« ២៩. ការប្រជុំទាំងឡាយនៅក្នុងសាសនាចក្រ » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ២៩. ការប្រជុំទាំងឡាយនៅក្នុងសាសនាចក្រ » ជម្រើសចេញមកពីក្បួនខ្នាតទូទៅ
២៩.
ការប្រជុំទាំងឡាយនៅក្នុងសាសនាចក្រ
២៩.០
សេចក្ដីផ្ដើម
ពួកបរិសុទ្ធថ្ងៃចុងក្រោយជួបជុំគ្នាដើម្បីថ្វាយបង្គំ ស្អាងគ្នាទៅវិញទៅមកហើយបង្រៀន និងរៀនសូត្រដំណឹងល្អ ( សូមមើល អាលម៉ា ៦:៦; មរ៉ូណៃ ៦:៥–៦ ) ។ ព្រះអង្គសង្រ្គោះបានសន្យាថា « ត្បិតកន្លែងណាដែលមានពីរ ឬបីនាក់ប្រជុំជាមួយគ្នាដោយនូវឈ្មោះខ្ញុំ នោះខ្ញុំក៏នៅកណ្តាលចំណោមអ្នកទាំងនោះដែរ » ( ម៉ាថាយ ១៨:២០ ) ។ ការជួបជុំគ្នាគឺជារបៀបមួយ ដែលដួងចិត្តយើងអាច « ក្រងរួមគ្នាដោយសាមគ្គី ហើយស្រឡាញ់គ្នា » ( ម៉ូសាយ ១៨:២១ ) ។
ប៉ុន្ដែការប្រជុំនេះមិនគួរជំនួសឲ្យការបម្រើ និងការផ្ដល់ការងារបម្រើដូចជាព្រះយេស៊ូវគ្រីស្ទបានធ្វើនោះទេ ។
២៩.១
ការដាក់ផែនការ និងការដឹកនាំការប្រជុំទាំងឡាយ
ថ្នាក់ដឹកនាំដាក់ផែនការ និងដឹកនាំការប្រជុំ « ដូចដែលពួកគេត្រូវបានដឹកនាំដោយព្រះវិញ្ញាណបរិសុទ្ធ ស្របតាមព្រះបញ្ញត្តិ និងវិវរណៈទាំងឡាយនៃព្រះ » ( គោលលទ្ធិ និងសេចក្ដីសញ្ញា ២០:៤៥, សូមមើលផងដែរ មរ៉ូណៃ ៦:៩; គោលលទ្ធិ និងសេចក្ដីសញ្ញា ៤៦:២ ) ។ ពួកគាត់ស្វែងរកវិធីនានា ដើម្បីយាងអញ្ជើញឲ្យមានព្រះចេស្ដានៃព្រះវិញ្ញាណនៅក្នុងការប្រជុំរបស់ពួកគាត់ ។
ថ្នាក់ដឹកនាំធ្វើឲ្យប្រាកដថា ចំនួន និងរយៈពេលនៃការប្រជុំមិនដាក់បន្ទុកទៅលើសមាជិក ឬក្រុមគ្រួសាររបស់ពួកគេទេ ។
២៩.២
ការប្រជុំក្នុងវួដ
២៩.២.១
ការប្រជុំសាក្រាម៉ង់
២៩.២.១.១
ការដាក់ផែនការការប្រជុំសាក្រាម៉ង់
គណៈប៊ីស្សពដាក់ផែនការ និងដឹកនាំការប្រជុំសាក្រាម៉ង់ ។ ពួកគាត់ធ្វើឲ្យប្រាកដថា ការប្រជុំសាក្រាម៉ង់ផ្ដោតលើពិធីសាក្រាម៉ង់ និងការស្ថាបនាសេចក្ដីជំនឿលើព្រះយេស៊ូវគ្រីស្ទ ។
ការប្រជុំសាក្រាម៉ង់មានរយៈពេលមួយម៉ោង ។ វាអាចរួមមានដូចខាងក្រោមនេះ ៖
-
តន្រ្តីកំដរបើកកម្មវិធី ( សូមមើល ១៩.៣.២ សម្រាប់គោលការណ៍ណែនាំ ) ។
-
ការជម្រាបសួរ និងការស្វាគមន៍ ។
-
ការទទួលស្គាល់ដល់អ្នកមានសិទ្ធិអំណាចជាអធិបតី ឬថ្នាក់ដឹកនាំផ្សេងទៀតដែលមកចូលរួម ។
