Unsa ang kahingpitan sa ebanghelyo?

Jesus in Gethsemane [Si Jesus diha sa Getsemani], ni Dan Burr

Ang Ginoo miingon nga ang kahingpitan sa ebanghelyo mao ang “walay kataposan nga pakigsaad,” nga Iyang “gipadala ngadto sa mga katawhan” (Doktrina ug mga Pakigsaad 66:2). Kini naglakip sa tanan nga gikinahanglan aron ang mga anak sa Dios makasulod og relasyon sa pakigsaad uban Kaniya ug makadawat og kaluwasan ug kahimayaan.

Ang ebanghelyo mao ang “maayong balita” mahitungod ni Jesukristo. Kini mao ang “laraw sa Dios sa kaluwasan, napahinabo pinaagi sa Pag-ula ni Jesukristo. Ang ebanghelyo naglakip sa walay kataposan nga mga kamatuoran o mga balaod, mga pakigsaad, ug mga ordinansa nga gikinahanglan alang sa katawhan aron makasulod pagbalik ngadto sa atubangan sa Dios” (Giya ngadto sa mga Kasulatan, “Ebanghelyo”). Daghan niini nga mga butang ang nawala. Apan karon, pinaagi sa pagpadayag ngadto sa mga propeta, nagsugod ni Joseph Smith, ang Ginoo mipahiuli sa kahingpitan sa Iyang ebanghelyo.

Pinaagi sa Pagpahiuli sa kahingpitan sa Iyang ebanghelyo, si Jesukristo “midapit kanatong tanan sa pagduol ngadto Kaniya ug sa Iyang Simbahan, sa pagdawat sa Espiritu Santo, sa mga ordinansa sa kaluwasan, ug sa pag-angkon og malungtarong kalipay” (“Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan,” Librarya sa Ebanghelyo).