Talafaasolopito o le Ekalesia
Valaauga o le Ekalesia

Valaauga o le Ekalesia

I le popofou o le siosiomaga o le Au Paia o Aso e Gata Ai, na tele lava i le Au Polotesano, sa tele ina faaalia e tagata taitoatasi na ō i le lotu la latou tautinoga o se “galuega paia” ma o se “valaauga” O le galuega o le auaunaga sa faamoemoe e tafe mai lena valaauga. O le upu “faauuga” sa tele ina faasino i le faaeega aloaia o le pule faafaifeau i luga o se tasi na taliaina se valaauga mai le Atua. Sa tali e Iosefa Samita le tele o faaaliga i le va o le 1829 ma le 1831 lea sa faaaogaina le gagana faapena, pe a faauuina tagata i tofi o le Ekalesia. E ui o le upu “valaauga” sa faaauau pea ona avatu ai le uiga o se galuega paia, ae sa faateleina e le Au Paia o Aso e Gata Ai ona faaaoga le upu e faasino ai i matafaioi patino i totonu o faalapotopotoga na televave ona faalauteleina o le Ekalesia.

Na amata i le fonotaga faavae i le 1830, o tofi o le perisitua o ni valaauga i le Ekalesia, e tofu o faatasi ma tiute patino. A o tupu le Ekalesia, sa tuuina mai ni tiute faaopoopo mai lenei faatulagaga o le perisitua, e tele lava e muamua mai o ni tofitofiga i totonu o le tofi perisitua. Sa potopoto tofi i ni aufono ma korama e faatino o latou tiutetauave faifaatasi e fai ma sui o o latou aulotu i le lotoifale ma le Ekalesia aoao.

O le taimi lea, sa fautuaina atu ai e taitai valaauga ma tofitofiga i fonotaga faitele ma e palota tatala i latou e auai ai, pe talia pe teena na fautuaga, o nisi taimi e faaosofia ai talanoaga e uiga i ni suiga. O le matalalaga lea na faapea ai ni taitai patino na “filifilia” i o latou tofi po o valaauga. Mo se faataitaiga, sa faamatala ai e Iosefa Samita i sui faavae o le Aualofa le ala na faasino ai le faaaliga na fasinotonu ia Ema Samita (Mataupu Faavae ma Feagaiga 25) o ia o se “tamaitai filifilia, na valaauina [e le Alii]” ma “faauuina” o ia i lena taimi e pulefaamalumalu i le Aualofa. Ina ua mae’a ona palota sui o le Aualofa e lagolago Ema o lo latou peresitene, “sa tuuina [e Ioane Teila” ona lima i luga o le ao o Mrs. Samita ma faamanuia o ia … E tu ma pulefaamalumalu ma faamamalu lona Tofi, e aoao atu ai” tamaitai o le Ekalesia. O le taimi na totoe o le seneturi lona 19, sa masani isi tofi o le Ekalesia ona tauave o latou tiutetauave i lea lava mamanu e tasi: e valaauina e le Alii e ala i faaaliga ma musumusuga, ma tuuina atu i isi mo se palota lagolago, ua “filifilia” pe lagolagoina e ala i se palota autasi, ma “faauuina” pe “vaetofia” e ala i le faaee atu o lima ia maua ai faamanuiaga i le faataunuuina o tiute o o latou tofi.

I le gasologa atoa o le seneturi 19, sa feagai le Ekalesia ma se anoanoai o manaoga i le lotoifale, ma sa tuuina atu tofitofiga faalenuu ma faalelotu i tagata o uarota ma siteki. O le lagolagoina o faalapotopotoga e pei o le Peraimeri, Aoga Sa, ma Mafutaga Soofaatasi mo le Faaleleiga [Mutuale] na tusa ai lava pe o le a le tofi o le perisitua, ae sa masani ona fai faavolenitia ia tofitofiga. I misiona, o faifeautalai sa tele ina faauuina i tofi o le fitugafulu ma le toeaina, ona valaauina lea i taimi eseese i tofitofiga o misiona eseese. Ina ua mauaina e uluai tuafafine faifeautalai ia valaauga e galulue ai i misiona mo le taimi atoa i le vaitau o le 1890, sa aloaia o latou tofiga i se faamanuiaga na vaetofia i ai. I le tulata ai i le seneturi lona 20, o “valaauga” na faateleina le o faatasi ma matafaioi ma tiutetauave i faalapotopotoga a le Ekalesia pe na tuuina mai se tofi o le perisitua pe leai foi.