-
ការប្រកាស ។ ការប្រកាសទាំងនេះគួរតែធ្វើឡើងក្នុងកម្រិតអប្បបរមា ។
-
ទំនុកតម្កើងបើក និងការអធិស្ឋានបើក ។ សូមមើល ១៩.៣.២ និង ២៩.៦ ។
-
កិច្ចការវួដ និងកិច្ចការស្តេក មានដូចខាងក្រោម ៖
-
ការដាក់ឈ្មោះ និងការប្រសិទ្ធពរដល់កុមារ ( សូមមើល ១៨.៦ ) ។ ជាធម្មតា ការណ៍នេះធ្វើឡើងនៅក្នុងការប្រជុំតមអាហារ និងទីបន្ទាល់ ( សូមមើល ២៩.២.២ ) ។
-
ពិធីបញ្ជាក់ដល់អ្នកប្រែចិត្តជឿថ្មី ( សូមមើល ១៨.៨ ) ។
-
ទំនុកតម្កើងសាក្រាម៉ង់ និងការបម្រើពិធីសាក្រាម៉ង់ ។ ការប្រជុំនេះគឺផ្តោតសំខាន់ចម្បងទៅលើពិធីសាក្រាម៉ង់ ។ ពិធីបរិសុទ្ធនេះគឺជាឱកាសឲ្យសមាជិកដឹកនាំគំនិតរបស់ពួកគេទៅរកព្រះអង្គសង្គ្រោះ និងពលិកម្មរបស់ទ្រង់សម្រាប់ពួកគេ ។
សម្រាប់ព័ត៌មានបន្ថែមអំពីការរៀបចំ ការប្រសិទ្ធពរ និងការចែកសាក្រាម៉ង់ សូមមើល ១៨.៩ ។
-
សារលិខិតដំណឹងល្អ និងការច្រៀងជាក្រុមជំនុំ ឬចម្រៀងពិសេសផ្សេងទៀត ។
-
ទំនុកតម្កើងបិទ និងការអធិស្ឋានបិទ ។
-
តន្ត្រីកំដរបិទកម្មវិធី ។
២៩.២.១.៤
ការជ្រើសរើសអ្នកឡើងនិយាយ
គណៈប៊ីស្សពជ្រើសរើសអ្នកឡើងនិយាយសម្រាប់ការប្រជុំសាក្រាម៉ង់ ។ ភាគច្រើនបំផុត ពួកគាត់អញ្ជើញសមាជិកក្នុងវួដ រួមទាំងយុវវ័យ និងកុមារផងដែរ ។
អ្នកឡើងនិយាយថ្លែងទីបន្ទាល់អំពីព្រះយេស៊ូវគ្រីស្ទ និងបង្រៀនដំណឹងល្អរបស់ទ្រង់ដោយប្រើប្រាស់ព្រះគម្ពីរ ( សូមមើល គោលលទ្ធិ និងសេចក្ដីសញ្ញា ៤២:១២, ៥២:៩ ) ។
២៩.២.២
ការប្រជុំតមអាហារ និងថ្លែងទីបន្ទាល់
នៅក្នុងការប្រជុំតមអាហារ និងថ្លែងទីបន្ទាល់ ពុំមានអ្នកឡើងនិយាយដែលបានចាត់តាំង ឬការជ្រើសរើសតន្ដ្រីពិសេសនោះទេ ។ ផ្ទុយទៅវិញ បុគ្គលដែលដឹកនាំការប្រជុំថ្លែងទីបន្ទាល់ខ្លីមួយ ។ បន្ទាប់មក គាត់អញ្ជើញសមាជិកនៃក្រុមជំនុំឲ្យឡើងថ្លែងទីបន្ទាល់របស់ពួកគេ ។ ការថ្លែងទីបន្ទាល់មានន័យថា ការប្រកាសអំពីសេចក្ដីពិតដំណឹងល្អដូចបានបំផុសគំនិតដោយព្រះវិញ្ញាណបរិសុទ្ធ ។
២៩.២.៣
សន្និសីទវួដ
២៩.២.៤
ការប្រជុំគណៈប៊ីស្សព
បញ្ហានានាសម្រាប់ការពិចារណាអាចរួមមាន ៖
-
ការសម្របសម្រួលកិច្ចការនៃសេចក្តីសង្រ្គោះ និងភាពតម្កើងឡើងនៅក្នុងវួដ ។
-
