Kapitulo 37: Dagiti Sangapulo nga Agkukutel

Ni Jesus nga umas-asideg kadagiti agkukutel

Napan ni Jesus iti bassit nga ili a nakakitaanna iti sangapulo nga agkukutel. Tattao a masakit dagiti agkukutel. Ti sakitda ti gapu ti pannakaalada kadagitoy nakaro a panagletteg iti amin a bagida.

Lucas 17:12

tattao nga agtartaray nga umadayo iti agkukutel

Saan a matulongan dagiti mangngagas dagiti agkukutel. Mabuteng dagiti tao nga umasideg kadakuada. Saanda met a kayat ti agsakit.

Lucas 17:12

dagiti agkukutel a makisarsarita ken ni Jesus

Indawat dagiti agkukutel ken ni Jesus nga agasanna ida. Ammoda a mabalinna nga ikkaten dagiti lettegda.

Lucas 17:13

Kayat ni Jesus a malainganda. Kinunana kadakuada a mapan ket ipakitada ti bagbagida kadagiti papadi.

Lucas 17:14

dagiti agkukutel a mangkitkita kadagiti imada

Iti dalanda a mapan kadagiti papadi, naagasan dagiti sangapulo nga agkukutel. Awanen dagiti lettegda.

Lucas 17:14

maysa nga agkukutel ti agyamyaman ken ni Jesus

Ammo ti maysa kadagiti agkukutel nga inagasan ida ni Jesus. Nagsubli a nagyaman Kenkuana. Dinamag ni Jesus no sadino dagiti dadduma pay a siam nga agkukutel. Saanda a nagsubli. Imbaga ni Jesus iti agkukutel a nagyaman Kenkuana a ti pammati ti agkukutel ti nangpaimbag kenkuana.

Lucas 17:15–19