Kapitulo 12: Ti Kallaysa iti Cana

Dinar-ayan ni Jesucristo ken dagiti disipulona ti maysa a parambak ti kallaysa iti Cana. Adda idiay ni Maria, ti ina ni Jesus. Imbagana ken ni Jesus nga awanen ti arak para kadagiti sangaili.

Juan 2:1–3

Rinaem ken inayat ni Jesus ti inana. Sinaludsodna kenkuana no ania ti kayat ni Jesus nga aramidenna.

Juan 2:4 (kitaen iti footnote 4a)

Da Jesus ken Maria a makisarsarita kadagiti katulongan

Imbaga ni Maria kadagiti katulongan iti kallaysa nga aramidenda no ania ti imbaga ni Jesus nga aramidenda.

Juan 2:5

Dagiti katulongan a mangpumpunno kadagiti burnay iti danum

Imbaga ni Jesus kadagiti katulongan a punnuenda iti danum ti innem a dadakkel a burnay. Naglaon ti tunggal burnay iti 18 agingga iti 27 a galon (68 ken 102 litro). Kalpasanna pinagbalinna nga arak ti danum.

Juan 2:6–7

dagiti katulongan a mangibukbukbok iti arak manipud kadagiti burnay

Imbagana kadagiti katulongan a mangalada iti arak manipud kadagiti burnay ket iserbi daytoy iti agturay ti parambak.

Juan 2–8

Nasdaaw ti agturay iti parambak idi ininumna ti arak. Gagangay a maiserbi ti kaimasan nga arak iti rugi ti maysa a parambak. Ngem iti daytoy a kanito, kaudian a naiserbi ti kaimasan nga arak.

Juan 2:9–10

Daytoy ti umuna a naisurat a milagro nga inaramid ni Jesus kabayatan ti panagbiagna iti daga. Inaramidna daytoy a makatulong iti inana. Daytoy pay ti nakatulong a nangpapigsa iti pammati dagiti disipulona.

Juan 2:11