ការពង្រឹងបុគ្គលម្នាក់ៗ និងក្រុមគ្រួសារនៅក្នុងវួដ—ជាពិសេសយុវវ័យ និងកុមារ ។
-
ការកំណត់ពីសមាជិកដែលអាចរៀបចំខ្លួនដើម្បីទទួលពិធីបរិសុទ្ធ រួមមានការតែងតាំងបព្វជិតភាពផងដែរ ។
-
ការកំណត់ពីសមាជិកដើម្បីហៅឲ្យបម្រើក្នុងតំណែងវួដ ។
២៩.២.៥
ការប្រជុំក្រុមប្រឹក្សាវួដ
ប៊ីស្សពដាក់ផែនការ ធ្វើជាអធិបតី និងដឹកនាំការប្រជុំក្រុមប្រឹក្សាវួដ ។ ក្រុមប្រឹក្សាមិនអាចធ្វើការសម្រេចចិត្តធំៗដោយគ្មានប៊ីស្សពបាននោះទេ ។
ថ្នាក់ដឹកនាំអង្គការវួដចូលរួមក្នុងការប្រជុំក្រុមប្រឹក្សាវួដក្រោមមុខងារពីរ ៖
-
ជាសមាជិកនៃក្រុមប្រឹក្សាវួដដែលជួយផ្ដល់ពរជ័យដល់សមាជិកវួដទាំងអស់ ។
-
ជាអ្នកតំណាងឲ្យអង្គការរបស់ពួកគាត់ ។
នៅពេលពួកគាត់ជួបជុំគ្នា នោះសមាជិកក្រុមប្រឹក្សាវួដពិភាក្សាពីបញ្ហានានា ដែលនឹងទទួលប្រយោជន៍ពីកិច្ចខិតខំរួមគ្នាក្នុងក្រុមប្រឹក្សាទាំងមូល ។ សមាជិកក្រុមប្រឹក្សាម្នាក់ៗត្រូវបានលើកទឹកចិត្តឲ្យចែកចាយគំនិត និងការបំផុសគំនិតរបស់គាត់ទាក់ទងនឹងបញ្ហាទាំងនេះ ។
ជាធម្មតា ការប្រជុំក្រុមប្រឹក្សាវួដមានរយៈពេលពុំលើសពីមួយម៉ោងឡើយ ។ ពួកគាត់ចាប់ផ្ដើមដោយការអធិស្ឋាន និងការរាយការណ៍ខ្លីៗអំពីកិច្ចការចាត់តាំងមកពីការប្រជុំលើកមុន ។ ប៊ីស្សពផ្ដល់អាទិភាពលើបញ្ហាដែលចាំបាច់បំផុត ដើម្បីផ្ដល់ពរជ័យដល់បុគ្គលម្នាក់ៗ និងក្រុមគ្រួសារ ។
-
ការរស់នៅតាមដំណឹងល្អរបស់ព្រះយេស៊ូវគ្រីស្ទ ។ ការជួយសមាជិកទាំងអស់ឲ្យស្ថាបនាសេចក្ដីជំនឿ ទទួលពិធីបរិសុទ្ធដ៏សង្គ្រោះ និងរក្សាសេចក្តីសញ្ញារបស់ពួកគេ ។
-
ការមើលថែដល់អ្នកខ្វះខាត ។ ការចែកចាយធនធាន និងជំនាញដើម្បីផ្ដល់ពរជ័យដល់បុគ្គលម្នាក់ៗ ក្រុមគ្រួសារ និងសហគមន៍ ។ ការជួយសមាជិកវួដឲ្យមានភាពខ្លួនទីពឹងខ្លួន ។ ( សូមមើល ជំពូកទី ២២ ) ។
-
ការអញ្ជើញមនុស្សទាំងអស់ឲ្យទទួលយកដំណឹងល្អ ។ ការពិនិត្យមើលការរីកចម្រើនរបស់អស់អ្នកដែលកំពុងរៀនដំណឹងល្អ ព្រមទាំងសមាជិកថ្មី និងសមាជិកដែលត្រឡប់មកសកម្មឡើងវិញផងដែរ ។ ការពិភាក្សាពីរបៀបដែលសមាជិកអាចចែកចាយដំណឹងល្អជាមួយមនុស្សដទៃ ។ ( សូមមើល ជំពូកទី ២៣ ) ។
-
