Kapitulo 52
Dagiti Pannakausig ni Jesus
Nangipatulod dagiti dadaulo dagiti Judio kadagiti lallaki nga addaan iti espada ken pang-or iti Minuyongan ti Getsemani.
Mateo 26:47
Ni Judas Iscariote ti kaduada. Binayadan dagiti turayen dagiti papadi ni Judas tapno ipakita kadagiti lallaki no sadino ti yan ni Jesus.
Mateo 26:14–16, 47
Impakita ni Judas kadagiti lallaki no asino ni Jesus babaen ti panangagek Kenkuana. Innala dagiti lallaki ni Jesus. Linais ken pinang-orda Isuna. Kalpasanna impanda ni Jesus iti kanguatan a padi, ni Caifas.
Mateo 26:48–49, 57; Lucas 22:54, 63–65
Nagsaludsod dagiti dadaulo dagiti Judio ken ni Jesus. Kinunada a naglabsing Isuna iti linteg babaen ti panagkunana nga Isu ti Anak ti Dios. Kinuna ni Jesus nga isu ti Anak ti Dios. Kinunada a nagbasol ni Jesus ket nasken a matay.
Lucas 22:66–71
Awan ti turay dagiti dadaulo a Judio a mangpatay ken ni Jesus. Indatagda Isuna ken ni Ponsio Pilato, a mabalin a mangkedngan ken ni Jesus a matay. Imbaga dagiti dadaulo a Judio ken ni Pilato nga insuro ni Jesus kadagiti tao a labsingenda ti linteg a Romano.
Lucas 23:1–2
Saan a napanunot ni Pilato a nagaramid ni Jesus iti ania man a banag a biddut. Kayat ni Pilato a wayawayaanna ni Jesus. Kayat ti ummong a mailansa ni Jesus iti krus.
Lucas 23:14–21
Kayat latta ni Pilato a wayawayaanna ni Jesus. Ngem impukpukkaw dagiti papadi ken dagiti tao a kayatda a mailansa ni Jesus iti krus.
Lucas 23:22–23
Binugguan ni Pilato dagiti imana. Kinunana a saan a responsable isuna iti pannakatay ni Jesus. Kinuna dagiti tao nga isuda ti responsable iti ipapatayna. Imbaga ni Pilato kadagiti soldadona nga ilansada ni Jesus iti krus.
Mateo 27:24–26