E aha te mea i ta’a ’ē mau ai te EnglishConnect ?

I roto i te EnglishConnect, tē rave nei tātou nā roto i te fa’aro’o nō te ’imi i te tauturu a te Fatu nō te ha’api’i i te reo peretāne. ’A ’imi noa ai tātou i te tauturu a te Fatu nō te ha’api’i i te reo peretāne, e nehenehe tātou e fātata atu ā i te Atua ’e e ’ite i te mana fa’aau a te Fa’aora. I roto i te ha’api’ira’a tāta’itahi, e ha’api’i tātou ’e e fa’a’ohipa tātou i te hō’ē parau tumu pae vārua nō te ’apora’a ha’api’ira’a. ’O te Vārua te ’orometua mau, ’e e nehenehe tātou e ’imi i te mau hōro’a a te Vārua nō te tauturu ia tātou ’ia ha’api’i, mai te hōro’a nō te mau reo (hi’o Te Ha’api’ira’a Tumu ’e te mau Fafaura’a 46:8–26).

2:7

I roto i te EnglishConect, tē tītau manihini nei tātou i te Vārua ’a here ai tātou, ’a ha’api’i ai ’e ’a turu ai te tahi i te tahi. E patu tātou i te hoara’a ma te tauturu te tahi i te tahi ’ia vai ’ana’anatae noa. Ma te ’āmui e fa’arahi tātou i tō tātou ti’aturira’a, e ’apo tātou i te ha’api’ira’a mai roto mai i tā tātou mau hape, ’e e ha’apoupou tātou i tō tātou nu’ura’a i mua. ’Ia ’apo mai tātou i te ha’api’ira’a nō ’ō mai i te Vārua, e « māramarama [tātou] te tahi i te tahi […] ’e ’ua ’oa’oa ’āpipiti » (Te Ha’api’ira’a Tumu ’e te mau Fafaura’a 50:22).

1:55

I roto i te EnglishConnect, e hau atu tā tātou ’ohipa i te ha’api’i-noa-ra’a i te reo peretāne ; e fa’arahi ato’a tātou i tō tātou ’aravihi ’ia ’apo i te ha’api’ira’a ’e ’ia ha’api’i i te ta’ata. Noa atu ā te vāhi tātou e ha’amata, e ’ohipa tātou ma te pūai ’e e ’āpiti tātou i te Atua nō te tāpae i tā tātou mau fā. Tē rave nei tātou nā roto i te fa’aro’o nō te ha’api’ipi’i i te reo peretāne i te mahana tāta’itahi. Tē fa’aitoito nei tātou i te ha’api’i « nā roto i te ha’api’i ’e nā roto ato’a i te fa’aro’o » (Te Ha’api’ira’a Tumu ’e te mau Fafaura’a 88:118) i roto i te mau tuha’a ato’a o tō tātou orara’a.

2:26