ការបង្រួបបង្រួមក្រុមគ្រួសារសម្រាប់ភាពអស់កល្ប ជានិច្ច ។ ការពិនិត្យមើលការរីកចម្រើនរបស់សមាជិកដែលកំពុងរៀបចំខ្លួនទទួលពិធីបរិសុទ្ធក្នុងព្រះវិហារបរិសុទ្ធ ។ ការដាក់ផែនការពីរបៀបដើម្បីជួយសមាជិកជាច្រើនទៀតឲ្យមានភាពស័ក្ដិសមនឹងកាន់ប័ណ្ណចូលព្រះវិហារបរិសុទ្ធ ។ ការពិភាក្សាពីរបៀបដែលសមាជិកអាចចូលរួមក្នុងកិច្ចការព្រះវិហារបរិសុទ្ធ និងពង្សប្រវត្តិ ។ ( សូមមើល ជំពូកទី ២៥ ) ។
សមាជិកក្រុមប្រឹក្សាត្រូវតែរក្សាការសម្ងាត់ទាក់ទងនឹងព័ត៌មានរសើប ឬព័ត៌មានឯកជនណាមួយ ( សូមមើល ៤.៤.៦ ) ។
២៩.២.៦
ការប្រជុំក្រុមប្រឹក្សាយុវវ័យវួដ
ពីមុនការប្រជុំនីមួយៗ ប៊ីស្សព និងបុគ្គលដែលដឹកនាំការប្រជុំពិនិត្យមើលចំណុចដែលត្រូវពិភាក្សា ។
-
កិច្ចការនៃសេចក្តីសង្រ្គោះ និងភាពតម្កើងឡើង ។
-
តម្រូវការរបស់យុវវ័យនៅក្នុងវួដ និងរបៀបដោះស្រាយតម្រូវការទាំងនោះ ។
-
កិច្ចខិតខំឈោងទៅជួយយុវវ័យដែលមិនសូវសកម្ម ឬជាសមាជិកថ្មី ។
-
សកម្មភាពនានា រួមមានឱកាសដើម្បីបម្រើអ្នកខ្វះខាត ។ ការដាក់ផែនការនេះភាគច្រើនធ្វើឡើងនៅក្នុងការប្រជុំកូរ៉ុម ឬការប្រជុំគណៈប្រធានថ្នាក់ ( សូមមើល ជំពូកទី២០ ) ។
-
ការផ្ដល់ការងារបម្រើ ( សូមមើល ជំពូកទី២១ ) ។
-
ការតម្រង់ទិសដល់គណៈប្រធានកូរ៉ុម និងគណៈប្រធានថ្នាក់ដែលទើបបានហៅថ្មីៗ ។
២៩.២.៨
កាលវិភាគសម្រាប់ការប្រជុំថ្ងៃអាទិត្យ
វួដប្រើកាលវិភាគណាមួយដែលមានរយៈពេលពីរម៉ោងដូចខាងក្រោមនេះសម្រាប់ការប្រជុំថ្ងៃអាទិត្យ ។
ផែនការទី ១
|
៦០ នាទី |
ការប្រជុំសាក្រាម៉ង់ |
|---|---|
|
១០ នាទី |
ការបំបែកគ្នាទៅតាមថ្នាក់ និងការប្រជុំទាំងឡាយ |
|
៥០ នាទី |
ថ្ងៃអាទិត្យទាំងអស់ ៖ អង្គការបឋមសិក្សា រួមទាំងថ្នាក់ទារកដ្ឋាន ថ្ងៃអាទិត្យទីមួយ និងទីបីនៃខែ ៖ សាលាថ្ងៃអាទិត្យ ថ្ងៃអាទិត្យទីពីរ និងទីបួន ៖ ការប្រជុំកូរ៉ុមបព្វជិតភាព ការប្រជុំសមាគមសង្គ្រោះ និងការប្រជុំក្រុមយុវនារី ។ ថ្ងៃអាទិត្យទីប្រាំ ៖ ការប្រជុំសម្រាប់យុវវ័យ និងមជ្ឈិមវ័យ ។ គណៈប៊ីស្សពកំណត់អំពីប្រធានបទ ហើយចាត់តាំងគ្រូបង្រៀន ។ |
ផែនការទី២
|
៥០ នាទី |
