabaho ti Amana—trabaho ti Dios. Saan a naawatan da Jose ken Maria.
Lucas 2:48–50
Nagawid ni Jesus iti Nazaret a nakikuyog kada Jose ken Maria ket nagtulnog kadakuada.
Lucas 2:51
Nasursuro ni Jesus ti ad-adu pay maipapan iti trabaho ti Nailangitan nga Amana.
Lucas 2:52
Dimmakkel iti kinatayag ken kinasirib.
Lucas 2:52
Inayat isuna dagiti tao. Inaramidna ti kayat ti Apo nga aramidenna.
Lucas 2:52
Inayat Isuna ti Dios.
Lucas 2:52