Te uiuira’a nō te ’aravihi pae reo nō te tu’u i roto i nā pupu EnglishConnect

Teie hi’opo’ara’a e uiuira’a poto ïa ’eiaha ’ia hau atu i te pae minuti te maoro. E tauturu teie uiuira’a nō te reo i te hi’o e tu’u ānei i te hō’ē pīahi i roto i te EnglishConnect 1 ’e ’aore rā te 2. ’A fa’a’ohipa i teie pāpie ’ohipa nō te rave i te ’uiuira’a ’e nō te tānota i te mau pāhonora’a a te ta’ata tei uiuihia.

« Te uiuira’a nō te ’aravihi pae reo » e nehenehe e nene’i

E tānotahia te pāhonora’a tāta’itahi mai teie i muri nei :

• 0 = e’ita roa atu e nehenehe e pāhono i te uira’a

• 1 = mea iti ’e ’aore rā ’aita e ’aravihi nō te pāhono ; e mea pāhono i te hō’ē noa ta’o

• 2 = e nehenehe e hōro’a i te mau pāhonora’a tāmau-’ā’au-hia, e rave rahi hape

• 3 = e hāmani i te pāhonora’a tū’ati ma te pereota tāmau-’ore-hia, noa atu ē e mau hape

• 4 = e hāmani i te pāhonora’a tū’ati ma te hape iti noa

• Fāito nota : 0–7 = EnglishConnect 1

• Fāito nota : 8–11 = EnglishConnect 2

• Fāito nota : 12+ = EnglishConnect 2 ma te anira’a ’ia tāpa’o i tō rātou i’oa nō te EnglishConnect 3

Mai te peu e 1 te rahira’a o te mau nota a te pīahi, e tu’uhia ’oia i roto i te EnglishConnect 1. Mai te peu e 2 ’aore rā e 3 te rahira’a o te mau nota a te pīahi, e tu’uhia ’oia i roto i te EnglishConnect 2. Mai te peu e 3 ’aore rā e 4 te rahira’a o te mau nota a te pīahi, e nehenehe ā tāna e haere i roto i te EnglishConnect 2, mai te mea ’ua hina’aro ’oia, teie rā e ’anihia ato’a ’oia ’ia tāpa’o i tōna i’oa nō te EnglishConnect 3 (hi’o englishconnect.org/join).

’A tauturu i te pīahi ’ia tupu tōna mana’o māta’u ’ore maoti te fa’aineinera’a i te tahi vāhi nō te auhoara’a. ’A aroha i te pīahi ’e ’a fa’a’ite atu ’o vai ’oe, ma te ’ōhie. ’Ei hi’ora’a : « Hi. My name is . What’s your name? »

’A ui iāna i te mau uira’a tei tāpurahia i raro nei.