O Le Paseka

Sa alu Mose ia Farao ma fai atu ia te ia e faasaoloto ia pologa a Isaraelu. Sa musu Farao. Sa auina atu e le Alii ni mala i Aikupito, ae sa fai atu pea Faroa e leai.

Na fetalai mai le Alii o le a Ia auina mai se mala mulimuli e tasi. O le a maliliu ulumatua o aiga uma i Aikupito. Ae afai e mulimuli Isaraelu i Ana faatonuga, o le a laaloa le mala ia i latou.

Na ta‘u atu e le Alii i tagata Isaraelu e ositaulaga se tamai mamoe po’a atoatoa ma vali le toto o le tamai mamoe i laaufaalava o faitotoa o o latou fale.

Sa oo mai le mala. Na maliliu ulumatua uma o Aikupito, e aofia ai le atalii o Farao. Ae o ulumatua a Isaraelu na faasaoina ona sa latou usiusitai i le Alii.

Sa ta’u atu e Farao ia Mose ma Isaraelu e tuua Aikupito. Ae sa ita Farao. Sa ia tuliloa ma lana autau i latou.

Sa tolauapi Isaraelu i le Sami Ulaula. Ina ua latou vaaia le o atu o Aikupito, sa fefefe i latou. Na fai mai Mose o le a puipuia i latou e le Alii.

Sa faaloaloa e Mose lona tootoo, ma sa vaeluaina e le Alii le sami. Ua sopoia e le aiga o Isaraelu i le laueleele matutu.

Ina ua saogalemu Isaraelu i le isi itu o le sami, sa alu ifo i lalo le vai ma malelemo ai le autau. Na iu lava ina saoloto Isaraelu.