ថ្ងៃអាទិត្យទាំងអស់ ៖ អង្គការបឋមសិក្សា រួមទាំងថ្នាក់ទារកដ្ឋាន ថ្ងៃអាទិត្យទីមួយ និងទីបីនៃខែ ៖ សាលាថ្ងៃអាទិត្យ ថ្ងៃអាទិត្យទីពីរ និងទីបួន ៖ ការប្រជុំកូរ៉ុមបព្វជិតភាព ការប្រជុំសមាគមសង្គ្រោះ និងការប្រជុំក្រុមយុវនារី ។ ថ្ងៃអាទិត្យទីប្រាំ ៖ ការប្រជុំសម្រាប់យុវវ័យ និងមជ្ឈិមវ័យ ។ គណៈប៊ីស្សពកំណត់អំពីប្រធានបទ ហើយចាត់តាំងគ្រូបង្រៀន ។ |
|---|---|
|
១០ នាទី |
ការបំបែកគ្នាទៅកាន់ការប្រជុំសាក្រាម៉ង់ |
|
៦០ នាទី |
ការប្រជុំសាក្រាម៉ង់ |
២៩.៣
ការប្រជុំស្តេក
២៩.៣.១
សន្និសីទស្តេក
២៩.៣.២
ការប្រជុំបព្វជិតភាពទូទៅស្តេក
២៩.៣.៣
ការប្រជុំថ្នាក់ដឹកនាំបព្វជិតភាពស្តេក
២៩.៣.៤
ការប្រជុំថ្នាក់ដឹកនាំស្តេក
២៩.៣.៥
ការប្រជុំគណៈប្រធានស្តេក
២៩.៣.៦
ការប្រជុំក្រុមប្រឹក្សាជាន់ខ្ពស់
២៩.៣.៧
ការប្រជុំក្រុមប្រឹក្សាស្តេក
២៩.៣.៨
ការប្រជុំគណៈកម្មការភាពជាអ្នកដឹកនាំមជ្ឈិមវ័យស្តេក
២៩.៣.៩
ការប្រជុំគណៈកម្មការភាពជាអ្នកដឹកនាំយុវវ័យស្តេក
២៩.៣.១០
ការប្រជុំក្រុមប្រឹក្សាប៊ីស្សពស្តេក
២៩.៥
ពិធីបុណ្យសព និងកម្មវិធីដទៃទៀតសម្រាប់មរណជន
២៩.៥.១
គោលការណ៍ទូទៅ
គោលបំណងដ៏សំខាន់មួយនៃកម្មវិធីបុណ្យសម្រាប់មរណជនក្នុងសាសនាចក្រគឺ ការថ្លែងទីបន្ទាល់អំពីផែនការនៃសេចក្ដីសង្គ្រោះ ជាពិសេសគឺដង្វាយធួន និងការមានព្រះជន្មរស់ឡើងវិញរបស់ព្រះអង្គសង្គ្រោះ ។ កម្មវិធីបុណ្យទាំងនេះគួរតែជាបទពិសោធន៍ខាងវិញ្ញាណមួយ ដែលមានសេចក្ដីថ្លៃថ្នូរ ។
ថ្នាក់ដឹកនាំសាសនាចក្រមិនគួរបញ្ចូលពិធីសាសនារបស់សាសនា ឬក្រុមផ្សេងទៀតទៅក្នុងកម្មវិធីបុណ្យក្នុងសាសនាចក្រសម្រាប់មរណជននោះទេ ។
២៩.៥.២
ការផ្តល់ជំនួយតមអាហារដល់គ្រួសារ
ក្នុងនាមជាសិស្សរបស់ព្រះយេស៊ូវគ្រីស្ទ ថ្នាក់ដឹកនាំ និងសមាជិកសាសនាចក្រ « ទួញយំជាមួយនឹងអ្នកណាដែលទួញយំ … ហើយកម្សាន្ដទុក្ខដល់អស់អ្នកណាដែលកំពុងត្រូវការកម្សាន្ដទុក្ខ » ( ម៉ូសាយ ១៨:៩ ) ។ នៅពេលសមាជិកម្នាក់ស្លាប់ នោះប៊ីស្សពទៅសួរសុខទុក្ខគ្រួសារនោះ ដើម្បីផ្ដល់ការលួងលោម ។
ប៊ីស្សពផ្ដល់ជំនួយមកពីសមាជិកវួដ រួមមានកូរ៉ុមអែលឌើរ និងសមាគមសង្គ្រោះ ។
២៩.៥.៤
កម្មវិធីបុណ្យសព ( នៅកន្លែងដែលធ្វើតាមប្រពៃណី )
បុណ្យសពដែលបានដឹកនាំកម្មវិធីដោយប៊ីស្សព មិនថានៅក្នុងអគារសាសនាចក្រ ឬទីណាផ្សេងទៀតនោះទេ គឺជាការប្រជុំសាសនាចក្រ និងជាកម្មវិធីបុណ្យតាមសាសនា ។ វាគួរតែជាពេលវេលាខាងវិញ្ញាណមួយ ។
