Ngaahi Leʻo ʻo e Toʻu Tupú
Tokoni e ʻOtuá ʻi hono ʻOfaʻi Hoku Tuongaʻané
Jesse S., taʻu 16, Minesota, USA
Saiʻia he heka hōsí, tā-pianó mo e kītaá, sikī ʻoku haʻi ki he foʻi motuʻa vaʻé, lelé mo e ngaahi lova fakavahaʻa-fonuá.
Tā Fakatātā ʻa Adam Howling
Naʻe ʻikai ke fuʻu lelei hoku vā mo hoku tuongaʻane ko Maikoló. Ko ha meʻa angamaheni fakaefānau pē, ʻo hangē ko e fakamatalilí m o e fakatupu ʻitá. Ka kuó u lotu ki he ʻOtuá ʻi ha ngaahi uike ke tāpuakiʻi ʻa Maikolo pea tokoniʻi au ke u ʻofa mo angalelei kiate ia.
Pea ʻi ha Sāpate ʻe taha ʻi he houalotu sākalamēnití, naʻe ʻi he tēpile sākalamēnití hoku tuongaʻané ke ne tāpuakiʻi ʻa e maá. Lolotonga hono tufa mai ʻa e maá, naʻá ku toe fai ha kiʻi lotu loto pē ʻo pehē: “ʻEiki, kātaki ʻo tāpuakiʻi hoku tuongaʻane ko Maikoló ke ne fiefia.”
ʻI he momeniti ko iá, naʻá ku ongoʻi ʻa e ʻofa lahi ko ʻeni ki hoku tuongaʻané, pea naʻá ku ʻiloʻi ʻa e ʻofa lahi ʻa e ʻOtuá kiate iá. Ko e ongó naʻe nonga mo ʻapasia, ka naʻe fuʻu mātuʻaki mālohi ia kiate au.
Hili e sākalamēnití, naʻe haʻu ʻa Maikolo ʻo tangutu ki lalo. Naʻe hangē ʻoku ongo faikehé, ka naʻá ku tafoki kiate ia ʻo talaange ki ai ʻoku ʻofaʻi ia ʻe he ʻOtuá.
Kuó u ongoʻi e ʻofa ʻa e ʻOtuá ki he kakai ʻoku mau feohí, pea kuó u ongoʻi fakataautaha ia ʻiate au. ʻOku ou ʻilo ʻokú Ne ʻofa foki ʻiate koe.