M̧wen̄an eo an Jibbon̄ in Jādede

Kadkad In

Jidik in kōnono in

Jān Būreejtōn Dallin H. Oaks

Būreejtōn eo an Doulul eo an Jon̄oulruo Rijilōk Ro

alt text — Conference Center, USA

Download PDF

Ro jeiū im jatū rejitōnbōro, jej kweilo̧k tok ippān doon ilo ad burom̧ōj ļo̧k ilo jako eo an Rikanaan eo ad ejitōnbōro, Būreejtōn Russell M. Nelson. Ij kōnono n̄an kom̧ āinwōt Būeejtōn eo an Doulul eo an Jon̄oulruo Rijilōk ro, kūr in me rej rejtake n̄a n̄ane ilo kajjojo ilo ward ko ad, stake, im kweilo̧k eo eļap ium̧win jimjuon jimatten iiō.

Jej kiiō wōm̧aanļo̧k kōn kweilo̧k in eļap kein karuo ilo iiō in, etal wōt kake āinwōt kar karōke im kōn rikōnono ro im al ko em̧ōj kar kappeik im karōki jān Būreejtōn Nelson ālkin elōn̄ allōn̄ in kōppopo ko m̧aantak. …

… Būreejtōn Nelson ekar meļeļe aorōkin kweilo̧k in eļap n̄an tōl Rikwojarjar ro ilo allōn̄ kane rej peddo tok. Jej kautiej e ilo ad ļoor karōk in kweilo̧k in em̧ōj karōke. …

Naan in kautiej im kam̧m̧oolol ko aō make—ejejjet n̄an kweilo̧k in eļap im ad kar kwaļo̧k ad burom̧ōj ļo̧k ippān—ej bwe: ikar iakwe Russell M. Nelson im ikar katak eļapļo̧k kōn gospel in im ritōl ro an gospel in jān juon m̧ōtta im koba ippān jān jabdewōt ritōl ro jet ikar jeļā kajjier. E ej juon ad waanjon̄ak āinwōt juon rikarejar im rikaļoor an Irooj Jisōs Kraist.

“Ta Juon Men eo Būreejtōn Nelson Ekar Katakin Me Ekar Ukōt Mour eo Am̧?”

“Ekar katakin eō n̄an jeorļo̧k bōd jekdo̧o̧ņ n̄e elukkuun pen. Ikar kakkōt n̄an jeorļo̧k bōd an jet uwaan baam̧le eo aō kōn men ko raar ba. Bōtaab ālkin aō kar ron̄jake juon iaan ekōnono ko an Būreejtōn Nelson, ikar maron̄ in jeorļo̧k aer bōd. Ekar kanooj kōpeļļo̧k meja.”

Whitney L., 17, Texas, USA

“Jet iien ij en̄jake āinwōt Irooj emaron̄ meļo̧kļo̧k wōn n̄a, bōtaab Būreejtōn Nelson ekar katakin eō bwe Irooj ej lo im kea kōn aolepād wōj Ewōr juon adwōj jibadbad.”

Nyah B., 15, Germany

“N̄an kobaiktok erreo n̄an ļōmņak ko aō, kwaļo̧k iakwe-em̧ool n̄an aolep, likūt im̧aan tata mour in rikaļoor eo aō im ļōmņak kōn selestial.”

Jacob Z., 17, Morelos, Mexico

“Iaar katak ewi aorōk in tampeļ ko. Jabdewōt iien ij kōm̧m̧ane juon jokāālet, ij kajjion̄ likūt wōt tampeļ ilo aō ļōmņak. Ij kōm̧m̧an jabdewōt men imaron̄e n̄an dāpij wōt erreo eo aō, kōnke ikōņaan bwe in erreo.”

Elina S., 18, Thuringia, Germany

“Būreejtōn Nelson ekar katakin eō bwe āinwōt juon rikaļoor an Kraist ij aikuj iien otemjej kajjion̄ n̄an erom āinwōt juon rikōm̧m̧an aenōm̧m̧an, ļapļo̧k aō kijenmej ippān ro jet, im jab akweel n̄an kwaļo̧k ke ijim̧we. Kiiō, ij kajjion̄ bwe in jab inepata ak illu.”

Laura J., 15, Brazil

“Ij kam̧m̧oolol bwe Būreejtōn̄ Nelson ekar pedped ioon tampeļ ko. Ke ikar kōm̧m̧an bwe tampeļ en juon men eaorōk tata, ikar ejaake juon naan in kam̧ool eban rup, kar bōk revelesōn, im kōņaan etale n̄an e emakijkij. Ij kaorōk ewi lukkuun jon̄an iakwe im kea eo n̄an eō jān Jema Ilan̄ ilo tampeļ.”

Jarom P., 18, Arizona, USA

“‘Juon iaan wāween ko repidodo tata n̄an kile juon rikaļoor em̧ool an Jisōs Kraist ej ewi jon̄an an armej eo meanwōd ilo kōm̧m̧an n̄an armej ro jet.’ Jān aō jar kōn kout in an Būreejtōn Nelson, ikar maron̄ in jerbal in karejar n̄an ro m̧ōtta n̄an jipan̄ er en̄jake iakwe eo an Rilo̧mo̧o̧r n̄an er.”

Brayden H. 18, Colorado, USA

“Ikar dibuk juon iien ekanooj pen me ikar en̄jake āinwōt ekar lukkuun pen n̄an niknik. Ļōmņake selestial ekar jipan̄ eō keememej bwe inepata ko aō rej an jidik wōt iien. Men in ekar lukkuun jipan̄ eō dibuk iien jab in ilo mour eo aō.”

Sophie A., 15, Arizona, USA

“Jemjerā eo aō ippān būratōr eo aō ekar jab em̧m̧an. Ālkin an Būreejtōn Nelson kwaļo̧k kōnono eo an ‘Rikaenōm̧m̧an ro Jej Aikuji,’ ikar maron̄ in joļo̧k illu eo aō. Jem̧jerā eo am ekanooj em̧m̧anļo̧k kiiō.”

Roman D., 18, Oregon, USA