M̧wen̄an eo an Ālkin Rālep in Jabōt
Bōk Iood Etan Jisōs Kraist
Jidik in kōnono in
Nigeria
Jemaron̄ lo ļalem wāween ko me jekjek in ej ainļo̧k wōt eo me jej bōk iood make etan Jisōs Kraist. …
Wāween eo im̧aan tata ej kadkadid. … N̄e jej bōk iood make etan Jisōs Kraist, jej kōkkejel etad ippān Etan. Jej kile kōj Ippān. …
Lukkuun epaakeļo̧k kile ej bar juon wāween—keememej. … N̄an kōj, bōk m̧ōttan kwojkwoj eo kajjojo wiik ej jipan̄ kōj keememej Jisōs Kraist ilo aolepān wiik eo. …
Jekdo̧o̧n men̄e jej obrak kōn men ko jet, jej dim wōt ilo keememej E, ejja āinwōt ad keememej etad make, jekdo̧o̧n ta men ko jet jej kalimjōki. …
Eddōkļo̧k eo kōn keememej ta eo Rilo̧mo̧o̧r ekar kōm̧m̧ane n̄an kōj ej wāween eo kein kajilu—arin. … N̄an kōj, an ļapļo̧k wōt ad kile kōn im keememej Jisōs Kraist, eļapļo̧k ad kōņaan eromļo̧k āinwōt E. …
Arin Jisōs Kraist ej tōlļo̧k kōj n̄an wāween eo kein kemen— kajetjet ippān jibadbad ko An. Jej koba Ippān ilo jerbal eo An. …
… Kōm̧m̧ane men kein emen ej tōlļo̧k kōj n̄an wāween eo kein kōļalem—kōkajoor. Jej bōk kajoor eo im kōjeraam̧m̧an ko an Anij ilo mour ko ad. …
Ilo ad kōm̧m̧ani bujen ko jet ippān Anij, eļapļo̧k ad bōk iood make etan Jisōs Kraist. Kōn menin, Anij ej kōjeraam̧m̧an kōj kōn eļapļo̧k An kajoor. …
… Itok n̄an Jemādwōj Ilan̄. Bōk ioom̧ make etan Jisōs Kraist. … Kwonaaj erom juon ribōk mour ijo eutiej tata ilo aelōn̄ eo an Jemād ilo Lan̄, juon rijolet ippān M̧aanje eo Nejin, ad Rilo̧mo̧o̧r jitōnbōro im Ripinmuur.