M̧wen̄an eo an Ālkin Rālep in Jādede
Kean̄ eo an Baam̧le—Naan ko jān Anij
Jidik in kōnono in
USA
Em̧m̧an ippa kean̄ eo an baam̧le. … Kean̄ eo ijo ekar itok jāne ekwojarjar, kōn menin jej aikuj kōm̧m̧an n̄ane kōn naan in kautiej jān Anij. …
Ke kar kwaļo̧ke, kean̄ eo ekar jab jokkun wōt ippān ļōmņak ko an elōn̄ ilo laļ in. Kar jab iien eo. Ejjab kiiō. Ewōr ro me raar metak kōn kean̄ eo kōn baam̧le, m̧are, im kadkad in. Jet raar kwaļo̧k bwe Kabun̄ in en bōjrak, ukōt, ak jolo̧k kean̄ eo.
Kean̄ in kōn baam̧le ej, āinwōt an kar Būreejtōn Hinckley ba, katak, ro jeiū im jatū. Pedped in katak ko rejjab jejļo̧k bōtaab rejetjet ippān wāween ko an Irooj im iaļ in bujen eo An. Katak ko an kean̄ eo raar kwaļo̧k jān ad Irooj Jisōs Kraist n̄an Rjilōk ro An etto im kiiō. …
N̄an ro ewōr aer abņōņō, jeļā bwe kwōj juon nejin ro jined im jemād ilan̄, m̧ōttan baam̧le eo an Jemam̧ Ilan̄. Ejjeļo̧k juon ejeļāļo̧k kajjiōm̧ ak em̧wilaļ an kea kōn kwe jān E. Oktakļo̧k n̄an E, lutokļo̧k būruōm̧ n̄an E, lōke E im kallim̧ur ko An. …
Kōmij lo ilo kean̄ eo an baam̧le:
“Ro jemān im jinen rej kallim̧ur n̄an jipan̄ doon āinwōt m̧ōttā ro rej juōn wōt.”
Juon wōt ej juon naan eaorōk. …
N̄e jej mour kōn juon erreilo̧k eo wōt n̄an aiboojoj an Anij, jej kauteij doon im rie doon. …
Jemādwōj Ilan̄ ekar letok kean̄ in kōn baam̧le n̄an jipan̄ tōl kōj n̄an kapijuknen Ippān, n̄an jipan̄ kōj katak im obrak kōn iakwe, kajoor, jibadbad, im meļeļe eo n̄an indeeo.