Noa ma le Vaa

Sa usitai Noa ma lona Aiga i le Alii. O isi tagata uma sa matua amio leaga. Na ta’u atu e le Alii ia Noa o le a lilofia i se lolo le laueleele uma pe a le salamo tagata.

Na aoao atu Noa i tagata e alofa le Alii ia i latou ma e finagalo o Ia ia latou salamo ma ia faatuatua ia Iesu Keriso. Sa latou lē faalogo.

Na ta’u atu e le Alii ia Noa ia fausia se vaa tele. O le vaa o le a maua ai e le aiga o Noa le malutaga i le taimi o le lolo.

Ua aumai e le aiga a Noa meaai i totonu o le vaa. Na auina mai e le Alii ia le itiiti ifo ma le lua ni manu o ituaiga eseese mo Noa e tuu i totonu o le vaa. Ona amata lea ona timu.

Na timu mo le 40 ao ma le 40 po. O se lologa na ufitia ai le lalolagi, e pei lava ona lapatai mai le Alii.

O le aiga a Noa ma manu uma lava i totonu o le vaa na opeopea ma le saogalemu i luga o le vai.

Ina ua mae’a le lolo, sa paulia le vaa i le eleele matutu. Sa faafetai atu Noa ma lona aiga i le Alii mo le puipuia o i latou. Na folafola atu e le Alii o le a le toe faalolovai lava le lalolagi. Na ia tuuina mai le nuanua o se faamanatu i Lana folafolaga.