Ivan B.

Litrato pinaagi ni Ashlee Larsen

Ako lang ang miyembro sa Ang Simbahan ni Jesukristo sa mga Santos sa Ulahing mga Adlaw sa akong eskwelahan. Kausa sa usa ka birthday party, ang akong mga higala nagsugod og inom. Gibati nako nga dili komportable ug mipauli. Sa dihang nangutana sila nganong mipauli ko og sayo, miingon ko nga dili ko moinom ug dili ko komportable. Wala sila ganahi sa maong tubag ug murag gilainan. Apan sa paglabay sa panahon, ang akong mga amigo nakadawat ra niini.

Sa laing higayon, ang akong maestra mihangyo nako nga mopakighabin ug usa ka Powerpoint nga presentasyon bahin sa Simbahan. Daghan sa akong mga klasmeyt adunay mga pangutana, ug gibati nako nga si Jesukristo nagtudlo pinaagi nako. Kon imong ipakigbahin ang imong pagpamatuod, dili ka angayng mahadlok sa unsay hunahunaon sa uban. Kon nagsalig ka sa Ginoo, tabangan ka Niya nga makahibalo unsay isulti.

Gusto kong magmisyon aron madala nako ang ubang tawo ngadto kang Kristo. Nagtuo ko nga ang Manluluwas midala sa mga sala sa kalibotan diha sa Iyang kaugalingon. Mahimo natong pundokon ang Israel ug dapiton ang matag usa nga moduol ngadto Kaniya.