“O Auala e 5 e Alofa Ai e Pei ona Sa Faia e Iesu,” Uo, Ape. 2026, 26–27.

O Auala e 5 e Alofa Ai e Pei ona Sa Faia e Iesu

O se tasi o mea mulimuli na fetalai atu ai Iesu Keriso i Ana uo a o lei faia Lana Togiola “e pei ona ou alofa atu ia te outou, … ia fealofani” (Ioane 13:34). O lena poloaiga e mo i tatou foi! O auala nei e lima e mafai ona e alofa ai i isi e pei ona sa Ia faia.

Alofa i Lou Tuaoi

Atatusi o se tamaitiiti ma se teineitiiti o loo faamamaina faatasi se faamalama

Sa aoao mai le Faaola, o poloaiga muamua e lua o le alofa i le Atua ma le alofa i lou tuaoi e pei o oe lava (tagai Mataio 22:37–40). O ai lou tuaoi? Tagata Uma!

Pe a e taumafai e alofa atili i se tasi, ia manatua Iesu. Taumafai e mafaufau ia i latou o se atalii/afafine o le Atua ma taulimaina i latou i le auala e te manao e taulimaina ai oe.

Alofa I Ou Fili

Atatusi o se teineitiiti o loo tootuli i le tatalo ma se lio o manatu o se tamaitiiti o loo tuleia o ia

Na tuuina mai e Iesu Keriso Lona soifua mo tagata uma, e oo lava i tagata e inoino ia te Ia. Sa Ia faa’alia le alofa silisili.

Pe a agaleaga se tasi, ia manatua Iesu. E mafai ona e tu atu ma le agalelei mo oe lava pe fai atu i se tagata matua faatuatuaina mo se fesoasoani. Taumafai e tuu atu i le tagata se ataata pe tatalo mo i latou. Atonu e le suia i latou, ae o le faaalia o le alofa o le a suia ai lou loto.

Alofa i Tagata o E Lagona le Tuulafoaiina

Atatusi o se teineitiiti o loo Tuuina atu se polo pasiketi i se tamaitiiti

Pe na e iloa sa faaaluina e Iesu Keriso le tele o Lona taimi faatasi ma tagata na teena e isi? O le tele o tala i le Tusi Paia o loo ta’u mai ai le ala na Ia fesoasoani ai i tagata agasala ma tu e faamalolo ē na tutuliesea.

Pe a e vaai i se tasi atonu o lagona le tuulafoaiina, ia manatua Iesu. Taumafai e talanoa atu ia i latou, valaaulia i latou e taaalo, pe faalogo ia i latou.

Alofa i Tagata E Manaomia le Faamafanafanaga

Atatusi o se tamaitiiti o loo saofafai ma se teineitiiti faanoanoa

Ina ua maliu le uo a le Faaola o Lasalo, sa fetagisi o Ia faatasi ma tuafafine o Lasalo—e ui lava o le a Ia faatuina mai Lasalo mai le oti! (Tagai i le Ioane 11:32–36.) Sa Ia faaalia le alofa e ala i le faaaluina o le taimi e faanoanoa ai ma tagata o e sa faanoanoa, ae le na o le taumafai e faaleleia o latou faafitauli.

Pe a faanoanoa se tasi, ia manatua Iesu. Taumafai e saofafai ma i ai ma i latou, tuuina atu se opo, pe tusi se faamatalaga agalelei.

Alofa i Tagata o E Manaomia Lana Fesoasoani

Atatusi o se teineitiiti i se nofoa faataavalevale o loo tuuina atu se meaai mama i se tamaitiiti o lo o tautau lona lima i se fusi

Sa faamalolo e Iesu Keriso e mama’i ma i latou sa manaomia le fesoasoani. E faamalolo foi e Ia tagata mai agasala e ala i le salamo. Atonu e le mafai ona tatou faamaloloina e pei ona sa Ia faia, ae e mafai lava ona tatou fesoasoani i Lana galuega faamalolo pe a tatou auauna atu i isi.

Pe a manaomia e se tasi le fesoasoani, manatua Iesu—ma tatou te manaomia uma Lana fesoasoani. Taumafai e mafaufau i le auala sili ona lelei e auauna atu ai ia i latou ma alolofa ia i latou.