Hin dásamlega áætlun

Áður en við komum til jarðar, hafði himneskur faðir dásamlega áætlun fyrir okkur. Við myndum fæðast og læra og vaxa á jörðu. Við gætum fetað sáttmálsveg hans og tekið góðar ákvarðanir.

Himneskur faðir vissi að við þyrftum hjálp. Hann vissi að við myndum taka slæmar ákvarðanir og stundum syndga. Við gætum ekki farið aftur til hans ef við værum ekki hrein.

Við þörfnuðumst einhvers sérstaks til að hjálpa okkur að hreinsast frá syndum okkar. Jesús Kristur er elskaður sonur himnesks föður. Hann bauðst til að koma til jarðar og frelsa okkur frá syndum okkar.

Í hundruð ára beið fólk eftir fæðingu Jesú. Loks skein ný stjarna á himninum, til að segja heiminum að frelsarinn væri kominn.

Þegar Jesús var að alast upp kenndi hann fólki fagnaðarerindið. Hann var ljúfur og ástúðlegur. Hann blessaði börnin.

Hann kenndi að okkur bæri að fylgja sér og koma fram við aðra eins og hann myndi gera. Hann læknaði fólk sem var sjúkt. Hann lífgaði fólk upp frá dauðum.

Jesús vissi að það var kominn tími fyrir hans mesta kraftaverk. Hann fór í Getsemanegarðinn og baðst fyrir. Hann upplifði sársauka allra synda okkar og sorg og veikindi.

Sumir voru reiðir Jesú. Þeim líkaði ekki það sem hann kenndi og trúðu ekki að hann væri sonur Guðs. Jesús var handtekinn og negldur á kross þar sem hann dó.

Vinir Jesú voru afar sorgmæddir. Þeir lögðu hann í gröf og veltu stórum steini fyrir munann.

Þremur dögum síðar fóru konur nokkrar að gröfinni. Grafarsteinninn hafði verið tekinn frá munanum og gröfin var tóm! María Magdalena tók að gráta, því líkami Jesú var horfinn. Vingjarnlegur maður þar nærri spurði hana hvers vegna hún væri að gráta. Þegar hún sagði honum frá því, ávarpaði hann hana með nafni. Hún leit á hann og sá að hann var Jesús! Hann hafði lifnað við!

Á páskum minnumst við þess sem Jesús Kristur gerði fyrir okkur. Við getum iðrast og orðið hrein, vegna þess að hann þjáðist fyrir okkur. Við munum líka lifa aftur, vegna þess að hann reis upp. Vegna hans, getum við einn daginn lifað með himneskum föður okkar og fjölskyldum okkar að eilífu.

Opna PDF

Myndskreyting eftir Matt Sweeney. Afritun er aðeins heimil til kirkjunota.