Musika

Nauunawaang mabuti ng mga nakarinig ng musika ang epekto nito sa isip at espiritu. Ang positibo at nakasisiglang musika ay maaaring magdulot ng kaligayahan at kapayapaan. Ang mga himno ng Simbahan ay mahalagang bahagi ng pagsamba at inaanyayahan ang Espiritu ng Panginoon. Ang mga ito ay makatutulong lalo na sa pagkontrol sa mga iniisip ng isang tao. Sa kabilang banda, ang hindi maganda at negatibong musika ay maaaring maghikayat ng mga di-angkop na kaisipan at pag-uugali. Tulad ng iba pang mga uri ng media, hinihikayat ang mga miyembro ng Simbahan na maging maingat sa pagpili ng musika.