Er Rej Aer Make Riekajet

Jibadbad eo im̧aan tata an Kōm̧anm̧an eo im ad mour ilo mour in ej n̄an letok n̄an kōj iien em̧m̧an n̄an jerbal im erom ta eo Irooj ej kajjitōk ippād n̄an erom. …

… Jejan̄in kar bōk kōjeraam̧m̧an kōn anemkwōj in kāālet an kanniōk eo n̄an kōm̧m̧an jabdewōt jekōņan iien ko otemjeļo̧k jenaaj. Ijoke, ekkar n̄an karōk eo an Jemād, jekkar bōk anemkwōj in kāālet n̄an pukot im kōm̧m̧an ekkar n̄an m̧ool eo indeeo. …

Būreejtōn Dallin H. Oaks ekar kameejļo̧k bwe gospel eo an Jisōs Kraist ej kūr kōj jim̧or n̄an jeļā juon men im n̄an erom juon men kōn kōjerbal ilo jim̧we anemkwōj in kāālet eo. …

[Im aaet] jerbal ko ad im ikdeelel ko ad make rejjab maron̄ lo̧mo̧o̧ren kōj. “Ālkin ad kōm̧m̧ane ta eo jemaron̄e,”jej jepļaakļo̧k n̄an ippān Anij kōn wōt tūriam̧o eo im jouj eo rej pād kōn pinmuur in en̄taan eo an Rilo̧mo̧o̧r ejjeļo̧k jem̧ļo̧kin im indeeo. …

Elōn̄ iaad wōj remaron̄ kōtmāne bwe paotok eo ad imaan mejen Riekajet Indeeo enaaj ejja āinwōt eo an juon jikin ekajet an laļ in. Juon riekajet enaaj tōl. Kein kam̧ool ko naaj kwaļo̧k. Juon jemļo̧k naaj letok. Im jenaaj maron̄ in jab jeļā im lukkuun mijak m̧ae iien jej katak kōn ta ilo jem̧ļo̧kin enaaj waļo̧k. Bōtaab ij tōmak juon kain m̧wil in ejjab jejjet. …

Mijak Irooj ejjab melele in m̧akoko in itok n̄an im̧aan Mejen n̄an ekajet. Ijello̧kin, ej juon men emaron̄ āliktata kile kōn kōj make, “men ko rej lukkuun” im “āinwōt aer lukkuun naaj.” …

Innām, ilo jem̧ļo̧kin, jej riekajet ro ad make. Ejjeļo̧k juon enaaj aikuj in ba ia eo jen etal n̄an e. Ilo im̧aan mejān Irooj, jenaaj kile ta eo jaar kāālet n̄an erom ilo mour wabanban in im jeļā kōn kōj make ijo jej aikuj pād ie n̄an indeeo.