Ha’amāramaramara’a mana

’Ua fāri’i te Piha tōro’a o te pāruru rahi (OGC) i te mau arata’ira’a e fa’atupu i muri nei nō te fa’anahora’a EnglishConnect. E fa’a’ohipahia teie mau arata’ira’a nā te ao ato’a nei nō te EnglishConnect 1 ’e te 2, ’ia au i te mau tītaura’a ta’a ’ē i te pae o te ture a te fenua tāta’itahi i fa’ata’ahia i roto i te parau ha’apotora’a i te pae o te ture o te EnglishConnect nō te fenua tāta’itahi (hi’o i te mau tītaura’a ta’a ’ē nō te fenua tāta’itahi i ni’a ia englishconnect.org/leader/approved-locations).

• ’Ia roa’a mai te parau fa’ati’a a te metua nō te ta’ata tāta’itahi e 18 matahiti ’aore rā i raro mai ’o te ’āmui mai, ma te fa’a’ohipa i te parau fa’ati’a nene’i nā te metua. E noa’a te mau parau fa’ati’a nene’i nā roto e rave rahi reo i ni’a ia englishconnect.org/resources/leader.

  • ’Ia roa’a mai nā tu’urimara’a e piti a nā metua mai te mea e ti’a. Mai te peu tē ora nei te ta’ata 18 matahiti ’aore rā i raro mai ’ōna ana’e, ’aita e tītauhia te parau fa’ati’a a te mau metua.

  • E ti’a i te mau parau fa’ati’a nene’i tei fa’a’īhia ’ia tāpe’ahia e te feiā fa’atere o te fenua iho ’e ’ia roa’a noa nō te hi’opo’ara’a.

• E ani i te mau ’orometua ha’api’i ’ia rave i te ha’api’ipi’ira’a a te ’Ēkālesia nō te « Protecting Children and Youth [Pāruru i te mau Tamari’i ’e te Feiā ’Āpī]. » ’A pe’e i te mau fa’aturera’a ato’a i te fenua nō te hi’opo’ara’a ’e nō te pi’ira’a i te mau ’orometua ha’api’i nō te feiā ’āpī, nō te mau ’orometua ha’api’i ato’a o te EnglishConnect ’o tē ha’api’i i te hō’ē ta’ata i raro mai i te 21 matahiti.

• ’Eiaha e fa’a’aufau i te mau ta’ata nō te fa’aōra’a mai i roto i te fa’anahora’a.

  • E nehenehe te mau ta’ata e ’āmui mai i te EnglishConnect e fa’auta uira i te mau mātēria nō te fa’anahora’a nā ni’a te tu’urēni ma te tāmoni ’ore, ’aore rā e nehenehe te mau ’āmuira’a o te fenua iho e ho’o mai i te mau mātēria nā te pupu, nā roto i te mau rāve’a ’ōperera’a e vau ra i ni’a ia store.churchofjesuschrist.org. E nehenehe ato’a te mau ta’ata e ’āmui mai e ho’o mai i te mau mātēria nā roto mai i teie rāve’a mai te mea e hina’aro rātou.

  • ’Eiaha te mau ’orometua ha’api’i o te EnglishConnect e hōro’a ’aore rā e fāri’i i te moni ’aore rā i te mau tao’a hōro’a ’ei tuha’a nō te hō’ē autā’atira’a ’aore rā nō te ha’api’ira’a i te mau ta’ata e ’āmui mai i te EnglishConnect.

• ’A tu’u i te hō’ē ha’api’ira’a fa’aro’o rahi i roto hō’ē a’e i ni’a i te toru o te mau ha’api’ira’a ato’a. (E ti’a i te ha’api’ira’a fa’aro’o ’ia ravehia e 20 minuti o te mau hora ha’api’ira’a tāta’itahi ’aore rā e 30 minuti o nā 90 minuti ha’api’ira’a tāta’itahi.) Fa’ata’ara’a : Mai te mea e hōro’ahia te mau ha’api’ira’a mai tei ’ōpuahia ’e e tu’u iho ā te ’orometua ha’api’i i te ’ātivite « ’Āparaura’a i te parau tumu nō te ha’api’ira’a mai » i te taime nō te pupu ’āparaura’a, ’ua pāhonohia ïa teie tītaura’a.

• ’A pe’e i te mau arata’ira’a ato’a nō te fa’anahora’a e vai ra i roto i te Buka arata’i nō te EnglishConnect ’e te Buka nā te ’orometua ha’api’i, ’oia ato’a te fa’a’ohipara’a i te rāve’a nō te tāpa’ora’a nā ni’a te tu’urēni i te QuickReg (quickreg.englishconnect.org) nō te ha’apāpū i te ’ōmo’era’a o te parau nō te orara’a.

• Nō te ’orera’a ’ia ha’afifihia te mau parau tītiromana [visa] o te mau misiōnare ’aore rā te ti’ara’a mana o te ’Ēkālesia i roto i te hō’ē fenua, te mau misiōni ato’a ’o tei ’ore ā i fa’a’ohipa i te ha’api’ira’a nō te reo peretāne ’ei rāve’a fārereira’a, e mea ti’a ïa ’ia roa’a te parau fa’ati’a ta’a ’ē a te OGC hou ’a fa’a’ohipa ai i te mau mātēria o te EnglishConnect.

’Ua fa’aterehia ’e ’ua fa’a’ohipahia te EnglishConnect 3 e BYU–Pathway Worldwide. Nō te reira, tē ’ohipa nei te reira i raro a’e i te hō’ē ā tītaura’a e BYU–Pathway.

