Kapitulo 8
Ti Nadangkes nga Ari Herodes
Imbaga dagiti Masirib a Lallaki ken ni Herodes nga agbalinto nga ari ni Jesus. Kayat ni Herodes nga isu laeng ti agbalin nga ari. Imbagana kadagiti soldadona a patayenda ti amin a maladaga iti Betlehem ken kadagiti lugar iti asideg.
Mateo 2:3, 13, 16
Imbaga ti anghel ken ni Jose nga ipanna da Maria ken Jose iti Egipto, maysa a pagilian nga adayo iti Betlehem. Saanto a sapulen ni Herodes ni Jesus sadiay.
Mateo 2:13.
Nagtungpal ni Jose. Adda iti Egipto da Jose ken Maria ken Jesus idi pinapatay dagiti soldado ti amin a maladaga iti Betlehem ken kadagiti lugar iti asideg.
Mateo 2:14, 16
Kalpasan a natay ni Herodes, imbaga ti anghel ken ni Jose a yawidna da Jesus ken Maria. Impan ni Jose ida iti Nazaret, a nakatalgedan ni Jesus.
Mateo 2:19–21, 23