Ejeraaṃṃan Ro Rej Kōm̧m̧an Aenōṃṃan

Jisōs Kraist ej Waļo̧ktok Jān Lōb eo, jān Dan Burr

Jen kaitokļo̧k wōt ad ļōmņak kōn jikin kein jilu ijo juon Armej ro Rekwojarjar ilo Raan ko Āliktata ej “kōm̧m̧an aenōm̧m̧an.”

M̧oktata ej ilo būruōd. …

… Gospel eo an Jisōs Kraist ej kaorōk im kobaik m̧wil kein rekwojarjar, ekoba kaenōm̧m̧an, n̄an lowaan būruō, kōjeraam̧m̧an kōj ilo mour in im eo tok juon.

Kein karuo, kalōk kaenōm̧m̧an ilo m̧oko m̧ōd—kōn kōjerbal jon̄ak eo an Irooj n̄an im̧we jemjerā ko ad ippān doon: jeļā ņae, meanwōd, meoeo im ettā bōro, im jān iakwe jab ankilaan riab. …

… N̄an erom rikaenōm̧m̧an, jej jeorļo̧k an ro jet bōd im kalōk ro jet ijelo̧kin jiped laļo̧k er.

Kajilu, aenōm̧m̧an ilo ukjuk in ād ko ad. …

… Ilo kurub in jar ko ad im jukjuk in pād ko, jemaron̄ kāālet in kalimjōk doon āinwōt ro nejin Anij.

Ilo kakkobaba, n̄aij lewaj juon kūr. … Komaron̄ ke kōm̧m̧ane karōk in kaenōm̧m̧an tarrin juon wiik, jilu bun̄tōn?

1. Juon m̧weo ejjeļo̧k tarpok ie: N̄e akweel ej jino, bōjrak im bar jino kōn naan im kōm̧m̧an ko rejouj.

2. Kalōk iiaio ko ilo Digital: M̧okta jān post, reply, jeje online, kajjitōk? Menin enaaj ke kalōk meļeļe ak iiaio ko rem̧m̧an? N̄e jaab, bōjrak. Jab jilkinļo̧k. Ijelo̧kin, jeer men ko rem̧m̧an. Kajeeded aenōm̧m̧an ijello̧kin kōjdat.

3. Kōkm̧anm̧anļo̧k im kōjepļaaktok: Kajjojo ro uwaan baam̧le remaron̄ pukotļo̧k jemjerā ko n̄an joļo̧k bōd, jerbal in karejar, kōkm̧anm̧an, im kōjepļaaktok. …

Kaenōm̧m̧an ej juon m̧wil an Kraist. …

Jej kakūrm̧ool eddo eo ad ekwojarjar āinwōt ajri ro nejin Jemādwōj Ilan̄ ilo ad kajjion̄ erom rikaenōm̧m̧an ro.