I roto i te mau fenua ’ua fa’ati’ahia te fa’atīanianira’a nō te EnglishConnect 1 ’e te 2, e nehenehe te mau titi, te mau pāroita ’e te mau misiōni o te fenua iho e fa’atīani i te mau pupu EnglishConnect 1 ’e te 2, i te huira’atira rahi ’ia au i te mau arata’ira’a ta’a ’ē o te fa’atīanianira’a o te fenua tāta’itahi (hi’o te mau tītaura’a ta’a ’ē o te fenua tāta’itahi i ni’a ia englishconnect.org/leader/approved-locations). E mea ti’a i te mau fa’atīanianira’a ’ia vai te mau mea ato’a i muri nei :

1. Hō’ē vāhi ’ia ’ite pāpū-maita’i-hia te i’oa o te ’Ēkālesia.

2. Hō’ē parau ha’apāpūra’a ē e mea tāmoni ’ore te EnglishConnect 1 ’e te 2.

3. Hō’ē parau ha’apāpūra’a ē ’aita tō te EnglishConnect 1 ’e te 2 e parau fa’ati’ara’a.

Te EnglishConnect e fa’anahora’a ïa tei hōro’ahia mai e Te ’Ēkālesia a Iesu Mesia i te Feiā Mo’a i te mau Mahana Hope’a nei. Te parau fatura’a ato’a i roto i te mau mātēria o te EnglishConnect, ’ua mauhia ’aore rā ’ua hōro’ahia ma te parau fa’ati’a e Intellectual Reserve, Inc., ’ia fa’a’ohipahia e te mau ’āmuira’a a te ’Ēkālesia mai te mau titi, te mau mata’eina’a ’e te mau misiōni. Nō te tahi atu fa’a’ohipara’a i te mātēria o te EnglishConnect e tītauhia ïa te parau fa’ati’a pāpa’ihia e au ai. Nō te ani i te parau fa’ati’a nō te fa’a’ohipa i te mau mātēria o te EnglishConnect, ’a fa’a’ī i te hō’ē parau anira’a nene’i i ni’a ia permissions.ChurchofJesusChrist.org.

E mea ti’a i te mau pupu EnglishConnect ’ia pe’e tāmau noa i te Church policies for protecting youth [Fa’aturera’a a te ’Ēkālesia nō te pārurura’a i te feiā ’āpī] (’oia ho’i te mau ta’ata e ’āmui mai e 18 matahiti ’aore rā i raro mai). E ti’a i te mau tauti’a ’ore ’ia roa’a te hō’ē parau fa’ati’a nene’i tei tu’urimahia e nā metua, hou ’a ’āmui mai ai i roto i te hō’ē pupu EnglishConnect. E roa’a te mau parau nene’i nā roto e rave rahi reo nā ni’a te tu’urēni i te englishconnect.org/resources/leader. E ti’a i te mau parau nene’i tei fa’a’īhia ’ia tāpe’ahia e te feiā fa’atere o te fenua iho ’e ’ia ’ōhie noa nō te hi’opo’ara’a.

Nō te mea e nehenehe te EnglishConnect e fa’aō mai i te mau pīahi tauti’a ’ore, e ti’a i te feiā fa’atere o te ’ēkālesia e uiui i te ’orometua ha’api’i fāito ti’a tāta’itahi ’e ’ia hi’opo’a i te parau melora’a o te ta’ata nō te tāpa’opa’ora’a, hou ’a rave ai i te hō’ē pi’ira’a. Hau atu ā, e tītauhia e piti a’e ta’ata pa’ari ti’a’au ’ia pārahi mai i te mau taime ato’a i te roara’a o te ’āmuira’a pupu. ’Aita e ti’a i te mau ’orometua ’ia ’ohipa hō’ē hō’ē ’e te hō’ē pīahi tauti’a ’ore ma te ’ōmo’e. E ti’a ia ’outou ’ia pe’e i teie mau fa’aturera’a noa atu e ’āmui te pupu nā ni’a te tu’urēni.

E fa’anahora’a te EnglishConnect tei hōro’ahia mai e Te ’Ēkālesia a Iesu Mesia i te Feiā Mo’a i te mau Mahana Hope’a nei. Nō te mau fa’ahu’ahu’ara’a hau atu ā nō ni’a e nāhea tō ’outou mau putu’ite i te ravehia, ’a hi’o atu i ni’a ia ChurchofJesusChrist.org ’e ’a pata i ni’a Privacy Notice [Fa’aarara’a nō te ’ōmo’era’a i raro roa i te ’api.

E ti’a i te mau ta’ata e ’āmui mai ’ia fāri’i i te mau tītaura’a nō te ’āmuira’a mai, ’o te ’itehia i ni’a te ChurchofJesusChrist.org/legal/englishconnect-terms-of-participation. E nehenehe te mau ta’ata e ’āmui mai e fāri’i i te mau tītaura’a nō te ’āmuira’a mai nā ni’a te tu’urēni, ’ia tāpa’o ana’e te hō’ē rautī nō te EnglishConnect ia rātou i roto te QuickReg.

’Eiaha te mau ’orometua ha’api’i nō te EnglishConnect e pia i te mau hōho’a i ni’a i te mau rāve’a ha’apararera’a tōtiare nō te feiā ’o tā rātou e ha’apa’o nei ’aore rā e ha’api’i nei.

’Aita te EnglishConnect e fana’o nei i te hō’ē huru ha’amanara’a, nō te parau tū’ite ’aore rā te mana e hōro’ahia e te hō’ē fa’anahora’a nō te ha’api’ira’a ’aore rā nō te ha’api’ipi’ira’a ’aore rā nā te hō’e pū ha’api’ipi’ira’a. Nō te ’āmuira’a mai nā te ta’ata iho ïa e hina’aro. E nehenehe te mau ta’ata e ’āmui mai e vaiiho roa ’aore rā e fa’aea i te haere mai i te fa’anahora’a i te mau huru taime ato’a.