M̧wen̄an eo an Ālkin Rālep in Jādede
Ejjeļo̧k Juon Ej Jijet Make Iaan
Jidik in kōnono in
South Africa
Estonia
Ilo būrabōļ eo kōn Risamaria eo em̧m̧an, Jisōs ej kajjitōk ippād n̄an itok n̄an doon im n̄an E ilo im̧ōn ruwaimejet eo An—Kabun̄ eo An. …
Jetōb eo an “ruum̧ eo ilo im̧ōn ruwaimejet” ekoba “ejjeļo̧k juon ej jijet make iaan.” N̄e kwoj itok n̄an m̧ōn jar eo, eļan̄n̄e kwoj lo juon eo emake iaan, kwonaaj ke jouj in iakwe im jijet ippān? …
“Ejjeļo̧k juon en jijet make iaan” barāinwōt ej meļeļe in ejjeļo̧k ej jijet make ilo en̄jake ak jetōb. Ikar juon iien etal ippān juon baba eo erup būruōn n̄an loļo̧k ļeo nejin. Iiō ko m̧oktaļo̧k, ļaddik eo nejin eaar kōņaan erom juon tikōn kāāl. N̄an iien eo baam̧le eo an ekar wiaik pea in juuj eo an ekāāl ej kab kein kajuon.
Bōtaab ilo m̧ōn jar eo, tikōn ro raar ettōn̄ kake im juuj ko an. Juuj ko an raar kāāl, bōtaab raar jab kōpaļpaļ. Kar jook im metak, tikōn jidikdik in eaar ba ejjamin naaj bar etal im bar jar. Būruō ej kab de wōt rup kōn ļein im baam̧le eo an. …
Ilo Kabun̄ eo An kar kōjepļaaktok, jej aolep em̧m̧anļo̧k n̄e ejjeļo̧k juon ej jijet make iaan. Jen jab baj leļo̧k ilo pidodo jikin jokwe ak kōtļo̧k mālim. Jen lukkuun m̧ool in karuwainene, kile, jerbal in karejar n̄an, iakwe. …
Rainin elōn̄ rej en̄jake aer make im ettoļo̧k. …
Elōn̄ wūn ko jemaron̄ en̄jake bwe jejjab jetjet ilo m̧ōn jar eo—bwe, kōnono kake, jej jijet make iaan …
Mosaia 18:21 ej karuwianeneik kōj n̄an kobaik būruōd ippān doon ilo iakwe. Ij kajjitōk ippād n̄an kadikļo̧k inepata, kadikļo̧k ekajet, kadikļo̧k ad kapen n̄an ro jet—im, n̄e aikuj, kadikļo̧k kapen n̄an kōj make. …
Bujen in ej kam̧wilaļļo̧k ilo ad itok n̄an Irooj im iaadwōj itok n̄an im̧ōn Ruwaimejet eo. Irooj ej kōjeraam̧m̧an kōj aolep eļan̄n̄e ejjeļo̧k juon ej jijiet make iaan.