Dagiti Estoria iti Nasantuan a Kasuratan
Kapitulo 60: Isubli ni Pedro ti Biag ni Tabita

Kapitulo 60

Isubli ni Pedro ti Biag ni Tabita

babai a tumultulong kadagiti tao

Agnaed iti siudad ti Joppe ti maysa a nasayaat a babai nga agnagan iti Tabita. Isu ti maysa a pasurot ni Jesucristo. Tinulonganna ti adu a tao ken adu a nasayaat a bambanag ti inaramidna.

Dagiti Aramid 9:36

tattao nga agsangsangit iti abay ti kama ti babai

Nagsakit ket natay isuna.

Dagiti Aramid 9:37

Ni Pedro iti abay ti kama ti babai

Naibaon dagiti gagayyemna a mangayab ken ni Pedro. Idi makadanon idiay, indawatna kadagiti gagayyem ni Tabita a pumanawda iti siled.

Dagiti Aramid 9:38–40

Ni Pedro a mangtultulong iti babai a tumakder

Nagparintumeng ken nagkararag ni Pedro, kalpasanna imbagana ken ni Tabita a tumakder. Nagmulagat ket timmakder isuna.

Dagiti Aramid 9:40

Ni Pedro a mangtultulong iti babai a magna.

Tinulongan ni Pedro a tumakder. Inawaganna dagiti gagayyemna. Immasidegda ket nakitada a sibibiag isuna. Inusar ni Pedro ti bileg ti kinasaserdote a mangisubli iti biag ni Tabita. Adu a tao iti Joppe ti namati ken ni Jesucristo idi maammuanda maipapan iti panagsubli iti biag ni Tabita.

Dagiti Aramid 9:41–42