Mānava ia ’outou i te EnglishConnect

Māuruuru nō tō ’outou hina’arora’a ’ia tāvini ’ei ’orometua ha’api’i nō te EnglishConnect. Tē ti’aturi nei mātou ē e putapū ’outou i te here o tō ’outou Metua i te ao ra ’a tāvini ai ’outou. E nehenehe te tauturura’a ia vetahi ’ē ’ia ha’api’i mai i te reo peretāne e fa’arahi atu ā i tā rātou mau rāve’a nō te ha’api’ira’a, nō te ’ohipa ’e nō te tāvinira’a. E ha’amaita’i tā ’outou mau tauto’ora’a i te orara’a o te mau pīahi i teienei ’e nō ananahi.

’A ’imi ai ’outou i te arata’ira’a ’e te pūai o te Atua, e tauturu mai ’Oia ia ’outou ’ia here ’e ’ia tāvini i te mau pīahi i roto i tā ’outou pupu. ’Aita ’outou e tītauhia ’ia parau i te hō’ē ā reo ’e te mau ta’ata tā ’outou e ha’api’i nei. ’Aita ’outou e tītauhia ’ia riro ’ei ’aivana’a nō te reo peretāne ’aore rā ’ia roa’a te hō’ē ’itera’a nō te pae ha’api’ira’a, nō te ’arata’i i te hō’ē pupu EnglishConnect. Te mau māteria o te EnglishConnect tei roto te mau mea ato’a tā ’outou e hina’aro nō te manuia. ’A ’imi ai ’outou i te Vārua ’e te arata’ira’a ma te here i te mau pīahi nā roto i te mau ha’api’ira’a, e nehenehe ’outou e tauturu ia rātou ’ia ha’afātata atu i te Atua nā roto i te ha’api’ira’a mai i te reo peretāne.