M̧wen̄an eo an Jibbon̄ in Jabōt
Kar Mālejjon̄e im Kōkajoorļo̧k ilo Kraist
Jidik in kōnono in
Peru
Iien ko remootļo̧k, ikar kajjion̄ katak kōn physics im mathematic ilo iiō in college ko aō. Ekar tōrjān jon̄an aō en̄jake … Ikar jino n̄an ļōmņak in bōjrak, in kōm̧m̧ane juon men epidodo ļo̧k.
Ikar en̄jake m̧ōjņo. Ke iaar jar, ikar en̄jake kam̧ool eo an Irooj. Ikar en̄jake An ba n̄an ļōmņak eo aō, “Ij kam̧ool n̄an kwe, ak Ij barāinwōt pād ippam̧.” …
Ikar jeļā bwe apan̄ ko aō kōn physics eaar lukkuun juon mennin letok jān Irooj. Eaar katakin eō bwe kōn jipan̄ eo An, iaar maron̄ in kōm̧m̧ani men ko raar eppen eļan̄n̄e eaar wōr aō tōmak bwe Enaaj kar pād ijeņ n̄an jipan̄ eō. Kōn mennin letok in, Irooj eaar jerbal n̄an mālejjon̄ im kōkajoor eō.
… N̄an kam̧oole juon m̧ōttan māāl ej aikuj likūt ium̧win kijejeto. … Juon māāl ejjab m̧ōjņo jān juon mālijjon̄. Ilo m̧ool, ej erom juon men me maron̄ lōke, juon men ebwe an kajoor n̄an ineek eddo ko reļļapļo̧k. …
N̄e jej wōnm̧aanļo̧k wōt n̄an wōr tōmak ilo Jisōs Kraist—jekdo̧o̧n n̄e men ko emaron̄ in āinwōt pen n̄an kōj ilo iien eo—jej erom kajoorļo̧k ilo jetōb. …
Kōnke kōn aiboojoj in Pinmuur eo An, Jisōs Kraist emaron̄ kōkajoorļo̧k kōj ilo iien mālijon̄ ko ad. …
… Emaron̄ itok ilo ejjeļo̧k ainikien, kōn mālijjon̄ ko an mour an baam̧le. Emaron̄ in itok ilo nan̄inmej ak inepata ak būrom̧ōj ak ajimakeke.
Ij kwaļo̧k kam̧ool bwe iien kein rejjab kein kam̧ool bwe Irooj eaar eļļo̧k jān eok. Ijjelo̧kin, rej kein kam̧ool bwe E ej iakwe eok eļapļo̧k n̄an karreo im kōkajoorļo̧k eok. Ej kōkajoorļo̧k eok n̄an ineek eddo eo an mour indeeo.