Kapitulo 16: Ti Anak a Lalaki ti Pangulo

lalaki iti abay ti katre ti anak a lalaki

Maysa a pangulo dagiti tao a Judio ti adda anakna a lalaki a masakit unay. Impagarup ti tunggal maysa a dumanin matay ti anakna a lalaki.

Juan 4:46–47

dagiti lallaki a sumasakay kadagiti kabalio

Pinanawan ti lalaki ti anakna iti pagtaengan ket nagdaliasat iti adu a milia a napan iti siudad ti Cana. Idiay a nasarakanna ni Jesus.

Juan 4:47

Kiniddaw ti lalaki iti Mangisalakan nga umay ket agasanna ti anakna. Imbaga ni Jesus kenkuana a maagasanto ti anakna. Namati ti lalaki ken ni Jesus, ket nagawid.

Juan 4:47–50

dagiti katulongan nga agtartaray a mapan iti lalaki

Immay sinabat ida dagiti katulonganna. Imbagada kenkuana a malalainganen ti anakna a lalaki ket agbiag. Sinaludsodna kadakuada no ania nga oras idi mangrugi a malaingan ti anakna a lalaki. Imbagada kenkuana. Maipada daytoy iti oras idi kinuna ni Jesus a maagasanto ti anakna a lalaki.

Juan 4:51–53

lalaki nga umis-isem iti anakna a lalaki

Ammo ti lalaki nga inagasan ni Jesucristo ti anakna a lalaki. Namati isuna ken ti amin iti pamiliana iti Mangisalakan.

Juan 4:53