“O La Matou Manatu i le Eseta,” Uo, Aperila 2026, 17.
O La Matou Manatu o le Eseta
Sa matou matamata ma la’u vasega Peraimeri i le Uo i le Uo lea na tuu mai ai e Elder ma Sister Bednar se savali e uiga i le auauna atu. Sa matou mananao e fuafua la matou lava gaoioiga auauna atu.
Sa feiloai le matou vasega o le Valiana 10 ina ua tuua le lotu e fuafua ma maua mai ai le tele o manatu eseese. Ina ua uma ona talanoa i manatu uma, sa tonu ia i matou e fai ni ato o le Eseta mo tamaiti e le maua ni mea se tele mo le Eseta e pei o matou.
Sa matou faia ma tamaiti o la’u vasega ni pepa faailo, ma o le Aso Sa na matou tufaina ai ma ta’u atu i tagata uma e uiga i le gaoioiga. Sa matou tuuina atu foi ni pepa faailo i fale o tagata.
O le taimi lava na iloa ai e tagata uma, sa matou tuua loa i fafo ni atigipusa foai e tuu ai e tagata aitema mo ato o le Eseta. Ina ua mavae ni nai aso, sa tele ni a matou aitema!
Na iu lava ina fai le matou gaoioiga. Sa ou faia le tatalo amata ma ole atu i le Tama Faalelagi e faamanuia tamaiti e mauaina ato ia iloa le tele o le matou alolofa sa faia ai nei ato. Ona matou galulue loa lea. Sa matou teuteuina ato e faaaoga ai maka ma sitika, ona faatumuina lea i meaalofa. Sa matou faia le silia ma le 100 ato o le Eseta! Sa ou lagonaina le ta’u mai e le Agaga Paia ia te au sa fiafia le Tama Faalelagi ma Iesu Keriso.
Ou te iloa sa faia e la’u vasega Peraimeri le mea sa’o e ala i le fesoasoani atu i isi tamaiti. Ou te iloa o loo mitamita le Tama Faalelagi ma Iesu Keriso ia i matou. Ma ou te uunaia tagata uma e auauna atu i isi.
Atatusi na tusia e Alyssa M. Gonzalez. E mafai ona kopiina mo na o le faaaogaina e le Ekalesia.