M̧wen̄an eo an Jibbon̄ in Jabōt
Obrak kōn Jon̄ak in Kijenmej
Jidik in kōnono in
Estonia
Chile
Irooj eaar kean̄: …
“Im ejjeļo̧k emaron̄ jipan̄ ilo jerbal in ijello̧kun wōt n̄e enaaj ettā im obrak kōn iakwe, ewōr an tōmak, kōjatdikdik, im iakwe-em̧ool, im ejatōr ilo men otemjeļo̧k, jabdewōt naaj lōke n̄an kōjparok eo an.”
Tōl eo an Rilo̧mo̧o̧r, kar ļo̧o̧ke ilo revelesōn in ekwojarjar, ej kakeememej kōj bwe kijenmej ej juon kōkajoor eo eaorōk n̄an dim ilo Jisōs Kraist. …
Ilubwiljin jinōkjej ko rikaļoor ro rem̧ool an Kraist rej būki, kijenmej ej make ļo̧k iaan āinwōt juon waanjon̄ak in Rilo̧mo̧o̧r make, juon leen eo eaorōk an Jetōb, epojak n̄an ro rej kōppeļļo̧k buruer make n̄an im̧we ko rekwojarjar. …
Rikaļoor ro an Kraist im rej kajjieon̄ in kōjerbal m̧wil in an Kraist ej ļapļo̧k aer ettā im obrak kōn iakwe. …
… Gospel in an Jisōs Kraist ej kūr tok kōj n̄an mour in kijenmej eļaptata ilo iien ko rapan̄, bwe ej lukkuun ilo iien kein me m̧ool in m̧wil eo an kajjojo ej waļo̧k. …
Iien kwaļok eo an Rilo̧mo̧o̧r kar jenolo̧k jān jon̄ak eo an kijenmej ilo aolepen kajjojo in kadkad eo An. …
Jisōs Kraist, eo ekajoortata jān aolep, kar en̄taan kōn kōj m̧ae iien Ekar bōtōktōk ilo aolepān ānbwinin, Ekar jab kōtļok illu bwe en bōd an kareel Būruōn, ak jab lāj, nana, ak naan in kanejnej ko rej wōtlo̧k jen Lo̧n̄iin, aaet ilubwilijin m̧ōjno kein. …
… Ilo ad wōnmaanļo̧k wōt kōn tōmak im tiljek n̄an kijenmej ilo makūtkūt ko im naan ko ad, Ij kam̧ool bwe jenaaj mour ilo juon wāween eo edim n̄an kajoor in jetōb eo an Kraist.