M̧wen̄an eo an Jibbon̄ in Jabōt
Im Kiiō Ij Loļo̧kjeņ
Jidik in kōnono in
Scotland
Ruwatimjuon jepta in Jon ej rekoote en̄jake eo an Jisōs im rikaļoor ro An aer eļļāļo̧k jān juon riowar, pilo jān ke ekar ļotak. …
Jisōs ekar leļo̧k meļeļe eo m̧oktata n̄an leļo̧k letok in, jiron̄ rikaļoor ro An bwe aolep men in ekar waļo̧k “bwe jerbal ko an Anij ren waļo̧k.” …
Bar juon m̧ool me ej kein kamool ijin rej kein jerbal ko an Rikōm̧anm̧an eo an lan̄ im laļ im aolep men ko ie rej jerbal n̄an kwaļo̧k mennin bwilōn̄ in: kapilo im m̧ōttan bwidej ilo pein! Kein kare kein rejeja ej kwaļo̧k bwe Anij emaron̄ kōjeram̧m̧an kōj kōn jabdewot wāween eo Ej kāālete. …
Innām ta eo eļan̄n̄e uwaak ko n̄an jar ko ad rej mālij ak iaļ ko rejjab jim̧we? Jej ke m̧ōņōņō in kōjparok, n̄an kajjion̄ wōt n̄an mour kōn gospel eo an Kraist jekdo̧o̧n ewi jon̄an kapilo eo im clay eo ej bōk? …
Loļo̧kjeņ eo aō m̧oktata, jelā eo aō kōn lukkuun kein kam̧ool eo an m̧ool eo ekar jab itok kōn clay in ekkapit eo ak ilo pool eo ilo Siloam. Jaab, kein jerbal in m̧ool eo me ekar bōktok aō kemour jān Irooj ekar itok āinwōt peij ko an juon bok, aaet, Bok in Mormon: Bar Juon Kallim̧ur kōn Jisōs Kraist! …
… Ilo jabdewōt wāween, jelet eo an Bok in Mormon ilo mour e aō ekabwilōn̄lōn̄ ejeļo̧k oktak jen leļo̧k eo an kapilo im bwidej do̧o̧r ioon māj ko mejān ļeo epilo. Ekar, n̄an n̄a, juon aen in kōjparok n̄an būruō, juon jim̧we im kajoor emeram in revelesōn, juon rome in iaļ eo ij aikuj etetal ie elan̄n̄e marok jilōn̄lōn̄ enaaj itok. Im em̧ool raar, im em̧ool renaaj.