“Meaai & Malie,” Uo, Aperila 2026, 12–13.
Meaai & Malie
O lenei po o lena?
Faitau mau nei o le Feagaiga Tuai ma fai atu i au uo ma aiga nei fesili faavalevalea. Ona taumafai lea e mafaufau i ni au lava fesili!
Na poloaiina e le Tama Faalelagi ia Atamu ma Eva e tausia le laueleele ma meaola (tagai Kenese 1:26).
Mata e te tausia se togalaau po o se fagafao?
Ina ua uma ona vaeluaina e Mose le Sami Ulaula, sa sisiva Isaraelu ma pepese e faafetai i le Alii mo le faasaolotoina o i latou mai Aikupito (tagai Esoto 15:1, 20).
Ma te fia aoaoina se siva po o se pese?
Na poloaiina e le Alii ia Noa e aumai ni manu se lua o ituaiga eseese uma i luga o le vaa (tagai Kenese 6:19).
Mata e te faafagafaoa se gata tele po o se urosa?
Ina ua taumafai tagata ia oo atu i le lagi e ala i le fausiaina o le Olo o Papelu, sa suia e le Atua a latou gagana ina ia latou le malamalama ai le tasi i le isi (tagai Kenese 11:7).
Mata e te fia tautala i gagana uma pe tusitusi i gagana uma?
Sa fesoasoani le Alii ia Tavita e faatoilalo Koliata ona o le faatuatua o Tavita, e ui lava sa le’i tinotelē pe malosi Tavita e pei o Koliata (tagai 1 Samuelu 17:45–49).
Mata e te fia maua se malosiaga maoae po o se saoasaoa maoae?
Taaloga Taumatemate o le Feagaiga Tuai
Filifili se tasi mai le Feagaiga Tuai mai le lisi o loo i lalo. Aua nei ta’uina atu i se tasi po o ai lea! Tuu atu i isi e fai atu ni fesili e tali i le ioe po o le leai (e pei o le, “Pe o i latou o se perofeta?”) e taumafai ai e mate po o ai na e filifilia. Feauauai ma taimi pe o le a le vave e mafai ona e mateina ai. O ai lava e sili ona vave le taimi e mate ai pe a uma ni taamilosaga se tolu e malo!
-
Iosefa
-
Tavita
-
Mose
-
Noa
-
Ruta
-
Iona
-
Masiofo o Eseta
-
Isaako
-
Tanielu
Faaputuga Meaai Mama
Faaputu ma le faaeteete meaai e sili ona e fiafia i ai i luga o se tui laupapa. Atonu e te manaomia se fesoasoani a se matua. Faataitai nei tuufaatasiga malie!
-
Vine, peri, fasi sisi seta
-
Tamato ninii, kukama, polo faimeaai
-
peparoni ua gaugau, sisi mosarela lapotopoto, olive