Kapitulo 55
Idauluan dagiti Apostol ti Simbaan
Kalpasan ti panagungarna, nagtalinaed ni Jesus kadagiti Apostolna iti uneg ti 40 nga aldaw. Sinuruanna ida iti adu a banag maipapan iti ebanghelio ken ti Simbaanna.
Dagiti Aramid 1:1–3
Imbagana kadakuada a mangisuro iti ebanghelio iti amin a tao. Kinunana pay a panawanna ida iti mabiit, ngem umayto ti Espiritu Santo a mangtulong kadakuada.
Dagiti Aramid 1:4–8
Binuya dagiti Apostol ni Jesus nga umul-uli kadagiti ulep. Imbaga ti dua nga anghel a nagkawes iti puraw kadagiti Apostol nga agsublinto ni Jesus manipud iti langit iti maysa nga aldaw.
Dagiti Aramid 1:9–11
Dagiti Apostol itan ti dadaulo ti Simbaan ni Jesucristo iti daga. Ni Pedro ti Presidente, da Santiago ken Juan dagiti mammagbagana.
Mateo 16:18–19; Doktrina ken Katulagan 81:1–2; Jesus the Christ, 219–20
Sangapulo-ket-maysa laeng dagiti Apostol—natayen ni Judas. Imbaga ti Nailangitan nga Ama kadagiti Apostol a pilienda ni Matias nga agbalin a maysa kadagiti Sangapulo-ket-dua nga Apostol. Addaan naisangsangayan a pagrebbengan iti kinasaserdote ti amin dagiti Apostol.
Mateo 27:3–5; Dagiti Aramid 1:15–17, 21–26; Doktrina ken Katulagan 102:8
Adda pammati iti Apo dagiti Apostol ken dagiti dadduma pay a disipulo. Nagtungpalda kadagiti bilinna. Naggiinnayatda iti tunggal maysa.
Dagiti Aramid 2:41–47
Ti kaadda ti kinasaserdote [priesthood] ken bileg ti Espiritu Santo, makaaramid dagiti Apostol iti adu a banag. Inagasanda dagiti masakit ken nagbalinda a misonario. Nangisuroda maipapan ken ni Jesucristo ken ti ebangheliona. Adu ti namati kadagiti balikas dagiti Apostol ken nagkamengda iti Simbaan. Maawagan iti Santo dagiti miembro ti Simbaan.
Dagiti Aramid 2:2–4, 32–33, 36–43, 47; 3:1–8; Taga Roma 1:7