“O Le Salamo e Faatatau i le Alofa,” Uo, Aperila 2026, 20–21.
O Le Eseta e Faatatau i le Alofa
Sii mai, “O Lou Salamo E Le o se Avega mamafa ia Iesu Keriso; E Faafiafiaina Ai Lona Olioli,” Liahona, Me 2025, 90-92.
Sa saunoa Peresitene Russell M. Nelson (1924–2025) i se tasi taimi, “E alofa le Faaola ia i tatou i taimi uma ae maise lava pe a tatou salamo.”
A fetalai mai la le Alii, “Ia outou salamo, ia outou salamo!” ae a pe a e manatu ua faapea mai o Ia, “Ou te alofa ia te oe. Ou te alofa ia te oe.” Ma pe a e salamo, ua e ta’u atu ia te Ia e te alofa foi ia te Ia.
O le salamo o la tatou talafou aupito manaia lea! Vaai falemafaufau i le ata o Keriso e sili ona e fiafia i ai. Vaai faalemafaufau la ia te Ia o ataata fiafia ma le olioli i taimi taitasi e te faaaogaina ai Lana meaalofa. O lou salamo e faamalamalamaina ai Lona olioli!
O le o mai ia Keriso e pei lava o le faapea atu, “E mafai ona e fesoasoani mai ia te au?” E te faatuatuaina Lona mana e fesoasoani ai ia te oe aua e te iloa e alofa o Ia ia te oe.
Ia faataitai fai le mea lea. O le po nei, ae e te le’i tatalo, manatu faapea o loo lata ane Iesu Keriso. Fesili ifo ia te oe lava, “O le a se tala o le a fai atu e le Faaola i le Tamā Faalelagi e uiga ia te au?”
Ona e faalogo lea.
Faalogologo mo lena leo o fai mai mea lelei e uiga ia te oe—o le leo o Iesu Keriso, lau uo lelei, ma lou Tamā Faalelagi, o lē o loo i ai moni iina. Manatua, o lo La’ua alolofa ma lou taua e silisili i taimi uma, tusa lava po o le a.
O Se Mamanu o le Alofa
Su’e ia mamanu o le fatu i le ata. O loo i ai pea iina le alofa o le Tama Faalelagi ma Iesu Keriso mo oe!
Atatusi na tusia e Nicole Walkenhorst