Pe o le taimi foi lava lenei ma a o faaauau pea ona ola le Ekalesia, sa galulue ai taitai i faagaoioiga toefatufatua’i ma tuuitiitia ai le fenumia’i i uarota, siteki, ma faalapotopotoga. Sa toeiloiloina e se komiti faamaopoopo, ma le faamoemoe ia ausia se tulaga manino ma le laugatasia sili atu i le Ekalesia atoa, ia tusitusiga na gaosia e le Ekalesia po o se isi o ona faalapotopotoga lagolago. I totonu o lea faatulagaga, o le upu “valaauga” na faasino i soo se tiutetauave po o se tofiga na tuuina atu i se tagata mo se vaitaimi. O le eseesega i le va o le “faauuina” ma le “vaetofiaina” na oo ina manino atili. O faauuga na o faatasi atoatoa ma le faaeeina atu o le pule o le perisitua e ala i le faaeeina o lima ma le mauaina o se tofi i le perisitua, ae o le vaetofiaina sa faamatalaina ai se tagata ua mauaina aloaia se tiutetauave ma maua faamanuiaga faapitoa e o faatasi ma lena matafaioi na fofogaina e sē o umia le perisitua. I le ala lava lea e tasi e tuuina atu ai e taitai ma aufono ia valaauga i tagata taitoatasi, latou te tuuina atu ai foi “faamalologa” e faasaoloto ai se tagata mai o latou valaauga. A o tele ina faasolosolo ia valaauga i tagata masani o le ekalesia ma ua le o toe aofia atoatoa ai i se tofi patino, sa amata ona avea ma mea masani ia faamalologa ae ua tuuitiitia ai foi valaauga mo le olaga atoa.

I le gasologa o le seneturi lona 20 e oo atu i le seneturi e 21, sa faaaoga ai valaauga o le ala autu mo le auaunaga faavolenitia ma faagaoioia ai gaoioiga a aulotu. E oo mai i le popofou o le 2000, sa aloaia ai valaauga e taua i tagata uma o le Ekalesia; na aoao mai e Peresitene Gordon B. Hinckley e faapea o tagata uma e manaomia se uo, se tiutetauave, ma ia faafaileleina i le afioga a le Atua. Ina ia ausia lena mea, sa faamaopoopoina le auaunaga faavolenitia i le toetoe o misiona uma ma aulotu o le Ekalesia e ala i valaauga.

Autu Fesootai: Adjustments to Priesthood Organization, Common Consent, Correlation, Wards and Stakes

  1. Richard Watson, A Biblical and Theological Dictionary: Explanatory of the History, Manners, and Customs of the Jews, and Neighbouring Nations, American ed. (New York: Methodist Episcopal Church, 1832), 192–94, 722–23; Robert S. Michaelsen, “Changes in the Puritan Concept of Calling or Vocation,” New England Quarterly, vol. 26, no. 3 (Sept. 1953), 315–36; Patricia U. Bonomi, Under the Cope of Heaven: Religion, Society, and Politics in Colonial America (New York: Oxford University Press, 1986), 107–9; Jon Butler, Awash in a Sea of Faith: Christianizing the American People (Cambridge, MA: Harvard University Press, 1990), 116–28. O lenei vaogagana a le au Polotesano o loo siomia ai tofitofiga faafaifeau ma faauuga i aso o le gagana Peretania e oo i le vaitau o le Toefaatulagaina o le 1500 ma ona tupu (tagai “Calling (n.),” i le Oxford English Dictionary [online], oed.com/view/Entry/26439).

  2. Kathleen Flake, “Ordering Antinomy: An Analysis of Early Mormonism’s Priestly Offices, Councils, and Kinship,” Religion and American Culture, vol. 26, no. 2 (Summer 2016), 139–83; “Revelation, May 1829–A [D&C 11],” JosephSmithPapers.org; “Revelation, June 1829–B [D&C 18],” JosephSmithPapers.org; “Revelation, July 1830–A [D&C 24],” JosephSmithPapers.org; “Revelation, July 1830–C [D&C 25],” JosephSmithPapers.org.

  3. “Articles and Covenants, circa April 1830 [D&C 20],” JosephSmithPapers.org.

  4. Tagai i Autu: Founding Meeting of the Church of Christ, Common Consent.

  5. Nauvoo Relief Society Minute Book, Mar. 17, 1842, 8–9, JosephSmithPapers.org; tagaiTopic: Female Relief Society of Nauvoo.

  6. Avea ma sui o le Ekalesia i le Fonofaitulafono a le Lalolagi o Tapuaiga i le 1893, Emily S. Richards na faamatalaina lenei eseesega a o matauina talu ai: I le “faatulagaga tatau o le Ekalesia, e le umia e se fafine se tulaga aloa’ia. O lona uiga, e le mafai ona ia umia le tofi o se Aposetolo, po o se Faitaulaga Sili, e le avea foi o se Fitugafulu, po o se Epikopo, po o se Tiakono, po o se isi lava tofi i le Perisitua. Ae i le filifilia o tofi o le Ekalesia e ala i se palota o le taliaina lauiloa, e tutusa lava le taua o le palota a le tamaitai ma le alii, ma sosaiete lagolago i le Ekalesia … E umia e tamaitai tulaga aloaia ia e vaetofia i ai e ala i le faaee atu o lima ma le tatalo e tofi e tatau ai o le Ekalesia. O lea e faauuina ai tamaitai e avea o ni tofi o le “Aualofa,” “O Mafutaga a Tamaitai Talavou o le Mutuale,” ma “Faalapotopotoga a le Peraimeri”; Emily S. Richards, qtd. in B. H. Roberts, “The Church of Jesus Christ of Latter-day Saints at the Parliament of Religions,” Improvement Era, vol. 2, no. 12 (Oct. 1899), 901.

  7. Gordon B. Hinckley, i le Lipoti o le Konafesi, Ape. 1997, 66–68.