ពិធីបុណ្យសពគួរតែចាប់ផ្តើមឲ្យទាន់ពេល ។ ជាទូទៅ កម្មវិធីបុណ្យសពមិនគួរហួសពីរយៈពេលមួយម៉ោងកន្លះឡើយ ព្រោះជាការគួរសមដល់អ្នកចូលរួមបុណ្យសពនោះ ។
ជាធម្មតា កម្មវិធីបុណ្យសពមិនធ្វើឡើងនៅថ្ងៃអាទិត្យទេ ។
២៩.៦
ការអធិស្ឋាននៅក្នុងការប្រជុំសាសនាចក្រ
ការអធិស្ឋាននៅក្នុងការប្រជុំសាសនាចក្រគួរតែខ្លី សាមញ្ញ និងបានដឹកនាំដោយព្រះវិញ្ញាណ ។ សមាជិកសាសនាចក្រដែលបានជ្រមុជទឹករួចហើយណាម្នាក់អាចផ្ដល់ការអធិស្ឋានបើក ឬការអធិស្ឋានបិទបាន ។ កុមារដែលមិនបានទទួលបុណ្យជ្រមុជទឹក អាចអធិស្ឋាននៅក្នុងអង្គការបឋមសិក្សាបាន ។
២៩.៧
ការផ្សាយបន្ដផ្ទាល់ការប្រជុំ និងការប្រជុំតាមអ៊ីនធឺណិត
ក្នុងករណីលើកលែង ប៊ីស្សពអាចអនុញ្ញាតឲ្យមានការផ្សាយបន្ដផ្ទាល់នូវការប្រជុំសាក្រាម៉ង់ និងពិធីបុណ្យសព និងពិធីរៀបអាពាហ៍ពិពាហ៍ដែលធ្វើឡើងនៅក្នុងសាលាប្រជុំបាន ។
ការផ្សាយបន្ដផ្ទាល់ពីការប្រជុំសាក្រាម៉ង់មិនគួរបញ្ចូលផ្នែកបម្រើសាក្រាម៉ង់នោះទេ ។
សម្រាប់ការប្រជុំមួយចំនួន ប៊ីស្សព ឬប្រធានស្ដេកអាចអនុញ្ញាតឲ្យសមាជិកដែលមិនអាចចូលរួមបានដោយផ្ទាល់ ចូលរួមតាមអ៊ីនធឺណិតបាន ។ ការប្រជុំទាំងនេះអាចរួមមាន ៖
-
ការប្រជុំថ្នាក់ដឹកនាំ ដូចជាការប្រជុំគណៈប្រធាន ឬការប្រជុំក្រុមប្រឹក្សា ។
-
ការប្រជុំកូរ៉ុម សមាគមសង្គ្រោះ និងក្រុមយុវនារី ។
-
ថ្នាក់សាលាថ្ងៃអាទិត្យ ។
-
ថ្នាក់អង្គការបឋមសិក្សា និងម៉ោងច្រៀងចម្រៀង ។
២៩.៨
ការថតរូបថត និងការថតវីដេអូនៃការប្រជុំ
ដើម្បីរក្សាភាពពិសិដ្ឋនៃការប្រជុំរបស់សាសនាចក្រ នោះគ្មាននរណាម្នាក់គួរតែថតរូប ឬថតវីដេអូនៃការប្រជុំសាក្រាម៉ង់ ឬសន្និសីទស្តេកឡើយ ។
សម្រាប់ព័ត៌មានអំពីការថតចាក់ផ្សាយការប្រជុំ សូមមើល ២៩.៧ ។
២៩.៩
ការបកប្រែផ្ទាល់មាត់សម្រាប់កិច្ចប្រជុំ
នៅក្នុងស្តេកដែលសមាជិកនិយាយភាសាដើមច្រើនជាងមួយភាសា នោះសមាជិកមួយរូបនៃគណៈប្រធានស្ដេកអាចហៅអ្នកសម្របសម្រួលការបកប្រែប្រចាំស្ដេក ។ ប៊ីស្សពអាចហៅអ្នកបកប្រែប្រចាំវួដ ។
សម្រាប់ព័ត៌មានបន្ថែម សូមមើល Church Interpretation Training and Best Practices នៅគេហទំព័រ ChurchofJesusChrist.org ។