Uo mai le salafa o le Lalolagi

Sa aoina ma tuuina atu e tamaiti Peraimeri i Acre, Pasila ni aitema taua i tagata matutua o loo nonofo i se nofoaga autu e fesoasoani i ai. Sa latou aoaoina le loto malamalama, agaalofa, ma le auauna atu i isi.

Sa aoina mai e tamaiti Peraimeri i Karolaina i Matu, ISA, le silia ma le 500 tusi mo se galuega fesoasoani a le siteki. Sa foai atu tusi i faletusi mauafua i le lotoifale e fesoasoani ai i tamaiti ia maua ni tusi mauafua.

Hannah C., 10 tausaga, Texas, ISA

Adrian H., 6 tausaga, Hamburg Metropolitan Region, Siamani

Jia I., 7 tausaga, Gyeonggi-do, Korea i Saute

“Ia Outou Tutu i Nofoaga Paia,” Kalvin R., 9 tausaga, Wisconsin, ISA

Mo le afiafi faaleaiga, sa matou talanoa ai e uiga i malumalu na fausia e tagata o le Tusi a Mamona. Ona matou fausia lea o a matou lava malumalu.

Giovanni, Angelina, ma Gabe M., 8, 5, ma le 6 tausaga, Karolaina i Saute, ISA

Sa ou faatuina se sini mo le Polokalama a Tamaiti ma le Autalavou e aoao ai pese i luga o la’u kitara ma faatino i se nofoaga autu mo tagata matutua o nonofo ai. Sa ou galue malosi i la’u sini mo le silia ma se tausaga. O au galuega faigata uma sa matua aoga lava! Sa ou fiafia ina ua ou ausia la’u sini ma lagonaina faamanuiaga a le Tama Faalelagi.

Ingrid O., 10 tausaga, Iowa, ISA

Sa ou valaaulia a’u uo mai le aoga e o mai i lo’u papatisoga. Sa ou fiafia e toalua a’u uo ma o la aiga sa auai. Sa ou lagonaina le alofa o le Tama Faalelagi ina ua uma ona ou papatiso. Ou te iloa o a’u o se atalii o le Atua.

Liam R., 8 tausaga, Santiago Metropolitan Region, Chile

O loo auauna atu lo’u tuafafine i se misiona. Ou te tulimatai atu e auauna i se misiona pe a ou matua. Ou te manao e fesoasoani i tagata i soo se mea e aoao e uiga ia Iesu Keriso.

Levi T., 9 tausaga, Ohaio, ISA

Sa matou o i le sauniga o le suatiaina o le eleele mo le Malumalu o Tarawa Kiribati.

Abigail ma Saiara E., 8 ma le 10 tausaga, Tarawa, Kiripati