“O Lo’u Papatisoga,” Uo, Fepuari 2026, 17.

O Lo’u Papatisoga

Saunia e Henry M., 8 tausaga, Massachusetts, ISA

Atatusi o se tamaitiiti o loo tu i luga o le nofoa ma tilotilo i se ata o le Faaola

I le taumafanafana talu ai, sa ou papatiso ai. Sa matuai mafanafana lava le vai. Ina ua si’i ese a’u e lo’u tama mai le vai, sa ou lagona le fiafia tele i totonu. Sa molimau mai le Agaga Paia o loo ou faia le mea na finagalo le Tama Faalelagi ou te faia. Sa ou fiafia lava.

Ina ua ou papatiso, sa ou osia se feagaiga, po o se folafolaga e lua itu, faatasi ma le Tama Faalelagi o le a ou mulimuli ia te Ia ma tausi Ana poloaiga. Sa Ia folafola mai e fesoasoani ia te au ma taiala au i le meaalofa o le Agaga Paia.

Ina ua uma lo’u papatisoga, sa faafeiloai a’u e le epikopo o se tagata o le Ekalesia ma aoao mai ia te a’u se lesona. Sa fai mai o ia ou te tu i luga o se nofoa ma tilotilo i se ata o Iesu Keriso o loo tautau i luga o le puipui. Sa mafai foi ona ou vaai i se ataata o a’u lava i le tioata o le faavaa o le ata. Sa aoaoina ai a’u o le a faatasi pea Iesu ma a’u pe a ou manaomia o Ia.

Ou te iloa o le papatisoina o se mea maoae. Ua ou matua fiafia lava sa ou faia le faaiuga e papatiso, ma ou te iloa o le a e fiafia pe afai e te faia foi!